Paltiing 8:12 - Ya Baru nga Tulag

¹² Ket pinauni mettin nito maikapat nga anghe̍l to tangguyub na, ket napirdi yin ya pagkatlu niya sinag, pagkatlu niya bulan, se̍ ya pagkatlu pe̍ diya amin nga bitbituwen. Itu nga napukaw ya bileg niya pagkatlu diya mangwada ngin. Ket iya agten iyan, nagicbet met nga tutu win ya pagkatlu niya algew se̍ ya pagkatlu niya gabi.

Paltiing 8:12 Iomraidhean Croise

Matyu 24:29

“Ket apaman nad nga malpas ya panagrigat kadiyan nga algew, gumicbet nad ya sinagin, se̍ awan nad pe̍ wada nga e̍cde̍ niya bulanin. Ket diya bitbituwen, agterkag da nad met manipud iya abac lawa. Ket diya pannakabalin nga uwed iya abac lawa, ket makusu da nad mettin.

Matyu 27:45

Ket ito matuunin itun, gimicbet met ya amin nga lubung antuni nin, ket nagpaut to gicbet agingga ka alas tre̍s iya gidam.

Markus 13:24

“Ngem kadiyan nga algew, kalpasan nad niyan nga panagrigat, gumicbet nad ya sinagin, se̍ awan nad pe̍ wada nga gayat iya bulanin.

Markus 15:33

Ket ito matuun itunin, gimicbet mettin ya amin nga lubung antuni nin, ket nagpaut to gicbet agingga ka alas tre̍s iya gidam.

Lukas 21:25

“Ket uwed da nad pagilasinan nga masingen iya sinag, iya bulan, se̍ kadiya bitbituwen. Ket idi nga ginet, uwed da nad pakasikuran diya nasnasyun gapu iya ansing diya toltoley iya nabileg nga ungug niya baybay se̍ kadiya palung.

Aramid 2:20

Gumicbet nad ya sinag, ket ya bulan, dumgang nad nga arig nga daga ngin. Amin diyan nga nakaskasdaaw, maariman nad ngarud. Kalpasan na, madatngan ya Timpu niya Apu. Nakaskasdaaw yan nga timpu nga awan kapada na.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

Paltiing 12:4

Ket to ipus na, inapras na met ya pagkatlu diya bitbituwen iya abac lawa, ket naidegsut da iya ginet tin. Ket to dragun, nagsisikadin ito sangu nito babey nga dandani aganac kin, ta gabay na nga kanen kuma ya ke̍bit nito babey, no maiyanac kin.

Paltiing 16:10

Ket to maikalima nga anghe̍l, nibuyat na pe̍ itun ya mayan nito malukung na iya trunu nga pagtugawan nito nakan-ansing nga animal iya lubung. Ket gimicbet mettin to amin nga pagariyan nito animal. Ket gapu iya nakaru nga rigat diya toltoley itun, nagngaryet da nga kinagat da diya dila da,

Paltiing 6:12

Ket itun, nasingec nga nipac manin nito Urbun Karne̍ru to maikanem nga naikapet ito nalukut nga pagbasaan. Ket nangyegyeg met itun ka nabileg gin. Ket ngimisit met pe̍ yin ya sinag, nga arig nga kangisit niya panes nga naariman ka nangisit nga dutdut. Ket ya bulan nga nadakar itun, dinumgang met nga aminin, nga agten iya kadgang niya daga.

Paltiing 9:15

Ket iya agten iyan, naukasan ngarudin dito eppat nga anghe̍le̍s, ta agingga itun, nag-agton da nga sisasagana iya pakaibonan da iyan mettas nga uras, algew, bulan se̍ dagun. Ta nadatngan itunin ya panangpukaw da iya pagkatlu diya amin nga toltoley iya lubung.

Paltiing 9:18

Ket dito apuy se̍ asuc se̍ burbura nga asupre̍ nga rinumwar kadito musung dito kabayu, pakaiyarigan da ya tellu nga mangpukaw ka toley. Ket gapu kadidi nga tellu nga mangpukaw, natey met ya pagkatlu niya bilang diya amin nga toley iya lubung.