Paltiing 5:6 - Ya Baru nga Tulag

⁶ Ket itun, uwed pe̍ nasingec nga Urbun Karne̍ru, ket arig nga isa nga napatey ya beggi na. Nakasikad met iya sangu nito trunu nga line̍cbut dito eppat nga sibibiyag nga parsuwa se̍ dito panglakayen. Ket to Urbun Karne̍ru, uwed pitu nga sacgud na, se̍ pitu nga mata na, nga itu diya pitu nga ispiritu nito agkapitu nga Ispiritu ne̍ Apu Diyus nga naibon iya amin nga lubung.

Paltiing 5:6 Iomraidhean Croise

Lukas 1:69

Ne̍cdan nactida ka nabileg nga Mangisalakan dactida, nga nagtaud iya kapututan nito Ari Dabid nga eb-ebbonen ne̍ Apu Diyus itun.

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Juan 1:36

Ket e̍ Je̍sus, tumalib manin iyan. Ket ito nasingen nito Juan, kinunen na, “Singen nu! Igina mettin ya maawagan ka Urbun Karne̍ru ne̍ Apu Diyus,” kunen na.

Aramid 8:32

Ket itu didi to naisurat nga binasbasa nito upisyal: “Igina ya maiyarig iya karne̍ru nga iturung da iya pakapartiyan na. Se̍ maiyarig pe̍ iya urbun karne̍ru nga di agun-uni no pukisen da ya dutdut na, ta pulus nga di nagpagpagas.

Paltiing 1:4

Iyaken nga Juan ya agsurat dakayu nga pitu nga bungguy diya mamati iya prubinsiya nga Asiya. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus, nga igina ya uwed ita, uwed itun, se̍ ya umbe̍t nad pekkem. Ket yan nga siaayat nga asi, se̍ talna, gayat met pe̍ iya agkapitu nga Ispiritu nga uwed iya sangu niya trunu nga pagturayan mettas ne̍ Apu Diyus,

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 13:8

Ket agdaydayaw met igina diya kaaduwan nga toley iya lubung, nga itu diya amin nga bekken nga naisurat ya nagan da iya libru niya Urbun Karne̍ru nga napatey. Ket idi nga libru, itu ya nakaisuratan diya nagnagan nga naisurat ito di pekkem naparsuwa ya lubung, nga igida diya nae̍cdan ka biyag nga agnanayun.

Paltiing 14:1

Ket itun, nasingec manin to Urbun Karne̍ru nga agsisikad enna Tageytey Siyun, ket kabulun na dito sangagasut eppat nga pulu ket eppat nga ribu nga toley. Didi nga toley, naisurat iya muging da ya nagan nito Urbun Karne̍ru se̍ ya nagan niya Ama na.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 21:22

Ket nadlaw ku nga awan met te̍mplu ito siyudad, ta e̍ Apu Diyus, nga Apu nga Mannakabalin ka amin, se̍ ya Urbun Karne̍ru, igida mettin ya pagdaydayawan antuni.

Paltiing 21:23

Se̍ madi met masapul ya sinag winno ya bulan nga mangwada ito siyudad, ta ya dayag mettas ne̍ Apu Diyus ya mangwadwada antuni nin. Ket ya Urbun Karne̍ru, igina met ya pagdilag niyan nga siyudad.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.

Paltiing 22:3

Ket awan nad pulus mailunud iya imatang ne̍ Apu Diyus antuni nin. Ket to trunu nga pagtugawan ne̍ Apu Diyus se̍ ya Urbun Karne̍ru, itu nga gennung ya uwed nad iyan nga siyudad. Ket diya agsirsirbi e̍ Apu Diyus, agdaydayaw da nad igina antuni.

Paltiing 4:8

Ket ennem ya payac niya tunggal isa kadito sibibiyag nga parsuwa, ket nasanap pe̍ ka adu nga mata orey diya linung se̍ sap-ew niya payac da. Ket algew-gabi nga madi da sumardeng nga mangikankanta iya agten idi: “Nalinteg, nalinteg, nalinteg nge̍ Apu Diyus, nga Apu nga Mannakabalin ka amin. Igina ya uwed itun, uwed ita, se̍ ya umbe̍t nad pekkem,” kunen da.

Paltiing 5:11

Ket itun, simingen nac manin, ket uwed nagicnac nga timtimec diya adu nga unay nga anghe̍le̍s, nga rinibribu winno minilmilyun ya bilang da. Ket line̍cbut da to trunu, se̍ dito sibibiyag nga parsuwa, se̍ dito panglakayen.

Paltiing 5:12

Ket nagkagkagi da ka nabileg nga kinunen da, “Ya Urbun Karne̍ru nga napatey itun, igina met ya maikari nga pagipaayan ka amin nga turay, kinabacnang, sirib, pannakabalin, dayaw, kinaari, se̍ pateg!” kunen da.

Paltiing 5:13

Ket itun, nagicnac diya kinagkagi diya amin nga naparsuwa nga uwed ka langit, se̍ diya uwed iya lubung, se̍ diya uwed iya uneg niya ginet, se̍ diya uwed ka baybay. Ngarud, nagicnac diya kinagkagi diya amin-amin nga naparsuwa, nga kinunen da, “Pagipaayan ngarud ya nakatugew iya trunu se̍ ya Urbun Karne̍ru ka amin nga pateg, dayaw, kinaari, se̍ pannakabalin ka agnanayun nga awan patingga na!” kunen da.

Paltiing 5:14

Ket kinunen dito eppat nga sibibiyag nga parsuwa, “Agten iyan kuma ngarudin!” kunen da. Ket dito panglakayen, naglakeb da nga agdaydayawin.

Paltiing 6:16

Ket pinumpumkaw da, nga kunen da maipanggep kadiya batbatu se̍ kadiya tagtageytey, “Ay, miterkag kuma ngin dakami, ta lingdan dakami kuma ngarudin iya pannakasingen niya agtugtugew iya trunu se̍ iya unget niya Urbun Karne̍ru!