Paltiing 4:8 - Ya Baru nga Tulag

⁸ Ket ennem ya payac niya tunggal isa kadito sibibiyag nga parsuwa, ket nasanap pe̍ ka adu nga mata orey diya linung se̍ sap-ew niya payac da. Ket algew-gabi nga madi da sumardeng nga mangikankanta iya agten idi: “Nalinteg, nalinteg, nalinteg nge̍ Apu Diyus, nga Apu nga Mannakabalin ka amin. Igina ya uwed itun, uwed ita, se̍ ya umbe̍t nad pekkem,” kunen da.

Paltiing 4:8 Iomraidhean Croise

Aramid 20:31

Itu nga agannad kayu ngarud, ket laglagipen nu kuma to winangwangel ku ito kauwed ku dakayu ka unus tellu nga dagun, nga awan sardeng ku nga nangbagbaga iya tunggal isa dakayu, orey algew-gabi, ket adu ya luluwac gapu dakayu itun.

2 Kurintu 6:18

Ket iyaken ya agbalin nga Ama nun, ket dakayu nga lalaki se̍ babey, dakayu diya an-anac kun, kunen niya Apu nga Mannakabalin ka amin.” kunen na.

1 Te̍salunika 2:9

Tutu met kakabsat, ta malagip nu ngarud to panagwangel se̍ panagrigat mi itun. Ta algew-gabi nga nagwangel kami itun, tasun awan kuma pakarigatan nu gapu ka kasapulan mi ito uwed kami iyan nga mangikaskasaba dakayu iya Makaparagsac nga Damag nga gayat e̍ Apu Diyus.

1 Timutyu 4:16

Tanangem ngarud ya panagbiyag mu se̍ ya panangisurum, tasun kanayun nga kustu. Ituluy mu ngarud diyan nga kustu nga banbanag. Ta gapu kadiyan, maisalakan ya beggim, se̍ diya dumngeg pe̍ ikew.

2 Timutyu 4:2

Ket ya ibilin ku ikew, agten idi: Ipakaemmum nga pe̍yeng ya kagi ne̍ Apu Diyus orey no uwed pakarigatam. Mamagbaga ka nga ipalawag mu kadiya toley diya pagkurangan da. Mangilbec se̍ mamatigmaan ka. Ket iya panangtungpal mu kadiyan, siaanus ka kuma nga pe̍yeng iya panangisurum igida.

He̍briyu 13:8

Laglagipen nu ngarud nga agten pe̍ iyan nge̍ Je̍sus, nga awan pulus pagbalbaliwan na. Ta no kumaan niya gangey na itun, agten mettas pe̍ ita, se̍ orey ka agnanayun.

Paltiing 1:4

Iyaken nga Juan ya agsurat dakayu nga pitu nga bungguy diya mamati iya prubinsiya nga Asiya. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus, nga igina ya uwed ita, uwed itun, se̍ ya umbe̍t nad pekkem. Ket yan nga siaayat nga asi, se̍ talna, gayat met pe̍ iya agkapitu nga Ispiritu nga uwed iya sangu niya trunu nga pagturayan mettas ne̍ Apu Diyus,

Paltiing 1:8

Ket e̍ Apu Diyus, nga Apu nga Mannakabalin ka amin, kinunen na, “Iyaken ya pangrugiyan se̍ ya panggibusan niya amin,” kunen na, ta igina met ya uwed ita, uwed itun, se̍ ya umbe̍t nad pekkem.

Paltiing 11:17

nga kinunen da, “Apu Diyus, nga Apu nga Mannakabalin ka amin, ikew ya uwed ita se̍ uwed pe̍ itun. Agyaman kami ikew, ta nipasingem mun ya nakaskasdaaw nga pannakabalin mu, ket agturay ka ngarudin!

Paltiing 14:11

Ket iya agten iyan, matuctuuc ka agnanayun diya agdaydayaw ito nakan-ansing nga animal se̍ ito bultu na, se̍ diya orey nagan na nga mamarkaan pe̍ ka nagan na. Ket agpangudu ka agnanayun nga awan patingga na ya asuc niya apuy nga mangtuuc igida, ket awan pagkarinawaan da iya orey algew winno gabi,” kunen na.

Paltiing 14:3

Ket ya naggayatan nidi nga uni, itu met diya nagkankanta iya isa nga kabarbaru nga kanta iya sangu nito trunu, se̍ iya sangu dito eppat nga sibibiyag nga parsuwa, se̍ dito panglakayen. Ket awan makabael nga mangadal iyan nga kanta, no di yas dito sangagasut eppat nga pulu ket eppat nga ribu nga nasubbut nga taga-lubung nga toley itun.

Paltiing 15:3

Ket nagkankanta da ito kanta nito Muyse̍s nga agsirsirbi e̍ Apu Diyus itun, se̍ kanta pe̍ niya Urbun Karne̍ru, nga kinunen da ito kanta da, “Apu Diyus, nga Apu nga Mannakabalin ka amin, madaydayaw se̍ nakaskasdaaw diya wangel mu! Ikew ya Ari diya nasnasyun. Nalinteg se̍ napudnu ya gangey mu!

Paltiing 15:7

Ket itun, isa kadito eppat nga sibibiyag nga parsuwa ya nange̍cde̍ kadito pitu nga anghe̍le̍s ka pitu nga balituc nga malukung. Napnu met dito malukung ka unget ne̍ Apu Diyus, nga igina ya sibibiyag ka agnanayun nga awan patingga na.

Paltiing 16:14

Sairu met nga tutu didi nga tellu nga sinan-tukac nga agpaay e̍ Satanas. Emmu da met ya agariman ka nakaskasdaaw. Igida diya mawe̍ kadiya edyan diya ar-ari iya amin nga lubung, tasun urnungen da nga paisagana dito ar-ari nga mawe̍ nad makigubat e̍ Apu Diyus no madatnganin ya agdindinamag nga timpu ne̍ Apu Diyus nga Mannakabalin ka amin.

Paltiing 16:7

Ket uwed met nagicnac nga kagi itun nga gayat ito pagdatunan ka langit, nga kinunen na, “Apu Diyus nga Apu nga Mannakabalin ka amin, tutu met nga napudnu se̍ nalinteg ngarud diya panangeddeng mu!”

Paltiing 19:15

Ket to maawagan ka Kagi ne̍ Apu Diyus, uwed met natadem nga ispada nga rumwar iya musung na, nga itu met ya pangabac na kadiya nasnasyun. Ket iturayan na da nad ngarud ka nabaked nga turay nga agten iya kinabaked niya sacgukud nga landuc. Ta ipasingen na igida ya bileg niya unget ne̍ Apu Diyus nga Mannakabalin ka amin, nga arig nga pe̍se̍ten na da nad ka dackel nga pagpespessan.

Paltiing 19:4

Ket dito duwa nga pulu ket eppat nga panglakayen se̍ dito eppat nga sibibiyag nga parsuwa, naglakeb da nga nagdaydayawin e̍ Apu Diyus nga agtugtugew ito trunu, nga kinunen da, “Agten iyan kuma ngarud, ta madaydayaw kuma ngarud nge̍ Apu Diyus!” kunen da.

Paltiing 21:22

Ket nadlaw ku nga awan met te̍mplu ito siyudad, ta e̍ Apu Diyus, nga Apu nga Mannakabalin ka amin, se̍ ya Urbun Karne̍ru, igida mettin ya pagdaydayawan antuni.

Paltiing 3:7

“Ket idi ya isurat mu iya anghe̍l nga agay-aywan iya bungguy mamati ka Pilade̍lpiya: “Itu yan ya kunen niya awan basul na se̍ napudnu iya imatang ne̍ Apu Diyus. Igina pe̍ ya agiturayin iya pagiturayan nito Ari Dabid, nga arig nga igina ya mangik-ikem iya tulbec niyan nga pagariyan. Ket no ilukat na ya giset na, ket pulus nga awan makaigiset tin. Ket no igiset na, awan met makailukatin. Agten idi ya kunen na:

Paltiing 4:4

Ket iya le̍cbut nito trunu manin, uwed pe̍ duwa nga pulu ket eppat nga sabali nga trunu. Ket uwed duwa nga pulu ket eppat nga panglakayen nga nakatugew kadito trunu. Nakakawwes da ka puraw, ket diya ulu da, nakabalangat ka balituc.

Paltiing 4:6

Ket iya sangu nito trunu, uwed arig nga baybay nga sinan-sarming ya sap-ew na, ket arig met nga kristal nga masarang. Ket iya le̍cbut nito nagtengnga nga trunu, uwed eppat nga sibibiyag nga parsuwa, nga nasanap met diya beggi da ka adu nga mata, iya sangu se̍ iya likud da.

Paltiing 4:9

Ket dito eppat nga sibibiyag nga parsuwa, ikankanta da ngarud ya panagdayaw se̍ panagyaman da, se̍ ya nakaskasdaaw nga kinaturay nito nakatugew ito trunu, nga igina ya agbibiyag ka agnanayun nga awan patingga na.

Paltiing 5:6

Ket itun, uwed pe̍ nasingec nga Urbun Karne̍ru, ket arig nga isa nga napatey ya beggi na. Nakasikad met iya sangu nito trunu nga line̍cbut dito eppat nga sibibiyag nga parsuwa se̍ dito panglakayen. Ket to Urbun Karne̍ru, uwed pitu nga sacgud na, se̍ pitu nga mata na, nga itu diya pitu nga ispiritu nito agkapitu nga Ispiritu ne̍ Apu Diyus nga naibon iya amin nga lubung.

Paltiing 6:1

Ket itun, nasingec to panangipac nito Urbun Karne̍ru ito mona kadito pitu nga naikapet ito nalukut nga pagbasaan. Ket nagicnac ya isa nga uni nga arig nga eddug, nga itu ya panagkagi niya isa kadito eppat nga sibibiyag nga parsuwa, nga kinunen na, “Umbe̍t kan!” kunen na.

Paltiing 6:6

Ket uwed nagicnac kun nga arig nga timec nga gayat iya edyan dito eppat nga sibibiyag nga parsuwa, nga kunen na, “Ya pateg niya isa nga tabu nga trigu, ket itu ya tangdan iya isa nga algew win. Ket no beggas se̍bada, isa nga salup ngas ya maalac iya isa nga algew. Ket no ya lana ulibu se̍ ya basi ubas, madi mu da kessayan!” kunen na.

Paltiing 7:11

Ket itun, diya amin nga anghe̍le̍s, nagsisikad da iya le̍cbut nito trunu, se̍ iya le̍cbut pe̍ dito panglakayen, se̍ dito eppat nga sibibiyag nga parsuwa. Ket naglakeb da mettin iya sangu nito trunu, nga nagdaydayaw da e̍ Apu Diyus.

Paltiing 7:15

Ket iyan ya gapu na nga uwed da iya sangu niya trunu ne̍ Apu Diyus, ket algew-gabi, agsirsirbi da igina iya te̍mplu na. Ket ya agtugtugew iya trunu, salacniban na da gapu mettas iya kauwed na.