Paltiing 6:9 - Ya Baru nga Tulag

⁹ Ket itun, nipac nito Urbun Karne̍ru to maikalima nga naikapet ito nalukut nga pagbasaan, ket uwed met nasingec iya sidung niya pagdatunan antuni, nga itu diya kararuwa diya napatey gapu iya panangipateg da iya kagi ne̍ Apu Diyus, se̍ gapu iya panangipakaemmu da iya pudnu nga patpatiyen da.

Paltiing 6:9 Iomraidhean Croise

Juan 16:2

Ta ilaskig dakayu nad iya pannakigimung nu kadiya gigimungan da. Ngarud, umbe̍t nad ya timpu nga diya orey nagan na nga pumatey dakayu, ibilang da met nga panangidayaw da kanu e̍ Apu Diyus ya panangpatey da dakayu.

2 Kurintu 5:8

Natalged ngarud ya panpanunut mi, ket gabgabay mi ya pumanaw kuma kadidi nga beggi mi, tasun mawe̍ kami kuma makipagedyan iya Apu win.

Pilipus 1:23

ta madi yac emmu nga tutu ya gabgabay ku kadidi nga duwa, ya matey winno agbiyag gac pekkem. Ta gabay ku nga unay ya pumanaw iya biyag nga idi nin, nga makitipun iya edyan ne̍ Kristu win, ta itu ngarud ya nabarbaru no iyaken.

Pilipus 2:17

Ket ya panamati nu, maiyarig ka pagdatun niya panagsirsirbic nga ipaay ku e̍ Apu Diyus. Ket iyaken, mabalin nga maiyarig gac ngas ka pagdatun nga mainum nga maibucbuc mettas kadidi nga ipaay ku e̍ Apu Diyus. Ngem orey arig gac nga maibucbuc ngas a, ta pakaragsakac met, ket makipaganggem mac ngas dakayu nga amin.

2 Timutyu 1:8

Dikad pe̍ madi ka ngarud malyew nga mangibaga iya maipanggep iya Apu tida. Ket se̍ madi nac met pe̍ iyalyew, ta naibalud dac ennid gapu was iya panamatic igina. Ituluy mu was ya panangibagbagam iya Makaparagsac nga Damag, orey no itu ya pakarigatam. Ta makipagkanunung ka lugud ka kinarigat iyaken nga mangibagbaga iya Makaparagsac nga Damag. Ket e̍ Apu Diyus ya mange̍cde̍ ka tured mu nga aganus iyan.

2 Timutyu 4:6

Agten iyan ngarud ya ibilin ku ikew, ta iyaken, nadatnganin ya pannakaipanaw ku idi nga lubung, nga arig nga nadatnganin ya uras niya pannakaidatun niya beggic.

He̍briyu 12:23

Nadateng nu ngarudin ya bungguy diya naibilang nga kaonaan nga anac ne̍ Apu Diyus. Ket didi, nailista pe̍ yin diya nagnagan da enna langit. Nakadateng kayu ngarud mettin iya edyan mettas ne̍ Apu Diyus, nga igina met ya mangkeddeng kadiya amin-amin. Se̍ nadateng nu pe̍ yin dito nat-atey nga toley na nga naibilang nga awan pagkurangan dan iya imatang na.

Paltiing 1:2

Ket ipakaemmuc met idi nga surat ya kinapudnu maipanggep kadito amin nga naipasingen iyaken, ta isurat ku idi nin to damag nga gayat e̍ Apu Diyus, nga itu pe̍ ya nipakaemmu ne̍ Je̍su Kristu.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 14:18

Ket uwed met pe̍ sabali manin nga anghe̍l nga naggayat ito pagdatunan, nga igina ya agay-aywan iya apuy iyan. Ket pinkawan na to anghe̍l nga uwed natadem nga kumpay na, nga kinunen na ka nabileg, “Mawe̍ ka kumpayen nga burasen diya bisbisic diya mulmula iya lubungin, ta nautu diya bisic ubasin!” kunen na.

Paltiing 16:7

Ket uwed met nagicnac nga kagi itun nga gayat ito pagdatunan ka langit, nga kinunen na, “Apu Diyus nga Apu nga Mannakabalin ka amin, tutu met nga napudnu se̍ nalinteg ngarud diya panangeddeng mu!”

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 20:4

Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.

Paltiing 8:3

Ket uwed sabali manin nga anghe̍l nga uwed balituc nga papayan na ka nabangug nga mapooran. Ket nawe̍ nagsikad iya edyan nito pagdatunan antuni. Nae̍cdan met ka adu nga nabangug nga mapooran, nga itu ya pagdatun nga idanggay na iya panagkarkararag diya amin nga toley ne̍ Apu Diyus. Ket nidatun na ngarud ito balituc nga pagdatunan nga uwed iya sangu nito trunu.

Paltiing 9:13

Ket itun, pinauni mettin nito maikanem nga anghe̍l to tangguyub na, ket uwed nagicnac nga timec nga gayat ito pagdatunan nga balituc ito sangu ne̍ Apu Diyus. Ket timaud met to timec kadito eppat nga sacgud nga naisaad ito kada suli nito pagdatunan.