Paltiing 7:16 - Ya Baru nga Tulag

¹⁶ Madi da pulus nga agbisin winno mewwew win. Madi da mapudutan iya sinagin, winno iya orey nagan na nga makapapudutin.

Paltiing 7:16 Iomraidhean Croise

Matyu 13:21

Ngem gapu ta arig nga mula nga awan nauneg nga gamut na, bekken met nga napaut. Ta no uwed rigat winno pannakairurumen na gapu iya panamati na iya kagi ne̍ Apu Diyus, ket dagus met nga maiyaw-awanin.

Matyu 13:6

Ket ito siminagin, naleyley da ngarud. Ket nacrit da mettin gapu ta madi nakauneg nga unay diya gamut da.

Matyu 5:6

Nagasat diya agtarigagay kadiya nalinteg nga panggep ne̍ Apu Diyus, ta mapnec da nad mettas.

Markus 4:17

Ngem gapu ta arig da nga mula nga awan nauneg nga gamut na, bekken da met nga napaut. Ta no uwed rigat winno pannakairurumen da gapu iya panamati da iya kagi ne̍ Apu Diyus, ket dagus da nga maiyaw-awanin.

Markus 4:6

Ket ito siminagin, naleyley da ngarud. Ket nacrit da mettin, ta madi nakauneg nga unay diya gamut da.

Lukas 1:53

Diya nakurkurangan itun, napnec dan gapu kadiya nabaru nga nipaay na igida. Ngem diya babacnang nga gennung, pinagawir na da nga awan naipaay igida.

Lukas 6:21

Dakayu nga mabisbisin ita, nagasat kayu, ta mapnec kayu nad mettas. Dakayu nga agladladingit ita, nagasat kayu, ta aggalgalec kayu nad nga siraragsac.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Santiyagu 1:11

Ta no agmatuun ya sinag, macrit diya eddon diya rucruut. Ket diya belbellad da, miterkag dan, ket bekken met nga napaw-isin. Ket agten pe̍ iyan ya bacnang, ta malabes nad pe̍, orey no madama pekkem nga bumacbacnang.

Paltiing 21:4

Ket liwliwaen na da nad nga punasen na diya amin nga luwa da. Awan nad matey yin, winno agladingitin. Awan nad pe̍ agberritin winno agrigatin, gapu ta nakabas mettin dito daan nga banbanag,” kunen na.