Paltiing 3:8 - Ya Baru nga Tulag

⁸ Emmuc met diya wangwangel mu. Itu nga e̍cde̍c ya gundaway mu nga maiyarig iya silulukat nga gagayangan nga awan makaigiset. Emmuc met nga orey e̍teng ngas ya kabaellam, managtungpal ka latta iya kagic, se̍ madi nac met nilibac.

Paltiing 3:8 Iomraidhean Croise

Lukas 12:9

Ngem ya mangipakaemmu iya imatang diya toley nga di nac kanu annamunganin, ket maipakaemmu nad met iya imatang diya anghe̍le̍s ne̍ Apu Diyus nga madic pe̍ annamungan nga pulusin.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 17:6

“Nipakaemmu naka kadidi nga toley nga nitalec mu iyaken idi nga lubung. Kuwam da nga sigud, ket nitalec mu da iyaken. Ket igida, nagtungpal da iya kagim.

Aramid 14:27

Ket ito nakadateng de̍ Pablu ka Antiyakiya ngin, pinagurnung da ya bungguy mamati, nga nisalaysay da igida dito amin nga nipawangel ne̍ Apu Diyus igida, se̍ to gundaway nga mamati diya bekken nga Hudyu.

1 Kurintu 16:9

Agedyan nac pekkem ngarud idi, ta adu nga tutu ya paglaingan niya wangel ku ennidi, ket kamuwec kuma ngarud. Ngem adu pe̍ diya mangkuntra kadiya isursuruc ennidi.

2 Kurintu 2:12

Ket ito nawe̍ yac ka Truwas tasun mangikasaba ngac iya Makaparagsac nga Damag maipanggep e̍ Kristu, nadateng ku ya gundaway ku antuni nga nangariman iya nangibonan niya Apu iyaken.

Pilipus 4:13

Ta awan dumateng iyaken nga madic maitured gapu iya tulung niya mangpabileg iyaken.

Kulusas 4:3

Ket ikarkararagan dakami kay pe̍, tasun e̍cdan nakami nge̍ Apu Diyus ka gundaway iya panangipakaemmu mi iya kagi na. Ta maikasaba mi kuma ya panggep na maipanggep e̍ Kristu, nga madi pekkem naipakaemmu itun. Ket itu pe̍ yan ya gapu na nga uwed dac nga sibabaludin.

1 Timutyu 5:8

Ket no uwed madi makibiyang iya kasapulan diya kabagiyan na, nangruna diya kakobung na, naglikudan nan ya ugali niya pammati tida. Ket dacdake̍c met yan nga ugali nan ngem iya ugali diya di pekkem mamati.

2 Timutyu 4:7

Winangel ku amin nga kabaellac iya panangtungpal ku ito naitalec iyaken. Arig gac nga isa nga nabaru nga suldadu winno nakilumba, ta di yac binabawi ya panamatic e̍ Apu Je̍sus.

Hudas 1:4

Ket agten iyan ya ibagac dakayu, ta uwed da met toley nga madi mangipateg e̍ Apu Diyus, ket makibulubulun da nga sililimed din dakayu. Igida met dito naisurat itun pekkem, nga ya pannakaukum da ngas ya pagtungpalan da. Ta pasabaliyen da met ya kinapudnu maipanggep iya siaayat nga panangaasi niya Diyus tida. Isursuru da met nga maipalubus kanu diya naalas nga banbanag. Ilibac da met pe̍ ya kackaisu nga pagsirbiyan se̍ Apu tida, nga itu nge̍ Je̍su Kristu.

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 2:2

Emmuc diya wangwangel mu, se̍ ya panagbannug se̍ panaganus mu. Emmuc pe̍ nga madi ka ipamoya diya toltoley nga dake̍c ya ugali da. Ket dito busid nga apustule̍s nga nagkunen nga apustule̍s da kanu, ket inemmum da, ket naemmuwam nga busid da met.

Paltiing 22:7

“Dumngeg kayu!” kinunen ne̍ Apu Je̍sus. “Dagus sac ngarud nga umbe̍t iya di mabayagin! Itu nga pakaragsakan ngarud diya agtungpal kadiya paltiing nga nisurat mu iyan nga libru!” kunen na.

Paltiing 3:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka Sardis: “Itu yan ya kunen niya natalec kadiya pitu nga ispiritu niya agkapitu nga Ispiritu ne̍ Apu Diyus, se̍ ya natalec pe̍ kadiya pitu nga bitbituwen: Emmuc met diya wangwangel mu. Se̍ emmuc pe̍ nga agdindinamag nga paiturayan ka kanu iya biyag nga e̍cde̍ ne̍ Apu Diyus. Ngem ya kinapudnu na, naibilang ka nga natey yin!

Paltiing 3:10

Ket no maipanggep ikew, gapu ta nipangag mu to nibagbagac ikew nga aganus ka kuma, ket isalakan naka nad met iya timpu niya panagrigrigat nga umbe̍t nad iya amin nga lubung tasun masigir diya toltoley iya lubung.

Paltiing 3:15

Ket emmuc met diya wangwangel mu. Bekken ka nga naawanan ka panamati, nga arig ngas nga nalam-ec nga kanen. Se̍ bekken ka pe̍ nga nagaget iya panamatim, nga arig nga napudut nga naimas nga kanen. Ya nabarbaru met iyaken, ket no nalam-ec ka, ket nalam-ec ka kuma nga tutu. Winno no napudut ka, ket napudut ka kuma nga tutu.

Paltiing 3:7

“Ket idi ya isurat mu iya anghe̍l nga agay-aywan iya bungguy mamati ka Pilade̍lpiya: “Itu yan ya kunen niya awan basul na se̍ napudnu iya imatang ne̍ Apu Diyus. Igina pe̍ ya agiturayin iya pagiturayan nito Ari Dabid, nga arig nga igina ya mangik-ikem iya tulbec niyan nga pagariyan. Ket no ilukat na ya giset na, ket pulus nga awan makaigiset tin. Ket no igiset na, awan met makailukatin. Agten idi ya kunen na: