Paltiing 9:1 - Ya Baru nga Tulag

¹ Ket itun, pinauni ngarud nito maikalima nga anghe̍l to tangguyub nan, ket uwed nasingec nga arig nga bituwen manin nga niterkag iya lubungin. Ket to sinan-bituwen, nae̍cdan met ka tulbec niya ruwangan niya nakaun-uneg nga ebbut iya ginet.

Paltiing 9:1 Iomraidhean Croise

Lukas 10:18

Ket kinunen ne̍ Je̍sus igida, “Pudnu met yan, ta naimatangac met ya kellat nga pannakaidegsut ne̍ Satanas manipud ka langit, nga arig mettas nga panagsel-it.

Lukas 8:31

Ket nipacpakaasi ngarud dito sairu e̍ Je̍susin nga madi na da kuma kanu papennen iya pagtuukan nga uwed iya nauneg nga lugar.

Ruma 10:7

Se̍ kinunen na pe̍, “Madi ka kuma pe̍ ipagarup nga masapul nga uwed agpasegged nga mawe̍ iya nakaun-uneg nga edyan,” kunen na, ket kayat na nga kagiyen nga tasun uwed kuma mawe̍ mangiyune̍c e̍ Kristu manipud iya edyan diya natey.

Paltiing 1:18

Iyaken ya sibibiyag nga pe̍yeng. Natey yac itun, ngem ita, singem, sibibiyag gac kun ka agnanayun. Ket iyaken ya nakaitalkan diya arig nga tulbec niya pannakabalin niya patey se̍ ya pagtuukan diya natey enna Hade̍s.

Paltiing 1:20

Ket no maipanggep kadito pitu nga bituwen nga nasingem iya diwanan nga imac, se̍ dito pitu nga balituc nga dilag, agten idi ya kaipapennan da: Diya pitu nga bituwen, igida diya kaiyarigan diya anghe̍le̍s nga agay-aywan kadito pitu nga bungguy diya mamati. Ket diya pitu nga balituc nga dilag, itu diya kaiyarigan dito pitu nga bungguy,” kunen na.

Paltiing 11:7

Ket kalpasan nad niya panangipadamag dito duwa nga mangipakaemmu iya pudnu, uwed met nakan-ansing nga sinan-animal nga rumwarin ito nakaun-uneg nga ebbut iya ginet, tasun mawe̍ makidangadang igida. Ket abaken na da nad met nga patayen.

Paltiing 17:8

Ket to animal nga nasingem, itu to nagturturay itun, ngem awan mettin ita. Agparang nad mettas manin, ta rumwar nad met ito nakaun-uneg nga ebbut iya ginet. Ngem agbanag lugud das nad ka pakatayan na. Ket nad no aggundaway manin to animal iya lubung, masdaaw ngarud diya bekken nga naisurat ya nagan da iya libru nga nakaisuratan dito nagnagan diya mae̍cdan ka agnanayun nga biyag, manipud ito di pekkem nga naparsuwa ya lubung. Masdaaw da nad ngarud no masingen da to nadgang nga animal nga agparang manin, ta igina met to nagturturay itun, ngem napukaw met itan, ket agparang nad met manin.

Paltiing 20:1

Ket itun, uwed nasingec nga isa nga anghe̍l nga agpaspasegged nga gayat ka langit. Ket ic-icman na ya isa nga kawar se̍ ya tulbec nito nakaun-uneg nga ebbut iya ginet.

Paltiing 20:10

Ket to diyablu nga nangallilaw kadiya toltoley, naidegsut mettin nga naipisuc ito dackel nga pagapuyan nga uwed gumilgilab nga burbura nga asupre̍ na. Ket itu pe̍ to nakaipisukan nito nakan-ansing nga animal se̍ to busid nga mammadtu. Ket algew-gabi da met nga agtuctuuc antuni nin ka agnanayun nga awan patingga na.

Paltiing 6:13

Ket diya bitbituwen, naiterterkag da iya ginet itun nga gayat iya abac lawa, nga arig met nga agterterkag diya naata pekkem nga bisic niya kayu nga igus no mabluut ka nabileg ya kayu win.

Paltiing 8:10

Ket pinauni nito maikatlu nga anghe̍l to tangguyub na, ket uwed met niterkagin nga gayat iya abac lawa nga isa nga dackel nga bituwen nga arig nga mapocpooran nga nagateng nga dilag. Ket dinumsag met iya pagkatlu diya wangwangag, se̍ kadiya ub-ubbug.

Paltiing 8:12

Ket pinauni mettin nito maikapat nga anghe̍l to tangguyub na, ket napirdi yin ya pagkatlu niya sinag, pagkatlu niya bulan, se̍ ya pagkatlu pe̍ diya amin nga bitbituwen. Itu nga napukaw ya bileg niya pagkatlu diya mangwada ngin. Ket iya agten iyan, nagicbet met nga tutu win ya pagkatlu niya algew se̍ ya pagkatlu niya gabi.

Paltiing 8:2

Ket itun, uwed nasingec nga pitu nga anghe̍le̍s, nga igida diya anghe̍le̍s nga nakasisikad iya sangu ne̍ Apu Diyus. Ket nae̍cdan da ka sagge̍sa da nga tangguyub.

Paltiing 9:2

Ket linukatan met nito sinan-bituwen to ruwangan nito nakaun-uneg nga ebbut. Ket uwed rinumwar nga adu nga asuc, nga arig nga asuc nga agpangudu nga gayat iya simburyu niya dackel nga pagapuyan. Ket naasukan met ya amin nga abac lawa ngin, ket nalingdan pe̍ yin ya sinag.