Paltiing 4:10 - Ya Baru nga Tulag

¹⁰ Ket tunggal agkanta da, aglakeb met dito duwa nga pulu ket eppat nga panglakayen iya sangu nito trunu, nga agdayaw da iya nakatugew iyan, nga igina ya agbibiyag ka agnanayun nga awan patingga na. Ket ipay da diya balangat da iya sangu nito trunu, nga panangipasingen da iya panagdayaw da iya nakatugew iyan. Ket kunen da,

Paltiing 4:10 Iomraidhean Croise

Matyu 2:11

Ket ito nakadateng da iyan nga baley, imuneg da, ket nasingen da ya ebbing se̍ e̍ Marya nga ina na. Ket nagparintumeng da ngarud nga nagdayaw ito ebbing. Ket kalpasan na, linukatan da diya nagpayan da ka sagut da, se̍ da sinagutan ya ebbing ka balituc, nabangug nga mapooran, se̍ sapsapu nga mirra.

Lukas 24:52

Ket nagdaydayaw da ngarudin igina, se̍ da simoli ka He̍rusale̍m nga siaanggem nga unay.

1 Kurintu 15:10

Ngem gapu mettas iya siaayat nga panangaasi ne̍ Apu Diyus iyaken, nagbalin nac met latta nga apustul, ta nabaru met ya nagbanagan nito siaayat nga panangaasi na iyaken. Itu nga nagbanbannug gac met ka ad-adu ngem kadito duduma nga padac nga apustul. Ngem bekken met nga iyaken ya tutu nga akin-wangel, no di lugud pinagwangel nac nge̍ Apu Diyus gapu iya pannakabalin nga nikaasi na nga siaayat iyaken.

Paltiing 10:6

Ket pagsapata na ya kinaturay ne̍ Apu Diyus nga sibibiyag ka agnanayun nga awan patingga na, nga igina met ya namarsuwa iya langit, iya ginet, se̍ iya baybay, agraman diya amin nga uwed kadidi. Ket kinunen ngarud nito anghe̍l ito sapata na, “Nadatngan mettin ya kustu nga timpu win, ket awan ngarud makaigapusin!

Paltiing 11:16

Ket itun, dito duwa nga pulu ket eppat nga panglakayen nga agtugtugew kadito trunu da iya sangu ne̍ Apu Diyus, naglakeb da manin. Ket nagdaydayaw da e̍ Apu Diyus,

Paltiing 15:4

Awan madi mansing iya kinaturay mu, Apu. Awan madi mangipakaemmu iya kinadayaw mu. Ta ik-ikew was ya nalinteg nga tutu. Sumuku nad met ikew diya amin nga nasnasyun, nga umbe̍t nad agdayaw diya toltoley ikew, ta naemmuwan ngarudin diya nalinteg nga wangwangel mu,” kunen da.

Paltiing 15:7

Ket itun, isa kadito eppat nga sibibiyag nga parsuwa ya nange̍cde̍ kadito pitu nga anghe̍le̍s ka pitu nga balituc nga malukung. Napnu met dito malukung ka unget ne̍ Apu Diyus, nga igina ya sibibiyag ka agnanayun nga awan patingga na.

Paltiing 19:4

Ket dito duwa nga pulu ket eppat nga panglakayen se̍ dito eppat nga sibibiyag nga parsuwa, naglakeb da nga nagdaydayawin e̍ Apu Diyus nga agtugtugew ito trunu, nga kinunen da, “Agten iyan kuma ngarud, ta madaydayaw kuma ngarud nge̍ Apu Diyus!” kunen da.

Paltiing 4:2

Ket sigida nga naidalan nac gapu iya Ispiritu ne̍ Apu Diyus. Ket ya nasingec, ket isa nga trunu nga naisaad ka langit, ket uwed nakatugew iyanin.

Paltiing 4:4

Ket iya le̍cbut nito trunu manin, uwed pe̍ duwa nga pulu ket eppat nga sabali nga trunu. Ket uwed duwa nga pulu ket eppat nga panglakayen nga nakatugew kadito trunu. Nakakawwes da ka puraw, ket diya ulu da, nakabalangat ka balituc.

Paltiing 4:9

Ket dito eppat nga sibibiyag nga parsuwa, ikankanta da ngarud ya panagdayaw se̍ panagyaman da, se̍ ya nakaskasdaaw nga kinaturay nito nakatugew ito trunu, nga igina ya agbibiyag ka agnanayun nga awan patingga na.

Paltiing 5:14

Ket kinunen dito eppat nga sibibiyag nga parsuwa, “Agten iyan kuma ngarudin!” kunen da. Ket dito panglakayen, naglakeb da nga agdaydayawin.

Paltiing 5:8

Ket ito inalac nito Urbun Karne̍ru to nalukut nga pagbasaanin, naglakeb dito eppat nga sibibiyag nga parsuwa se̍ dito duwa nga pulu ket eppat nga panglakayen iya sangu na, nga dinaydayaw dan. Ket ya tunggal isa igida, nakaikem da ka arpa nga makuwe̍rdasan nga pagtukar, se̍ balituc nga malukung nga napnu ka nabangug nga mapooran, nga itu ya kaiyarigan diya karkararag diya toley ne̍ Apu Diyus.

Paltiing 7:11

Ket itun, diya amin nga anghe̍le̍s, nagsisikad da iya le̍cbut nito trunu, se̍ iya le̍cbut pe̍ dito panglakayen, se̍ dito eppat nga sibibiyag nga parsuwa. Ket naglakeb da mettin iya sangu nito trunu, nga nagdaydayaw da e̍ Apu Diyus.