Paltiing 7:2 - Ya Baru nga Tulag

² Ket uwed met nasingec itun nga isa nga sabali nga anghe̍l. Nagparang yani nga gayat ka daya, ket uwed igina ya pagmarka niya sibibiyag nga Diyus. Ket nagkagi ka nabileg nga binilin na dito eppat nga anghe̍le̍s nga nakaitalkan niya turay nga mangpirdi kadiya uwed iya sap-ew niya ginet se̍ iya baybay gapu ka belluut.

Paltiing 7:2 Iomraidhean Croise

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Matyu 26:63

Ngem madi neg-egkim nge̍ Je̍sus. Ket kinunen ngarud manin nito kangatuwan nga agsirsirbi iya Te̍mplu, “Ibagam nga sisasapata iya turay niya sibibiyag nga Diyus, no tutu nga ikew ya Kristu, nga naipadtu nga Anac ne̍ Apu Diyus,” kunen na.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

2 Kurintu 1:22

E̍ Apu Diyus pe̍ ya nagmarka dactida iya arig nga marka nan, nga mangpanecnec dactida nga kuwa nactidan. Ta ne̍cdan nactida iya Ispiritu na iya lemlemmet tida, nga itu ya mangipanecnec pe̍ maipanggep kadiya nabaru nga maipaay nad dactida.

E̍pe̍su 1:13

Ket iya agten iyan, namati kayu e̍ Kristu ito nagicna nu ya kasaba maipanggep iya kinapudnu, nga itu ya Makaparagsac nga Damag nga pakaisalakanan nu. Ket gapu iya pannakaitipun nu e̍ Kristu, arig nga minarkaan nakayu nge̍ Apu Diyus iya Ispiritu Santu. Itu ya Ispiritu nga nikari ne̍ Apu Diyus, ket itu ya pakaemmuwan iya panangtagikuwa na dakayu.

E̍pe̍su 4:30

Ket se̍ madi nu kuma ngarud paldaangan ya Ispiritu Santu. Igina mettas ya Ispiritu ne̍ Apu Diyus nga arig nga marka nga mangpatalged dakayu maipanggep iya timpu nad nga panangipawayawaya ne̍ Apu Diyus dakayu.

1 Te̍salunika 1:9

Ta igida mettas ya mangisalaysay maipanggep ito panangsangaili nu dakami ito simacwar kami dakayu itun. Ket ipadpadamag da pe̍ ya pananglikud nu kadiya didiyusen tasun agpaay kayu e̍ Apu Diyus, nga igina met ya pudnu se̍ sibibiyag nga Diyus.

2 Timutyu 2:19

Ngem ya panursuru nga gayat e̍ Apu Diyus, madi met mariribuc ya pungut na, ta nabaked met. Ket maiyarig nga namarkaan kadidi nga kagi: “Emmu ne̍ Apu Diyus no nagan diya toltoley na.” Se̍ kunen na pe̍, “Amin diya umapu igina, ket masapul nga ipac da diya wangwanglen da nga dake̍c,” kunen na met.

He̍briyu 12:22

Ngem dakayu nga gennung ita, bekken kayu nga agten igida. Ta nakadateng kayun iya arig nga Tageytey Siyun, nga itu ya edyan mettas ne̍ Apu Diyus. Itu pe̍ ya nailangitan nga He̍rusale̍m, nga siyudad niya sibibiyag nga Diyus, se̍ ya pagedyanan diya rinibribu nga anghe̍le̍s nga naur-urnung nga agragragsac kin.

Paltiing 1:3

Ket nagasat ngarud ya mangibasa idi nga naisurat nga paltiing. Nagasat ngarud met diya dumngeg se̍ mangipangag kadiya naisurat idi nga surat, ata dandani yin ya timpu nga pannakatungpal didi.

Paltiing 10:1

Ket itun, uwed nasingec manin nga sabali nga anghe̍l nga naturay. Ket nagpaspasegged nga gayat ka langit. Nabugus met yan nga anghe̍l ka ulep, se̍ uwed pe̍ bunglun iya nguduwen niya ulu na. Nadarang met ya rupa na nga arig nga sinag, ket diya saka na, arig met nga deddu nga gilab apuy.

Paltiing 10:4

Ket kalpasan nito panageddug dan, tage̍c agisurat kuma ngin ito nikagi da. Ngem pag-isu mettas nga uwed pe̍ nagicnac nga timec nga gayat ka langit, nga kinunen na iyaken, “Madi ka isurat to kinagi dito pitu nga sel-it, ata ilimed mu ngasin,” kunen na.

Paltiing 16:12

Ket itun, nibuyat pe̍ yin nito maikanem nga anghe̍l ya mayan nito malukung na ito dackel nga wangag nga E̍yuprate̍s. Ket namagaan met to wangagin, tasun uwed dalanen diya ar-ari nga gayat iya daya nga mawe̍ makigubat.

Paltiing 5:2

Ket nasingec pe̍ ya isa nga naturay nga anghe̍l nga nagkagi ka nabileg, nga kinunen na, “Nagan ngata ya maikari nga mangipac kadiya naikapet, se̍ mangucrad idi nga nalukut nga pagbasaan?” kunen na.

Paltiing 8:3

Ket uwed sabali manin nga anghe̍l nga uwed balituc nga papayan na ka nabangug nga mapooran. Ket nawe̍ nagsikad iya edyan nito pagdatunan antuni. Nae̍cdan met ka adu nga nabangug nga mapooran, nga itu ya pagdatun nga idanggay na iya panagkarkararag diya amin nga toley ne̍ Apu Diyus. Ket nidatun na ngarud ito balituc nga pagdatunan nga uwed iya sangu nito trunu.

Paltiing 9:14

Ket nagkagi met to timec ito maikanem nga anghe̍l nga uwed tangguyub na, nga kinunen na, “Ibukay mun dito eppat nga anghe̍le̍s nga nairaked enna dackel nga wangag nga E̍yuprate̍s,” kunen na.

Paltiing 9:4

Naibilin met igida nga madi da kanu mangpirdi kadiya rucruut winno diya kaykayu iya ginet, winno ya orey nagan na nga mula. Diyan nas kanu toley nga awan marka ne̍ Apu Diyus iya muging da ya pasakitan da.