Paltiing 4:3 - Ya Baru nga Tulag

³ Ket nasileng met ya langa nito nakatugew iyan, nga arig nga sileng niya napaw-is nga batu, nga arig nga haspe̍ nga nasilap, se̍ iya karne̍lya nga nadgang. Ket iya le̍cbut nito trunu, uwed arig nga bunglun nga nakulur ka be̍rde̍, nga arig nga napaw-is nga batu nga e̍sme̍ralda.

Paltiing 4:3 Iomraidhean Croise

Paltiing 10:1

Ket itun, uwed nasingec manin nga sabali nga anghe̍l nga naturay. Ket nagpaspasegged nga gayat ka langit. Nabugus met yan nga anghe̍l ka ulep, se̍ uwed pe̍ bunglun iya nguduwen niya ulu na. Nadarang met ya rupa na nga arig nga sinag, ket diya saka na, arig met nga deddu nga gilab apuy.

Paltiing 21:11

Agdardarang met to siyudad gapu iya kauwed niya dayag ne̍ Apu Diyus. Sumilsilap ngarud nga arig nga napateg nga unay nga batu, nga agten iya napaw-is nga batu nga haspe̍, no masarang kuma nga agten iya kristal.