Pilipus 1:1 - Ya Baru nga Tulag

¹ Iyaken nga Pablu se̍ e̍ Timutyu nga agsirsirbi e̍ Kristu Je̍sus, ket dakami ya akin-surat idi. Isurat mi yani dakayu iyan Pilipus. Isurat mi ngarud dakayu nga amin nga toley ne̍ Apu Diyus iyan gapu iya pannakaitipun nu e̍ Kristu Je̍sus, agraman dakayu nga agay-aywan iya bungguy, se̍ dakayu nga katulungan niya bungguy.

Pilipus 1:1 Iomraidhean Croise

Markus 13:34

Ket maiyarig yani iya isa nga toley nga mawe̍ ka deyyu nga lugar. Ket sacbay nga agrubwat, bilinen na ngarud diya tagabu na, nga italec na igida ya tunggal pagrebngan da, se̍ bilinen na pe̍ ya agbantay iya gagayangan, nga sisasagana kuma kanu nga pe̍yeng.

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Aramid 1:20

Ket nituluy ne̍ Pe̍dru nga kinunen na, “Uwed nisurat nito Ari Dabid ito libru Salmu iya Bibliya, nga napatutuwanin gapu ito Hudas. Ta kunen na, ‘Mapanawan kuma ya baley na. Ngarud, awan kuma agedyan iyanin.’ Ket kunen na pe̍, ‘Uwed kuma sabali nga sumukat igina iya akem na,’ kunen na. Agten kadiyan ya naisurat ito libru Salmu.

Aramid 20:28

“Dikad pe̍ ita, dakayu nga panglakayen, agannad kayu nga tunggal isa, se̍ siputan nu pe̍ diya amin nga mamati nga nitalec niya Ispiritu Santu dakayu iya tunggal bungguy nu. Aywanan nu da nga nalaing, ta bukud ne̍ Apu Diyus da nga arig nga ngininaan na da iya daga niya Anac na.

Aramid 9:13

Ngem kinunen ne̍ Ananyas, “Ay-ay! Adu ya nadamag kun Apu, maipanggep ito Saulu. Ta napalaus kanu ya dake̍c nga inariman na kadiya mamati nga toley mu ka He̍rusale̍m.

Ruma 1:1

Iyaken nge̍ Pablu nga isa nga agsirsirbi e̍ Kristu Je̍sus. Pinili nac nge̍ Apu Diyus, se̍ pinagbalin nac nga apustul nga naipaay iya panangipakaemmu iya Makaparagsac nga Damag ne̍ Apu Diyus.

Ruma 1:7

Itu nga isurat ku yani dakayu nga uwed ka Ruma, dakayu nga amin nga ay-ayaten se̍ pinili ne̍ Apu Diyus nga agbalin nga toley na nga naipaay igina. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

1 Kurintu 16:10

Ket no dumateng nge̍ Timutyu iya edyan nu, siririspitar kayu kuma igina, tasun madi kuma man-ansing nga mibulubulun dakayu, ta padac nga agsirsirbi nga agpaay iya Apu.

2 Kurintu 1:1

Iyaken nge̍ Pablu nga pinagbalin ne̍ Apu Diyus nga isa nga apustul nga agpaay e̍ Kristu Je̍sus. Dakami nge̍ Timutyu nga kabsat tida ya agisurat idi dakayu nga bungguy nga agpaay e̍ Apu Diyus iyan Kurintu, agraman diya amin nga duduma nga toley ne̍ Apu Diyus iyan nga prubinsiya nga Akaya.

Galasiya 1:10

Nitured ku nga nibaga ya agten iyan, ta bekken met nga ya beggic ya gabay ku nga padayawen. Ya iyaannamung ne̍ Apu Diyus lugud ya sapsapulec kadidi nga nibagac. Bekken ngarud nga toley ya gabay ku nga ay-ayuwen kadidi nga nibagac, ta no toley kuma ya gabay ku nga ay-ayuwen, bekken met nga e̍ Kristu ya pagsirsirbiyac kun.

Galasiya 3:26

Ta gapu iya panamati nu, nagbalin kayu nga amin nga an-anac ne̍ Apu Diyusin, gapu iya pannakaitipun nu e̍ Kristu Je̍sus.

Galasiya 3:28

Dikad pe̍ gapu iya pannakaitipun nu e̍ Kristu Je̍sus, naibilang kayu nga agpapada ngin. Awan ngarud nagdudumaanin diya Hudyu se̍ bekken nga Hudyu iya imatang ne̍ Apu Diyus, ket awan pe̍ pagdumaanin niya tagabu winno bekken nga tagabu, se̍ awan pe̍ pagdumaan niya lalaki winno babey, ta is-isa kayu nga aminin.

E̍pe̍su 1:1

Iyaken nge̍ Pablu nga pinagbalin ne̍ Apu Diyus nga isa nga apustul nga agpaay e̍ Kristu Je̍sus. Isurat ku yani dakayu nga toley ne̍ Apu Diyus enna E̍pe̍su, dakayu nga pe̍yeng nga nabileg ya panamati na e̍ Kristu Je̍sus.

E̍pe̍su 1:15

Tutu ngarud diyan, ket itu nga manipud ito nadamag ku ya panamati nu e̍ Apu Je̍sus se̍ ya panagayat nu kadiya amin nga toley ne̍ Apu Diyus,

E̍pe̍su 6:24

Sapay kuma ta uwed ya siaayat nga asi ne̍ Apu Diyus kadiya amin nga agayat iya Apu tida nga Je̍su Kristu ka ayat nga awan panagpatingga na.

Pilipus 2:19

Ket iya di mabayag, ibon ku kuma dakayu nge̍ Timutyu, no ipalubus ne̍ Apu Je̍sus. Ibon ku tasun maragsakan nac nad gapu kadiya maipadpadamag na iyaken nga maipanggep dakayu.

Pilipus 2:5

Tuladen nu kuma to gangey ne̍ Kristu Je̍sus,

Pilipus 3:12

Bekken ku met nga kunen nga nakadateng ngac kun iya pagtungpalan niya namnamaec, se̍ di yac pe̍ kayat nga kagiyen nga nagbalin nac kun nga awan pagkurangan na. Ngem ya kayat ku nga kagiyen, ket wanglec ngarud ya kabaellac, tasun magun-ud ku kuma ya namnamaec. Ta itu met ya tumutup ito panangtagikuwa ne̍ Kristu Je̍sus iyaken.

Pilipus 3:3

Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

Pilipus 3:8

Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

1 Te̍salunika 1:1

Dakami nga tellu: Pablu, Silas, se̍ Timutyu, isurat mi yani nga surat dakayu nga bungguy mamati iyan Te̍salunika, dakayu nga toley ne̍ Apu Diyus nga Ama se̍ e̍ Apu Je̍su Kristu. Sapay kuma ta uwed dakayu ya siaayat nga asi, se̍ ya talna nga gayat e̍ Apu Diyus.

1 Te̍salunika 2:2

Ta emmu nu met to pannakaparparigat se̍ pannakaiyal-alyew mi enna Pilipus sacbay nito inumbe̍t mi iyan Te̍salunika. Ngem orey agten iyan, pinatured nakami ya Diyus tida nga nangipakaemmu latta dakayu iya Makaparagsac nga Damag nga gayat igina, orey adu pe̍ diya makatiped dakami itun.

2 Te̍salunika 1:1

Dakami nga tellu: Pablu, Silas, se̍ Timutyu, isurat mi yani nga surat dakayu nga bungguy mamati iyan Te̍salunika, dakayu nga toley ne̍ Apu Diyus nga Ama tida se̍ toley met pe̍ ne̍ Apu Je̍su Kristu.

2 Te̍salunika 1:10

Ngem dactida nga mamati, masingen tida nad nge̍ Apu Je̍sus no madatngan yan nga Timpu nga umbe̍t na, ata umbe̍t nad tasun mapadayawan kadiya toley na. Ket diya amin nga mamati, ipatpateg da nad nge̍ Apu Je̍sus. Mairaman kayu nad met pe̍ iyan, gapu ta pinati nu to kagi nga nipakaemmu mi dakayu itun maipanggep igina.

1 Timutyu 1:2

Isurat ku yani nga surat ikew, Timutyu nga ibilang ku nga pudnu nga anac ku ka pammati. Sapay kuma ta uwed ikew ya siaayat nga asi, tulung, se̍ talna, nga gayat e̍ Apu Diyus nga Ama se̍ e̍ Kristu Je̍sus nga Apu tida.

1 Timutyu 3:8

Agten iyan met pe̍ diya lalaki nga katulungan niya bungguy mamati, ta masapul nga naraem da gapu iya kinatacneng da. Ket masapul da pe̍ nga napudnu iya kagi da, se̍ madi mabalin no age̍ng-e̍nglew winno agagum ka kuwarta.

Titu 1:1

Iyaken nge̍ Pablu nga isa nga agsirsirbi e̍ Apu Diyus se̍ isa nga apustul nga agpaay e̍ Je̍su Kristu. Naibon nac nga mangpabileg iya panamati diya pinili ne̍ Apu Diyus nga an-anac na, se̍ tasun mangiturung ngac pe̍ igida iya kustu nga sursuru niya pammati tida, nga itu ya sursuru nga agiturung iya panagtungpal iya tarigagay ne̍ Apu Diyus.

Titu 1:7

Ta masapul nga awan pakaumsiyan niya agay-aywan iya bungguy mamati, ata igina mettas ya natalec iya wangel ne̍ Apu Diyus. Itu nga madi mabalin no natangsit winno nalaka nga makaunget, se̍ madi pe̍ mabalin no age̍ng-e̍nglew, winno nauyung, winno naagum ka kuwarta.

Pilimun 1:1

Iyaken nge̍ Pablu nga naibaludin maigapu e̍ Kristu Je̍sus. Ket dakami nge̍ Timutyu nga kabsat tida ka pammati, surat mi yani ikew, Pilimun nga patpatgen mi nga kabulun nga agsirsirbi.

He̍briyu 13:23

Ket gabay ku pe̍ nga ipakaemmu dakayu nga napalubusanin nge̍ kabsat tida nga Timutyu ito pagbaludan. Ket no makamakam nac age̍ niya ipeppen ku iyan nga edyan nu, igina kuma ya kabulun ku nga umbe̍t iyan.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

1 Pe̍dru 2:25

Ta itun, arig kayu nga karne̍ru nga naitewtew. Ngem ita, napasoli kayun iya Agay-aywan dakayu nga Agistimar dakayun.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.

Paltiing 1:20

Ket no maipanggep kadito pitu nga bituwen nga nasingem iya diwanan nga imac, se̍ dito pitu nga balituc nga dilag, agten idi ya kaipapennan da: Diya pitu nga bituwen, igida diya kaiyarigan diya anghe̍le̍s nga agay-aywan kadito pitu nga bungguy diya mamati. Ket diya pitu nga balituc nga dilag, itu diya kaiyarigan dito pitu nga bungguy,” kunen na.

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.

Paltiing 2:12

“Ket idi ya isurat mu iya anghe̍l nga agay-aywan iya bungguy mamati ka Pe̍rgamu: “Itu yan ya kunen niya uwed natadem nga ispada na nga agsumbangir ya tadem na:

Paltiing 2:8

“Ket idi ya isurat mu iya anghe̍l nga agay-aywan iya bungguy mamati ka E̍smirna: “Itu yan ya kunen niya kaonaan se̍ kaodiyan ya kinauwed na, nga igina to natey se̍ nagungar mettas:

Paltiing 22:9

Ngem kinunen na iyaken, “Bay-am yan! Ta isa ngac ngas met nga agsirsirbi e̍ Apu Diyus, nga agten mettas ikew se̍ dito kakabsat mu nga mammadtu se̍ diya amin nga agtungpal kadiya nisurat mu iyan nga libru. E̍ Apu Diyus ngas met ya pagdayawam!” kunen na.