Paltiing 8:7 - Ya Baru nga Tulag

⁷ Pinauni ngarud nito mona nga anghe̍l to tangguyub na, ket arig nga naudanan ya lubungin ka lalagu se̍ apuy nga nalaukan met ka daga. Nacset mettin ya pagkatlu niya uwed iya sap-ew niya ginet, ket nacset ngarud ya pagkatlu diya amin nga kaykayu, se̍ diya amin nga rucruut.

Paltiing 8:7 Iomraidhean Croise

Santiyagu 1:11

Ta no agmatuun ya sinag, macrit diya eddon diya rucruut. Ket diya belbellad da, miterkag dan, ket bekken met nga napaw-isin. Ket agten pe̍ iyan ya bacnang, ta malabes nad pe̍, orey no madama pekkem nga bumacbacnang.

1 Pe̍dru 1:24

Ta agten iya naisurat iya Bibliya nga kunen na, “Amin nga maiyanac ka kinatoley, mabalin nga maiyarig ngas kadiya rucruut. Ket amin nga dayaw toley, maiyarig ngas kadiya bellad rucruut. Ta macrit ngas diya rucruut, ket agterkag ngasin diya bellad da.

Paltiing 12:4

Ket to ipus na, inapras na met ya pagkatlu diya bitbituwen iya abac lawa, ket naidegsut da iya ginet tin. Ket to dragun, nagsisikadin ito sangu nito babey nga dandani aganac kin, ta gabay na nga kanen kuma ya ke̍bit nito babey, no maiyanac kin.

Paltiing 16:2

Ket nawe̍ ngarud nibuyat nito mona nga anghe̍l ya mayan nito malukung na iya lubung. Ket dito toley nga namarkaan ito marka nito nakan-ansing nga animal se̍ nagdaydayaw ito bultu na, uwed met timubtubu igida nga nakar-aryec se̍ naut-ut nga talingu, nga agten iya busali.

Paltiing 16:21

Ket naglalagu met pe̍ itun ka dadackel nga lalagu, ket naterkagan ngarud met diya toley yin. Aglima nga pulu nga kilu met ya kadammet niya tunggal isa nga lalagu. Ket gapu ta napalaus nga unay yan nga panagrigat da gapu ito panaglalagu na, nagkagkagi met diya toley ka dake̍c maipanggep e̍ Apu Diyusin, ta nakaru nga tutu to pannakaparigat da.

Paltiing 6:8

Ket ito pinumsekkac, uwed met nasingec nga kabayu nga ngumilangila ya kulur na. Ket Patey ya nagan nito nakasakey ito kabayu. Ket uwed pe̍ nip-ipuyut igina nga agnagan ka Hade̍s. Ket nae̍cdan da ka turay nga mangpatey iya pagkapat niya toltoley iya lubung gapu ka gubat, bisin, sakit nga makapatey, se̍ gapu kadiya nauyung nga an-animal nga uwed iya lubung.

Paltiing 7:1

Kalpasan niyan, uwed nasingec nga eppat nga anghe̍le̍s, nga agsisikad iya le̍cbut niya lubung. Ket tengtenglen da met ya belluut nga agtaud iya eppat nga edyan da, tasun madi mabluut ya sap-ew niya ginet, winno baybay, winno ya orey nagan na nga kayu.

Paltiing 9:15

Ket iya agten iyan, naukasan ngarudin dito eppat nga anghe̍le̍s, ta agingga itun, nag-agton da nga sisasagana iya pakaibonan da iyan mettas nga uras, algew, bulan se̍ dagun. Ta nadatngan itunin ya panangpukaw da iya pagkatlu diya amin nga toltoley iya lubung.

Paltiing 9:18

Ket dito apuy se̍ asuc se̍ burbura nga asupre̍ nga rinumwar kadito musung dito kabayu, pakaiyarigan da ya tellu nga mangpukaw ka toley. Ket gapu kadidi nga tellu nga mangpukaw, natey met ya pagkatlu niya bilang diya amin nga toley iya lubung.

Paltiing 9:4

Naibilin met igida nga madi da kanu mangpirdi kadiya rucruut winno diya kaykayu iya ginet, winno ya orey nagan na nga mula. Diyan nas kanu toley nga awan marka ne̍ Apu Diyus iya muging da ya pasakitan da.