Paltiing 6:1 - Ya Baru nga Tulag

¹ Ket itun, nasingec to panangipac nito Urbun Karne̍ru ito mona kadito pitu nga naikapet ito nalukut nga pagbasaan. Ket nagicnac ya isa nga uni nga arig nga eddug, nga itu ya panagkagi niya isa kadito eppat nga sibibiyag nga parsuwa, nga kinunen na, “Umbe̍t kan!” kunen na.

Paltiing 6:1 Iomraidhean Croise

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Aramid 4:20

Ta no dakami, madi met mabalin no madi kami ibaga dito nagicna mi se̍ nasingen mi,” kunen da.

Paltiing 11:19

Ket itun, nalukatanin to te̍mplu ne̍ Apu Diyus ka langit, ket masingen nin iya uneg nito te̍mplu na to lakasa nga pakalaglagipan ito tulag nga nikari na. Ket nagselsel-it met itun, se̍ uwed pe̍ duduma nga nabileg nga un-uni. Ket naged-eddug, se̍ nangyegyeg met pe̍ itun, ket naglalagu ka adu pe̍ yin.

Paltiing 13:8

Ket agdaydayaw met igina diya kaaduwan nga toley iya lubung, nga itu diya amin nga bekken nga naisurat ya nagan da iya libru niya Urbun Karne̍ru nga napatey. Ket idi nga libru, itu ya nakaisuratan diya nagnagan nga naisurat ito di pekkem naparsuwa ya lubung, nga igida diya nae̍cdan ka biyag nga agnanayun.

Paltiing 14:2

Ket uwed nagicnac itun nga uni nga gayat ka langit, nga arig nga uni niya dackel nga danum nga mananasan, se̍ ya nabileg nga eddug. Ket to uni nga nagicnac, arig pe̍ nga uni diya matuctukar nga arpa, nga pagtukar nga makuwe̍rdasan.

Paltiing 19:6

Ket itun, nagicnac ya arig nga timtimec diya adu nga toley, nga arig nga uni niya dackel nga danum nga mananasan, se̍ ya nabileg nga eddug. Ket kinunen da, “Madaydayaw nge̍ Apu Diyus! Ta nadatnganin ya panagari niya Apu nga Diyus tida nga Mannakabalin ka amin!

Paltiing 4:8

Ket ennem ya payac niya tunggal isa kadito sibibiyag nga parsuwa, ket nasanap pe̍ ka adu nga mata orey diya linung se̍ sap-ew niya payac da. Ket algew-gabi nga madi da sumardeng nga mangikankanta iya agten idi: “Nalinteg, nalinteg, nalinteg nge̍ Apu Diyus, nga Apu nga Mannakabalin ka amin. Igina ya uwed itun, uwed ita, se̍ ya umbe̍t nad pekkem,” kunen da.

Paltiing 5:1

Ket iya diwanan nga ima nito nakatugew ito trunu, nasingec ya isa nga nalukut nga pagbasaan. Nasuratan met ya agsumbangir na, se̍ napigkettan pe̍ ka pitu nga naikapet.

Paltiing 5:12

Ket nagkagkagi da ka nabileg nga kinunen da, “Ya Urbun Karne̍ru nga napatey itun, igina met ya maikari nga pagipaayan ka amin nga turay, kinabacnang, sirib, pannakabalin, dayaw, kinaari, se̍ pateg!” kunen da.

Paltiing 5:8

Ket ito inalac nito Urbun Karne̍ru to nalukut nga pagbasaanin, naglakeb dito eppat nga sibibiyag nga parsuwa se̍ dito duwa nga pulu ket eppat nga panglakayen iya sangu na, nga dinaydayaw dan. Ket ya tunggal isa igida, nakaikem da ka arpa nga makuwe̍rdasan nga pagtukar, se̍ balituc nga malukung nga napnu ka nabangug nga mapooran, nga itu ya kaiyarigan diya karkararag diya toley ne̍ Apu Diyus.

Paltiing 6:3

Ket ito nipac nito Urbun Karne̍ru to maikadduwa nga naikapet, nagicnac ya kunen nito maikadduwa nga sibibiyag nga parsuwa, nga kinunen na, “Umbe̍t kan!” kunen na.

Paltiing 6:5

Ket itun, nipac manin nito Urbun Karne̍ru to maikatlu nga naikapet, ket nagicnac manin ya kunen nito maikatlu nga sibibiyag nga parsuwa, nga kinunen na, “Umbe̍t kan!” kunen na. Ket pinumsekkac, ket uwed nasingec nga nangisit nga kabayu win. Ket ya nakasakey igina, nakaikem ka isa nga pagtimbengngan.

Paltiing 6:7

Ket ito nipac nito Urbun Karne̍ru to maikapat nga naikapet, nagicnac ya kunen nito maikapat nga sibibiyag nga parsuwa, nga kinunen na, “Umbe̍t kan!” kunen na.

Paltiing 8:1

Ket ito nipac nito Urbun Karne̍ru to maikapitu nga naikapet, naulimec diya amin nga uwed ka langit ka pasar kagudduwa nga uras.