Pilipus 1:11 - Ya Baru nga Tulag

¹¹ Ket iya agten iyan, adu win diya nalinteg nga banbanag nga masingen dakayu gapu iya tulung ne̍ Je̍su Kristu, ket agbanag didi ka pakasingnan iya kinaDiyus se̍ kinadayaw ne̍ Apu Diyus.

Pilipus 1:11 Iomraidhean Croise

Matyu 5:16

Ket agten kayu met kuma, ta madi kayu kuma ngarud ilinged ya arig nga dilag nu. Ta masingen kuma diya toltoley diya nabaru nga wangwangel nu. Ket iya agten iyan, daydayawen da ya Ama nu nga uwed ka langit.”

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 15:2

Ket iya agten iyan, diya amin nga sanga nga naisilpu iyaken nga madi mamisic, ipac na. Ket diya agbisbisic nga sanga, dalusan na, tasun ad-adu nad ya maibisic da.

Juan 15:8

Ta pakaidayawan niya Amac ya panamisic nu ka adu gapu iya panamati nu. Ket itu pe̍ ya panangipasingen nu nga tutu kayu nga pasurut ku.

Ruma 15:28

Dikad pe̍ no malpas kun yan nga gagarac nga mangitulud iyan nga ur-ur da igida ka He̍rusale̍m, agbulay yac nad nga mawe̍ ka Ispanya ngin, ket dumagas sac nga mona iya edyan nu.

Ruma 6:22

Ngem ita, nawayawayaan kayun iya pannakabalin niya basul. Ket arig nga nagbalin kayu nga tagabu ne̍ Apu Diyusin. Ket paglaingan nu yani, ta agpaay kayun kadiya nadiyusan nga banbanag, se̍ agbanag kayu pe̍ iya agnanayun nga biyag.

1 Kurintu 10:31

Ket agten idi ya isungbat ku iya agten iyan nga saludsud: Orey nagan na nga wanglen nu, agraman ya mangan winno uminum man, ket ipaay nu kuma ngas iya pakaidayawan ne̍ Apu Diyus.

2 Kurintu 9:10

Ket e̍ Apu Diyus, igina met ya paggayatan diya imula diya agmulmula, se̍ igina ya paggayatan diya kanen tida. Dikad pe̍ igina mettas pe̍ ya mange̍cde̍ kadiya masapul nu, se̍ ya mangpaadu pe̍ kadidi, tasun umadu ya nabaru nga pagbanagan diya nalinteg nga panagkaasi nu.

E̍pe̍su 1:12

Dikad pe̍ dactida nga non-ona nga uwed namnama na gapu e̍ Kristu, agpaay tida ngarud iya pakaidayawan ne̍ Apu Diyus, ta itu ya tarigagay na para dactida.

E̍pe̍su 1:14

Ket ya Ispiritu Santu, igina ya mangpatalged iya tawiden tida e̍ Apu Diyus, nga patalgeddan na ngarud ya panangpawayawaya ne̍ Apu Diyus dactida nga toley na. Ket gapu iyan nga inariman ne̍ Apu Diyus, agpaay tidan iya pakaidayawan na maigapu iya kinadayag na.

E̍pe̍su 2:10

Ta ya kinapudnu na, uwed din dactida nga mamati yan nga kasasaad tida, gapu ngas ito inariman ne̍ Apu Diyus. Ta niraman nactida iya kasasaad mettas ne̍ Kristu Je̍sus, tasun agpaay tida pe̍ iya panagwangel kadiya makaay-ayu igina. Itu met to panggep ne̍ Apu Diyus itun pekkem nga wangwanglen tida kuma ita.

E̍pe̍su 5:9

Ta ya patauden niya ugali niya isa nga uwed iya wada, itu ya amin nga kinabaru, kinalinteg se̍ kinapudnu.

Pilipus 4:17

Itu nga naragsakac ngarud. Ngem bekken nga diya e̍c-e̍cde̍ nu iyaken ya sapsapulec, no di lugud ya umad-adu diya masingen dakayu nga pagbalinan niya panamati nu.

Kulusas 1:10

Ket agten iyan ngarud ya ikarkararag mi, ta gabay mi no agbiyag kayu kuma nga tumutup iya Apu. Ta diyan nas makaay-ayu igina ya pe̍yeng nu nga wangwanglen kuma, ta agbanag kuma ka nabaru diya amin nga nadumaduma nga wangwanglen nu, se̍ umad-adu kuma pe̍ ya pannakaemmu nu maipanggep iya gangey ne̍ Apu Diyus.

Kulusas 1:6

Ket idi mettas nga Makaparagsac nga Damag nga naipakaemmu win dakayu, pe̍yeng nga agbanag ka nabaru kadiya amin nga edyan iya lubung. Ket umad-adu met pekkem pe̍ ya paglaingan na kadiya mamati, agten pe̍ dakayu, nanipud ito damu nga nagicna nu se̍ naawatan nu ya kinapudnu maipanggep iya siaayat nga asi ne̍ Apu Diyus.

2 Te̍salunika 1:12

Ket agten iyan kuma ngarud, tasun maidaydayaw ya Apu tida nga Je̍sus gapu dakayu. Ket maidaydayaw kayu pe̍, ta itu ya pagbanagan niya siaayat nga asi niya Diyus tida se̍ e̍ Apu Je̍su Kristu dactidan.

Titu 3:14

Ket isurum kuma diya kabulun tida ennan nga makibiyang da kadiya nabaru nga wangwangel, tasun makatulung da kuma kadiya toley nga uwed kasapulan da, se̍ tasun uwed nabaru nga pagbanagan niya panagbiyag da.

He̍briyu 12:11

Ket no mapatigmaanan tida, pagarup tida met no pagsakitan ngas nga awan paganggemman. Ngem ya tutu nga pagtungpalan na, ket agbanag met ka kinatalna se̍ kinanacman para iya maadalan gapu iyan nga patigmaan.

1 Pe̍dru 2:12

Pe̍yeng nu kuma nga ipasingen diya nabaru nga ug-ugali nu kadiya toley nga di mamati e̍ Apu Diyus. Tasun iyan, orey kunen da ita nga dake̍c kayu kanu nga toley, malasin da met nga nabaru nga tutu diya wangwanglen nu. Ket iya agten iyan, dayawen da nad met nge̍ Apu Diyusin, no madatngan ya timpu niya pananglinteg na.

1 Pe̍dru 2:5

Ket dakayu, arig kayu pe̍ nga batbatu nga sibibiyag. Ket maurnus kayu ka isa nga bungguy, nga itu ya te̍mplu nga maipaay iya Ispiritu ne̍ Apu Diyus. Ket agten iyan ngarud, tasun agbalin kayu nga isa nga bungguy nga agsirsirbi ngas e̍ Apu Diyus. Ket diya di masingen nga banbanag nga ipaay nu igina, itu ya maibilang nga pagdatun nu nga magustuwan ne̍ Apu Diyus gapu e̍ Je̍su Kristu.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.

1 Pe̍dru 4:14

Ket no mauyaw kayu gapu iya panamati nu e̍ Kristu, maragsakan kayu latta. Ta aged-edyan met dakayun ya Ispiritu nga pagtaudan niya dayaw, nga itu ya Ispiritu ne̍ Apu Diyus.