Pilipus 1:14 - Ya Baru nga Tulag

¹⁴ Se̍ bekken nas nga iyan, ta gapu idi nga nakaibaludac, napabileg ya kaaduwan kadiya kakabsat tida ka pammati iya namnama da iya Apu. Ket iya agten iyan, natured da itan nga mangikasaba iya kagi ne̍ Apu Diyus, nga awan ansing dan.

Pilipus 1:14 Iomraidhean Croise

Markus 3:3

Ket e̍ Je̍sus, kinunen na met ito lalaki nga nacpe̍t ya ima na nga, “Umbe̍t ka idi sangu mi,” kunen na.

Lukas 1:74

Nikari na ngarud nga isalakan nactida kadiya mangkuntra dactida, tasun mabalin tida ya agsirbi igina nga awan kuma ansing tida,

2 Kurintu 3:12

Ket gapu ta agten iyan ya namnama mi maipanggep iya ipadamag mi, agtalged kami nga unayin iya panangipakaemmu mi.

2 Kurintu 7:4

Dackel ya namnamac maigapu dakayu, se̍ napalaus pe̍ ya ragsac ku gapu dakayu. Dakayu met ya pakaliwliwaac nga pe̍yeng, ket itu nga iya orey nagan na nga pakariribukan mi, aganggem mac met pekkem.

E̍pe̍su 3:13

Itu nga gabay ku ngarud no madi kayu kuma nga makumsa gapu idi nga pakarigatac para dakayu, ta itu ya pakasingnan iya dayaw nu gapu iyaken.

Pilipus 1:20

Ta panggep ku se̍ namnamaec nga unay nga awan nad kuma pakaiyal-alyewwac maipanggep iya panagtungpal ku iya orey nagan na nga pagrebngac, no di tumured dac kuma lugud iya orey nagan na. Agten iyan nac kuma ngarud, tasun gapu iyaken, maidaydayaw kuma nge̍ Kristu ita, agten mettas iya panangipadayaw ku nga pe̍yeng igina, orey iya panagbiyag ku wi, winno iya pannakatey ku nad mettas.

Pilipus 1:7

Ket rumbeng met ya agten iyan nga panangnamnamac maipanggep dakayu nga amin, ta patpatgen nakayu. Rumbeng ngarud gapu ta makikanunung kayu nga amin iya siaayat nga panangtulung ne̍ Apu Diyus iyaken, orey idi nga pannakaibalud ku, se̍ orey iya panangipanecnec se̍ panangikasabac iya kinapudnu niya Makaparagsac nga Damag.

Pilipus 4:1

Dikad pe̍ dakayu nga patpatgec se̍ pakaessutac nga kakabsat se̍ pakaanggemmac se̍ pakaidayawac, ngarud, dakayu nga patpatgec, pabakedden nu kuma ngarudin ya panamati nu nga maikanatad kadiyan nga nibagac.

Kulusas 4:4

Ikarkararag nu kuma ngarud nga mailawlawag ku kuma nga nalaing yani nga ikasabac, sigun iya rebbeng niya saad ku.

Kulusas 4:7

Ket e̍ Tikiku ya mangipadamag nad dakayu iya amin maipanggep iya kasasaad ku wi. Igina ya isa nga patpatgec nga kabsat, se̍ managtulung ka toley, se̍ kabulun ku nga agsirsirbi iya Apu.

1 Te̍salunika 2:2

Ta emmu nu met to pannakaparparigat se̍ pannakaiyal-alyew mi enna Pilipus sacbay nito inumbe̍t mi iyan Te̍salunika. Ngem orey agten iyan, pinatured nakami ya Diyus tida nga nangipakaemmu latta dakayu iya Makaparagsac nga Damag nga gayat igina, orey adu pe̍ diya makatiped dakami itun.

2 Timutyu 2:9

Ket gapu ta ipalawag ku yan nga Makaparagsac nga Damag, itu ya gapu na nga uwed dac idi nga aglak-am ka rigatin, nga sibabalud dac kun nga sikakawar, nga arig nga isa nga managbasul. Ngem orey maigapus sac ennidi, madi nga gennung nga maigapus ya kagi ne̍ Apu Diyus.