Paltiing 7:3 - Ya Baru nga Tulag

³ Ket kinunen na ngarud kadito eppat nga anghe̍le̍s, “Madi kayu pekkem pirdiyen ya ginet, winno ya baybay, winno diya kaykayu, agingga ka di kami mamarkaan diya muging diya agsirsirbi iya Diyus tida,” kunen na.

Paltiing 7:3 Iomraidhean Croise

Matyu 24:22

Ket gapu iya nakaru nga panagrigat iyan nga timpu, pulus nga awan nad toley nga makalasat, no madi mapae̍teng ya kabayag na. Ngem nalaing lugud ta gapu iya panangipateg ne̍ Apu Diyus kadiya pinili na nga toley, ket pae̍tngen na nad ngarud ya kabayag na.

Matyu 24:31

Ket uwed nad magicna nga nabileg nga uni tangguyub manipud kadito ulep, ket itu nad ya panangibon na kadiya anghe̍le̍s nan. Ket mawe̍ diya anghe̍le̍s kadiya eppat nga pagtaudan niya belluut, nga urnungen da nad diya pinili ne̍ Apu Diyus nga toley na. Ngarud, urnungen da nad da nga gayat kadiya amin nga parte̍ niya lubung.”

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Juan 3:33

Ngem diya toley nga umawat iya ipakaemmu na, itu diya toley nga mangipakaemmu nga napudnu ya kagi ne̍ Apu Diyus.

Ruma 6:22

Ngem ita, nawayawayaan kayun iya pannakabalin niya basul. Ket arig nga nagbalin kayu nga tagabu ne̍ Apu Diyusin. Ket paglaingan nu yani, ta agpaay kayun kadiya nadiyusan nga banbanag, se̍ agbanag kayu pe̍ iya agnanayun nga biyag.

Paltiing 13:16

Ket to maikadduwa nga animal, pinilit na diya toltoley, nga mamarkaan da iya diwanan nga ima da, winno iya muging da. Pinilit na ngarud diya amin nga toltoley, diya nanumu man winno diya mabigbig, se̍ orey diya nabacnang winno diya napanglaw, se̍ diya siwayawaya man winno diya tagabu.

Paltiing 13:17

Ket madi makapaglaku winno makapagngina ya orey nagan na nga toley, no madi naimarka igina ya nagan nito nona nga nakan-ansing nga animal, winno ya nume̍ru nga kaibatugan niya nagan na.

Paltiing 14:1

Ket itun, nasingec manin to Urbun Karne̍ru nga agsisikad enna Tageytey Siyun, ket kabulun na dito sangagasut eppat nga pulu ket eppat nga ribu nga toley. Didi nga toley, naisurat iya muging da ya nagan nito Urbun Karne̍ru se̍ ya nagan niya Ama na.

Paltiing 14:9

Ket uwed pe̍ maikatlu nga anghe̍l nga simarunu kadito duwa. Ket kinunen na met ka nabileg, “No uwed toley nga agdaydayaw ito nakan-ansing nga animal se̍ ito bultu na, se̍ mangipalubus nga mamarkaan ya muging winno ima na,

Paltiing 19:2

Ta nalinteg se̍ rumbeng diya panangeddeng na, ket inukum nan to agdindinamag nga huste̍s nga nangpadake̍c kadiya toltoley iya lubung gapu iya kinamannakikamalala na. Nibales ngarud ne̍ Apu Diyusin to panangpatey nito huste̍s kadiya agsirsirbi iya Apu,” kunen da.

Paltiing 20:4

Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.

Paltiing 22:4

Masingen da nad ya rupa na mettas, ket maisurat nad ya nagan na iya muging da.

Paltiing 6:6

Ket uwed nagicnac kun nga arig nga timec nga gayat iya edyan dito eppat nga sibibiyag nga parsuwa, nga kunen na, “Ya pateg niya isa nga tabu nga trigu, ket itu ya tangdan iya isa nga algew win. Ket no beggas se̍bada, isa nga salup ngas ya maalac iya isa nga algew. Ket no ya lana ulibu se̍ ya basi ubas, madi mu da kessayan!” kunen na.

Paltiing 7:1

Kalpasan niyan, uwed nasingec nga eppat nga anghe̍le̍s, nga agsisikad iya le̍cbut niya lubung. Ket tengtenglen da met ya belluut nga agtaud iya eppat nga edyan da, tasun madi mabluut ya sap-ew niya ginet, winno baybay, winno ya orey nagan na nga kayu.

Paltiing 7:2

Ket uwed met nasingec itun nga isa nga sabali nga anghe̍l. Nagparang yani nga gayat ka daya, ket uwed igina ya pagmarka niya sibibiyag nga Diyus. Ket nagkagi ka nabileg nga binilin na dito eppat nga anghe̍le̍s nga nakaitalkan niya turay nga mangpirdi kadiya uwed iya sap-ew niya ginet se̍ iya baybay gapu ka belluut.

Paltiing 9:4

Naibilin met igida nga madi da kanu mangpirdi kadiya rucruut winno diya kaykayu iya ginet, winno ya orey nagan na nga mula. Diyan nas kanu toley nga awan marka ne̍ Apu Diyus iya muging da ya pasakitan da.