Paltiing 6:12 - Ya Baru nga Tulag

¹² Ket itun, nasingec nga nipac manin nito Urbun Karne̍ru to maikanem nga naikapet ito nalukut nga pagbasaan. Ket nangyegyeg met itun ka nabileg gin. Ket ngimisit met pe̍ yin ya sinag, nga arig nga kangisit niya panes nga naariman ka nangisit nga dutdut. Ket ya bulan nga nadakar itun, dinumgang met nga aminin, nga agten iya kadgang niya daga.

Paltiing 6:12 Iomraidhean Croise

Matyu 11:21

Ket kinunen na met, “Kackaasi kayu nga iKorasin se̍ dakayu nga iBe̍tsayda! Ta orey adu win diya nakaskasdaaw nga naipasingen dakayu kadiya ili nu, madi kayu latta nga agbabawi kadiya basbasul nu. Ket no dito iTiru se̍ iSidun kuma nga gennung ya nakaipasingnan diyan nga nakaskasdaaw, ket nalaka da lugud nga nipasingen nga agbabawi dan, nga agkawwes da ngarud ka nakatel nga luput se̍ aburan da kuma diya ulu da ka dapagin, gapu iya ladingit da.

Matyu 24:29

“Ket apaman nad nga malpas ya panagrigat kadiyan nga algew, gumicbet nad ya sinagin, se̍ awan nad pe̍ wada nga e̍cde̍ niya bulanin. Ket diya bitbituwen, agterkag da nad met manipud iya abac lawa. Ket diya pannakabalin nga uwed iya abac lawa, ket makusu da nad mettin.

Matyu 24:7

Tutu met yan, ta aggiginnubat nad met diya pagpagiliyan, agten met pe̍ diya pagpagariyan. Uwed da nad met pe̍ panagbisin se̍ yegyeg kadiya nadumaduma nga lugar iya lubung.

Matyu 27:45

Ket ito matuunin itun, gimicbet met ya amin nga lubung antuni nin, ket nagpaut to gicbet agingga ka alas tre̍s iya gidam.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Matyu 28:2

Ket ya napasamac itun, uwed met nakabilbileg nga yegyeg. Ket nairana met yan iya panagdessag niya isa nga anghe̍l ne̍ Apu Diyus manipud ka langit. Ket nawe̍ na nibukalig to dackel nga batu nga naigiset ito tamen, ket nagtugawan nan.

Markus 15:33

Ket ito matuun itunin, gimicbet mettin ya amin nga lubung antuni nin, ket nagpaut to gicbet agingga ka alas tre̍s iya gidam.

Paltiing 11:13

Ket iyan mettas nga kanitu, nangyegyeg met ka nabileg gin. Ket napirdi mettin ya apagkapullu nito siyudad, ket uwed met pitu nga ribu nga toley nga natey gapu ito yegyeg. Ket diya nakalasat, napalaus ngarud ya ansing dan, itu nga nagdaydayaw dan e̍ Apu Diyus nga uwed ka langit.

Paltiing 16:18

Ket nagselsel-it met itun, se̍ uwed da pe̍ nabileg nga un-uni se̍ eddug. Ket nangyegyeg met pe̍ itun ka nabileg nga unay, nga awan pekkem pumada iya kabileg niyan nga yegyeg, orey manipud ito pannakaparsuwa niya toley iya lubung, ta itu met ya kabilgan nga yegyeg.

Paltiing 16:8

Ket itun, nibuyat mettin nito maikapat nga anghe̍l ya mayan nito malukung na iya sinag. Ket ya sinag, nae̍cdan ka kabaellan nga mangkesset kadiya toltoley yin.

Paltiing 8:12

Ket pinauni mettin nito maikapat nga anghe̍l to tangguyub na, ket napirdi yin ya pagkatlu niya sinag, pagkatlu niya bulan, se̍ ya pagkatlu pe̍ diya amin nga bitbituwen. Itu nga napukaw ya bileg niya pagkatlu diya mangwada ngin. Ket iya agten iyan, nagicbet met nga tutu win ya pagkatlu niya algew se̍ ya pagkatlu niya gabi.

Paltiing 8:5

Ket itun, inalac met nito anghe̍l to papayan ka nabangug nga mapooran, se̍ na pinnu ka apuy nga gayat ito pagdatunan, se̍ na met nipalladaw iya lubungin. Ket naged-eddug iya lubungin, se̍ uwed met pe̍ duduma nga nabileg nga un-uni. Nagselsel-it, se̍ nayegyeg met pe̍ ya ginet.