Paltiing 8:2 - Ya Baru nga Tulag

² Ket itun, uwed nasingec nga pitu nga anghe̍le̍s, nga igida diya anghe̍le̍s nga nakasisikad iya sangu ne̍ Apu Diyus. Ket nae̍cdan da ka sagge̍sa da nga tangguyub.

Paltiing 8:2 Iomraidhean Croise

Matyu 18:10

“Agannad kayu kuma ngarud tasun madi kayu kuma laisen ya isa nga agten kadidi nga tekkut nga ebbing. Ipateg nu da kuma lugud, ta kinapudnu na, diya anghe̍l da ka langit, pe̍yeng nga uwed da iya imatang ne̍ Amac nga uwed ka langit.

Matyu 24:31

Ket uwed nad magicna nga nabileg nga uni tangguyub manipud kadito ulep, ket itu nad ya panangibon na kadiya anghe̍le̍s nan. Ket mawe̍ diya anghe̍le̍s kadiya eppat nga pagtaudan niya belluut, nga urnungen da nad diya pinili ne̍ Apu Diyus nga toley na. Ngarud, urnungen da nad da nga gayat kadiya amin nga parte̍ niya lubung.”

Lukas 1:19

Ket kinunen nito anghe̍l, “Iyaken nge̍ Gabriye̍l nga agsirsirbi iya imatang ne̍ Apu Diyus. Naibon nac met tasun makitbar rac ikew, nga ibagac ikew yani nga damag nga makaparagsac.

Lukas 21:36

Itu nga sisasagana kayu kuma ngarud nga pe̍yeng, se̍ agkararag kayu nga agadeng ka bileg nu, tasun malasat nu amin didi nga umbe̍t nga pakarigatan, se̍ tasun sitatalged kayu nga makisangu nad iya Anac nga Naipatoley,” kunen na.

1 Kurintu 15:52

Ta nad no madatnganin ya kaodiyan nga pannakapauni niya tangguyub ne̍ Apu Diyus, ket maclatan tida nga mabaliwan, nga naal-alistu pe̍ ngem iya panagkigmat. Ta no aguni nad ya tangguyubin, mapagungar diya natey yin, nga nae̍cdan da ka beggi nga awan pannakatey nan. Ket dactida nga amin, mabaliwan nad ya beggi tidan.

1 Te̍salunika 4:16

Ta iyan nad nga algew, uwed magicna nga bilin nga ipkaw niya pangulu diya anghe̍le̍s, ket aguni pe̍ ya tangguyub ne̍ Apu Diyus. Ket itu nad ya panagpasegged niya Apu manipud ka langitin. Ket diya natey nga namati e̍ Kristu, agungar da nga mona.

Paltiing 1:4

Iyaken nga Juan ya agsurat dakayu nga pitu nga bungguy diya mamati iya prubinsiya nga Asiya. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus, nga igina ya uwed ita, uwed itun, se̍ ya umbe̍t nad pekkem. Ket yan nga siaayat nga asi, se̍ talna, gayat met pe̍ iya agkapitu nga Ispiritu nga uwed iya sangu niya trunu nga pagturayan mettas ne̍ Apu Diyus,

Paltiing 11:15

Ket itun, pinauni nito maikapitu nga anghe̍l to tangguyub nan. Ket enna langit, uwed met nagicna ngin nga nabileg nga timtimec, nga kinunen da, “Ya lubung nga isa nga pagturayan, ket naitipun mettin iya pagturayan niya Apu tida, nga itu pe̍ ya pagturayan niya Kristu nga nibon na. Ket iya agten iyan, ya Apu tida met ya agturayin ka agnanayun nga awan patingga na!” kunen da.

Paltiing 15:1

Ket itun, uwed nasingec nga sabali manin nga pagilasinan ka langit, nga dackel se̍ nakaskasdaaw. Ta uwed met pitu nga anghe̍le̍s, ket uwed igida ya kabaellan nga mange̍cde̍ ka pitu nga panagrigat. Ket itu didi diya modi nga panagrigat nga pangdusa ne̍ Apu Diyus, ta didi ya panggibusan niya panggep ne̍ Apu Diyus maipanggep iya unget na.

Paltiing 16:1

Ket itun, uwed nagicnac nga nabileg nga timec nga gayat ito te̍mplu. Ket kinunen na kadito pitu nga anghe̍le̍s, “Mawe̍ kayu ibuyat iya lubung ya unget ne̍ Apu Diyus nga uwed kadito pitu nga malukung,” kunen na.

Paltiing 8:13

Ket itun, pinumsekkac manin, ket nasingec ya isa nga bugkew nga agkaykayab iya abac lawa, ket nagicnac met to kinagi na ka nabileg, nga kinunen na, “Ay-aay! Kackaasi kayu nga unayin, dakayu nga uwed pekkem iya lubung bayat niya panagpauni diya tellu pekkem nga anghe̍le̍s kadiya tangguyub da, ta itu nad diya tellu pekkem nga panagrigat nu. Ket sisasagana da met nga mangpauni yin!” kunen na.

Paltiing 8:6

Ket itun, nagsagana dito pitu nga anghe̍le̍s nga mangpauni kadito tangguyub dan.

Paltiing 9:1

Ket itun, pinauni ngarud nito maikalima nga anghe̍l to tangguyub nan, ket uwed nasingec nga arig nga bituwen manin nga niterkag iya lubungin. Ket to sinan-bituwen, nae̍cdan met ka tulbec niya ruwangan niya nakaun-uneg nga ebbut iya ginet.