Paltiing 6:4 - Ya Baru nga Tulag

⁴ Ket uwed rinumwar manin nga sabali nga kabayu, ket nadgang met ya kulur na. Ket ya nakasakey ito kabayu, nae̍cdan ka turay nga mangpagubat kadiya toltoley iya lubung, tasun agpipinnatey da. Ket igina, nae̍cdan met ka isa nga dackel nga ispada.

Paltiing 6:4 Iomraidhean Croise

Matyu 10:34

“Mabalin nga ipagarup nu nga inumbe̍t tac tasun pagtutunusec kuma diya toltoley idi nga lubung. Ngem ya kinapudnu na, ya numbe̍tac, bekken nga agbanag ka panagtutunus diya toley, no di lugud agbanag ka panagkukuntra da.

Matyu 24:6

Ket magicna nu nad ya uni diya panaggubat, se̍ madamag nu nad pe̍ iya sapsaput diya toley maipanggep ka gubgubat. Ngem masapul nga madi kayu mariribukan kadiyan. Ta masapul ngarud met nga mon-ona nga mapasamac diyan, ngem bekken nad pekkem nga itu ya panungpalan.

Juan 19:11

Ket kinunen ne̍ Je̍sus, “Awan met turay mu iyaken, no di ngas ya naitalec ikew manipud ka langit. Itu nga nakarkaru ngarud pekkem ya basul nito toley nga nangiyawat iyaken ikew,” kunen na.

Paltiing 12:3

Ket itun, uwed sabali manin nga nakaskasdaaw nga pagilasinan nga nasingen iya abac lawa, ta uwed met dackel nga sinan-buwaya nga maawagan ka dragun. Nadgang ya kulur nito dragun. Pitu met ya ulu na, se̍ sangapulu ya sacgud na, ket uwed kuruna niya tunggal isa kadito pitu nga ulu na.

Paltiing 13:10

Diya makadateng iya pannakaipanaw da gapu kadiya manggura igida, ket tutu met nga maipanaw da ngas met. Se̍ diya makadateng met iya pannakatey da gapu kadiya mangispada igida, ket tutu met nga matey da ngas ka ispada. Itu nga masapul nga bumileg diya toltoley ne̍ Apu Diyus iya panaganus se̍ panamati da.

Paltiing 17:3

Ket pinaipen nac ngarudin to anghe̍l iya away gapu iya pannakabalin niya Ispiritu ne̍ Apu Diyus. Ket nasingec met antuni ya isa nga babey nga nakasakey ka isa nga animal nga nadgang. Ket ya beggi nito nadgang nga animal, nasanap ka naisurat nga agkakadake̍c nga nagnagan nga makainsultu e̍ Apu Diyus. Uwed met pitu nga ulu nito animal, se̍ uwed pe̍ sangapulu nga sacgud na.

Paltiing 17:6

Ket nasingec nga ne̍nglew met to babey, ta ine̍nglew na ya beggi na ito daga dito napatey nga toltoley ne̍ Apu Diyus, nga itu dito napatey gapu iya panangipakaemmu da iya pudnu maipanggep e̍ Je̍sus. Ket napalaus ngarud ya seddaaw ku ito nasingec to babey.