Pilimun 1:16 - Ya Baru nga Tulag

¹⁶ Ket itan, bekken mu was nga tagabu win, no di lugud napateg nga kabsat mu pe̍ yin ka pammati. Ket napateg nga unayin, nangruna iyaken, ket nangnangruna pekkem ikew. Ta bekken nas nga tagabum ita, no di pe̍ kabsat mu ka pammati iya Apu win.

Pilimun 1:16 Iomraidhean Croise

Matyu 23:8

“Ngem dakayu, madi kayu kuma nga maawagan ka Mistru, ta is-isa ngas ya Mistru nu. Ket dakayu, agpapada kayu nga kakabsat.

Aramid 9:17

Itu nga nawe̍ ngarud nge̍ Ananyasin. Ket ito nimuneg ito baley ne̍ Hudas, nipatey na ngarud diya ima na e̍ Saulu, nga kunen na igina, “Kabsat nga Saulu, e̍ Apu Je̍sus met ya nagpasingen ikew ito kalsada ito agpapen ka idi. Ket igina met pe̍ ya nangibon iyaken idi. Nibon nac ngarud idi, tasun makasingen ka manin se̍ tasun maidalan ya panpanunut mun gapu iya Ispiritu Santu,” kunen na.

1 Kurintu 7:22

Ta ya toley nga natagabu win ito sacbay nga panangawis niya Apu igina, naibilang nga siwayawaya nga toley niya Apu win. Ket ya bekken nga tagabu ito panangawis niya Apu igina nga mamati, ket naibilang met nga tagabu ne̍ Kristu win.

Kulusas 3:22

Ket dakayu nga tagabu, managtungpal kayu kadiya amu nu idi nga lubung iya orey nagan na nga ipawangel da dakayu. Ket ya panagtungpal nu, bekken nas nga no sisingen dakayu, tasun maay-ayu nu da, no di lugud sipupudnu kayu kuma ngas, gapu iya panangipateg nu iya Apu.

1 Timutyu 6:2

Ket diya tagabu nga mamati pe̍ ya amu na, madi da kuma kessayan ya panagdayaw da kadiya amu da gapu iya panagkabsat dan ka pammati, no di lugud napaspasnec da kuma pekkem iya panagsirbi da. Ta diya agten iyan nga pagsirbiyan da nga amu, mamati da ngarud met pe̍, ket napateg da nga kakabsat. Diyan nga nipakaemmuc ikew, ipakaemmum kuma pe̍ kadiya mamati ennan nga masapul nga suruten da.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.