Pilimun 1:6 - Ya Baru nga Tulag

⁶ Ket ikarkararag ku nga gapu iya pannakitipun mu kadiya padam nga uwed pe̍ panamati da, adu kuma ya napaw-is nga pagbanagan niya panamatim, tasun maawatam kuma nga nalaing maipanggep kadiya amin nga paglaingan nga e̍cde̍ ne̍ Kristu dactida gapu iya pannakitipun tida igina.

Pilimun 1:6 Iomraidhean Croise

Matyu 25:16

“Ket to nae̍cdan ka lima nga ribu, sigida nga nawe̍ na nikume̍rsiyu, ket nakaganansiya met ka lima nga ribu win.

Matyu 5:16

Ket agten kayu met kuma, ta madi kayu kuma ngarud ilinged ya arig nga dilag nu. Ta masingen kuma diya toltoley diya nabaru nga wangwangel nu. Ket iya agten iyan, daydayawen da ya Ama nu nga uwed ka langit.”

1 Kurintu 14:25

Ket mailawlawag pe̍ igina diya ilimlimed niya lemlemmet na. Ket iya agten iyan, itu yanin ya panagbabawi nan. Ket aglakeb ngarud nga sidadayaw e̍ Apu Diyusin, ket kunen na nga tutu met nga uwed dakayu ya kinauwed ne̍ Apu Diyus.

1 Kurintu 16:9

Agedyan nac pekkem ngarud idi, ta adu nga tutu ya paglaingan niya wangel ku ennidi, ket kamuwec kuma ngarud. Ngem adu pe̍ diya mangkuntra kadiya isursuruc ennidi.

Pilipus 4:8

Ket idi ya modi nga ibagbagac dakayu nga kakabsat: Diya panpanunuten nu kuma nga pe̍yeng, ket itu ngas diya banbanag nga mange̍cde̍ ka napudnu nga kagi, nadayaw se̍ nalinteg nga ugali, nadalus nga pamaay, se̍ diya agpaay ka panagayat se̍ panagkagi ka nabaru. Ngarud, diya ug-ugali nga mange̍cde̍ ka kinatacneng se̍ diya annamungan ne̍ Apu Diyus, itu kuma ngarud diya ipatpateg nu.

Kulusas 1:9

Itu nga manipud ito nadamag mi ya maipanggep dakayu, ket ikarkararagan dakayu nga pe̍yeng. Ket ikarkararag mi e̍ Apu Diyus nga awan kuma pagkurangan nu iya pannakaemmu nu iya tarigagay ne̍ Apu Diyus maipanggep dakayu. Ta ikarkararag mi nga mangpasirib kuma ya Ispiritu ne̍ Apu Diyus dakayu, tasun kustu kuma ya pannakaemmu se̍ pannakaawat nu kadiya amin nga banbanag.

Kulusas 3:10

Ket nisaad nu met itan ya kabarbaru nga gangey nun. Ket idi nga kabarbaru nga gangey nu, pe̍yeng nga mapabpabaru, gapu iya naadal nu maipanggep iya gangey ne̍ Apu Diyus, nga igina met ya pagtaudan na.

Titu 3:14

Ket isurum kuma diya kabulun tida ennan nga makibiyang da kadiya nabaru nga wangwangel, tasun makatulung da kuma kadiya toley nga uwed kasapulan da, se̍ tasun uwed nabaru nga pagbanagan niya panagbiyag da.

He̍briyu 6:10

Ta emmu tida nga gapu ta kustu ya pananglinteg ne̍ Apu Diyus, silalagip ngarud kadiya nabaru nga winangel nu. Ket se̍ silalagip pe̍ iya panagayat nu igina, nga ipasingen nu gapu iya panangtulung nu kadiya pada tida nga mamati, nga itu ya winangwangel nu itun, se̍ orey ita pe̍.

Santiyagu 2:14

Nagan ya sirbi na, kakabsat ku, no kunen niya isa nga toley nga uwed kanu panamati na, ngem awan met wangwanglen na nga mangipasingen iya panamati na? Ya agten iyan nga panamati, bekken met nga pakaisalakanan na.

Santiyagu 2:17

Ket agten met pe̍ iyan ya panamati tida, ta no awan maidanggay nga wangwanglen nga mangipasingen iya panamati, awan ngarud sirbi na.

1 Pe̍dru 2:12

Pe̍yeng nu kuma nga ipasingen diya nabaru nga ug-ugali nu kadiya toley nga di mamati e̍ Apu Diyus. Tasun iyan, orey kunen da ita nga dake̍c kayu kanu nga toley, malasin da met nga nabaru nga tutu diya wangwanglen nu. Ket iya agten iyan, dayawen da nad met nge̍ Apu Diyusin, no madatngan ya timpu niya pananglinteg na.

1 Pe̍dru 3:1

Ket dakayu nga siaasawaan nga babey, rebbeng nu ya paiturayan kadiya asawa nu. Ta orey no uwed asawa nu nga madi da gabay ya mamati iya kagi ne̍ Apu Diyus, bareng no mamati da nad mettas, no masingen da diya nabaru nga ug-ugali nu nga as-asawa da, orey no awan ikagi nu igida.

1 Pe̍dru 3:16

Ket agannad kayu pe̍ iya panagbiyag nu. Ta yan nas nadalus nga nakem ya uwed kuma dakayu, tasun diya manguyaw iya nabaru nga ugali nu gapu iya pannakitipun nu e̍ Kristu, nakal-alyew da ngas met no agkagi da ka mangpasakit iya nakem nu.

2 Pe̍dru 1:8

Ket no uwed dakayu didi nin se̍ pe̍yeng nga itu diya ad-adda nga wangwanglen nun, siguradu nga uwed sirbi se̍ nabaru nga pagbanagan niya pannakaemmu nu iya Apu tida nga Je̍su Kristu.