Paltiing 6:11 - Ya Baru nga Tulag

¹¹ Ket itun, ya tumunggal isa igida, nae̍cdan da ka puraw nga sutana. Ket naibaga igida nga agton da kanu pekkem mas ka e̍teng, nga sitatalna da kuma, agingga ka madatngan to naikeddeng nga bilang diya pada da nga agsirsirbi nga kakabsat nga mapatey nga agten mettas ito pannakapatey da itun.

Paltiing 6:11 Iomraidhean Croise

Matyu 10:21

“Ket diya toltoley, iyawat da nad nga ipapatey orey diya kakabsat da mettas. Ket agten nad pe̍ iyan ya wanglen diya ama kadiya anac da. Agten met pe̍ diya anac, sukiran da nad met diya naganac igida, ket ipapatey da nad da.

Lukas 15:22

“Ngem to ama na, nagbilin ngarud kadiya tagabu na nga kinunen na, ‘Gawaan nu nga e̍lbe̍t ya kapaw-isan nga sutana, ta ikawwes nu igina! Pasingsingan se̍ sapatusan nu pe̍ yin!

Juan 16:2

Ta ilaskig dakayu nad iya pannakigimung nu kadiya gigimungan da. Ngarud, umbe̍t nad ya timpu nga diya orey nagan na nga pumatey dakayu, ibilang da met nga panangidayaw da kanu e̍ Apu Diyus ya panangpatey da dakayu.

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

2 Te̍salunika 1:7

Ngem dakayu nga maparparigat, pagnam-ayen nakayu nad met, agten pe̍ iya pamaay na dakami. Mapasamac nad didi no agparang nge̍ Apu Je̍sus nga gayat ka langit. Ibulun na nad diya anghe̍le̍s na nga mae̍cdan ka pannakabalin.

2 Timutyu 4:7

Winangel ku amin nga kabaellac iya panangtungpal ku ito naitalec iyaken. Arig gac nga isa nga nabaru nga suldadu winno nakilumba, ta di yac binabawi ya panamatic e̍ Apu Je̍sus.

He̍briyu 11:40

Ta uwed namaymayat nga panggep ne̍ Apu Diyus para igida nga maigapu met dactida. Itu ya panangiraman na igida iya kasasaad tida nga awan pagkurangan iya imatang ne̍ Apu Diyus.

He̍briyu 12:23

Nadateng nu ngarudin ya bungguy diya naibilang nga kaonaan nga anac ne̍ Apu Diyus. Ket didi, nailista pe̍ yin diya nagnagan da enna langit. Nakadateng kayu ngarud mettin iya edyan mettas ne̍ Apu Diyus, nga igina met ya mangkeddeng kadiya amin-amin. Se̍ nadateng nu pe̍ yin dito nat-atey nga toley na nga naibilang nga awan pagkurangan dan iya imatang na.

He̍briyu 4:10

Ta amin nga nakalak-am iya pagtalnaan dan nga nisagana ne̍ Apu Diyus para igida, isardeng da ngarud ya panagwangel dan, nga agten met pe̍ ito panangleppas ne̍ Apu Diyus ito wangel na itun.

Paltiing 10:6

Ket pagsapata na ya kinaturay ne̍ Apu Diyus nga sibibiyag ka agnanayun nga awan patingga na, nga igina met ya namarsuwa iya langit, iya ginet, se̍ iya baybay, agraman diya amin nga uwed kadidi. Ket kinunen ngarud nito anghe̍l ito sapata na, “Nadatngan mettin ya kustu nga timpu win, ket awan ngarud makaigapusin!

Paltiing 13:15

Ket to maikadduwa nga animal, napalubusan met nga mangbiyag ito bultu nga kalanglanga nito nona nga animal, tasun makakagi to bultu win, se̍ mabalin na pe̍ ya mangpatey kadiya madi agdayaw igina.

Paltiing 14:13

Ket nagicnac manin itun ya isa nga timec nga gayat ka langit, nga kinunen na iyaken, “Isurat mu yani: Nagasat diya matey no naikameng da iya Apu, manipud ita nga timpu,” kunen na. “Pudnu met,” kunen niya Ispiritu ne̍ Apu Diyus, “Nagasat da ngarud, ta itu ya pagkarinawaan da iya bannug da, ta magun-gunaan da met kadito nabaru nga wangwangel da,” kunen na.

Paltiing 17:6

Ket nasingec nga ne̍nglew met to babey, ta ine̍nglew na ya beggi na ito daga dito napatey nga toltoley ne̍ Apu Diyus, nga itu dito napatey gapu iya panangipakaemmu da iya pudnu maipanggep e̍ Je̍sus. Ket napalaus ngarud ya seddaaw ku ito nasingec to babey.

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.

Paltiing 7:9

Ket kalpasan niyan, pinumsekkac manin, ket uwed nasingec nga nakad-adu nga toley nga naurnung. Ket gapu ta adu da nga unay, awan met toley nga makabael nga mangbilang igida. Naggayat dito toltoley kadiya amin nga nasyun, kapututan, pagiliyan se̍ pagkakagi. Ket agsisikad da iya sangu nito trunu se̍ to Urbun Karne̍ru. Nakakawwes da ka puraw nga sutana, se̍ agik-ikem da ka bain.