Paltiing 3:4 - Ya Baru nga Tulag

⁴ “Ngem uwed duduma dakayu enna Sardis, nga nadalus da pekkem, ta di da pinarugitan ya kawwes da. Ket igida diya makibulun nad iyaken nga sikakawwes da ka puraw, ta maikari da met nga makibulun iyaken.

Paltiing 3:4 Iomraidhean Croise

Matyu 10:11

“Ket no dumateng kayu iya isa nga ili winno puruc, agsapul kayu ka umili nga rumbeng nga mangsangaili dakayu. Ket ya baley na mettas ya pagdagusan nu, agingga nga di kayu pumanaw iyan nga ili.

Markus 16:5

Ket imuneg da ngarud ito nakaitamennan na. Ket uwed met nasingen da nga isa nga bagbagu nga agtugtugew iya dumna diwanan, nga nakakawwes met ka puraw nga sutana. Ket nasikuran ngarud nga unay dito babey yin.

Lukas 20:35

Ngem diya ibilang ne̍ Apu Diyus nga maikari nga aglak-am iya maadpangan nga timpu se̍ iya panagungar, madi da nad met mangasawa winno makiasawa ngin.

Lukas 21:36

Itu nga sisasagana kayu kuma ngarud nga pe̍yeng, se̍ agkararag kayu nga agadeng ka bileg nu, tasun malasat nu amin didi nga umbe̍t nga pakarigatan, se̍ tasun sitatalged kayu nga makisangu nad iya Anac nga Naipatoley,” kunen na.

Aramid 1:15

Ket iya isa nga algew itun, naguurnung diya mamati. Agdagup ngata ka sangagasut ket duwa nga pulu da. Ginumnukat nge̍ Pe̍dru ket nagkagi igida, nga kinunen na,

2 Te̍salunika 1:5

Ket ya panagitured nu kadiya rigrigat nu, itu yan ya mangipakaemmu nga kustu ya pananglinteg ne̍ Apu Diyus. Ket iya agten iyan, maisagana kayu nga maikari iya panangituray ne̍ Apu Diyus. Ket ya panangituray na, itu mettas ya gapu niya pakaparparigatan nun.

Hudas 1:23

Ket diya duduma, isalakan nu da kuma iya dake̍c nga pagtungpalan da, nga arig nga rabsuten nu da ka apuy nga pakatayan da. Ket uwed da met duduma nga kaasiyan nu kuma pe̍, ngem agannad kayu ngarud, tasun madi kayu maigamer iya kinadake̍c da. Ta guraen nu ya orey nagan na nga ugali da nga namansaan gapu iya kinatoley da nga dake̍c. Ket maiyarig yani nga adeyyuwan nu ya badu da nga narugitin gapu iya narugit nga beggi da.

Paltiing 1:11

Ket kinunen na iyaken, “Isurat mu didi nga masingem, ket ipatulud mu ya nalukut nga nakaisuratan da kadiya pitu nga bungguy diya mamati kadiya ili nga E̍pe̍su, E̍smirna, Pe̍rgamu, Tiyatira, Sardis, Pilade̍lpiya se̍ ka Lawdisiya,” kunen na.

Paltiing 11:13

Ket iyan mettas nga kanitu, nangyegyeg met ka nabileg gin. Ket napirdi mettin ya apagkapullu nito siyudad, ket uwed met pitu nga ribu nga toley nga natey gapu ito yegyeg. Ket diya nakalasat, napalaus ngarud ya ansing dan, itu nga nagdaydayaw dan e̍ Apu Diyus nga uwed ka langit.

Paltiing 14:4

Ket igida didi diya madi namansaan ka dake̍c maipanggep ka babey, ta pulus nga di da nakitipun ka babey. Igida diya sumursurut ito Urbun Karne̍ru iya orey awac nga pennan na. Se̍ igida met diya toley nga nasubbut, tasun igida ya arig nga mon-ona nga pagdayaw nga maisangu e̍ Apu Diyus se̍ iya Urbun Karne̍ru.

Paltiing 19:14

Ket simurut igina diya buybuyut nga gayat ka langit, nga sikakawwes da ka nadalus nga luput nga puraw nga line̍n. Ket nakasakey da met pe̍ ka puraw nga kabayu.

Paltiing 19:8

Ket nae̍cdan ka ikawwes na nga nadalus se̍ puraw nga luput nga line̍n,” kunen da. Ket ya luput nga line̍n, itu ya pakaiyarigan niya kinalinteg diya toley ne̍ Apu Diyus.

Paltiing 3:18

Itu nga ipatigmaan ku ikew, nga iyaken kuma ya pagnginaam mun ka balituc nga nadalusan gapu iya pannakailasat na ka apuy, tasun bumacnang ka nga tutu. Se̍ ngumina ka kuma pe̍ iyaken ka puraw nga luput nga pagkawwes mu, tasun madi masingen ya nakal-alyew nga kinalamulamum. Ket ngumina ka kuma pe̍ iyaken ka agas mata nga iyagas mu iya matam, tasun makasingen ka.

Paltiing 3:5

Agten nad idi nga puraw ya kawwes diya amin nga maibilang nga mangabac. Ket pulus nga madic nad udasen ya nagan da nga naisurat iya libru nga pakaisuratan diya nagnagan diya mae̍cdan ka biyag nga agnanayun. Ket ipakaemmuc nad nga siaannamung iya imatang niya Amac se̍ kadiya anghe̍le̍s na, nga didi nga sikakawwes ka puraw, ket kuwac.

Paltiing 4:4

Ket iya le̍cbut nito trunu manin, uwed pe̍ duwa nga pulu ket eppat nga sabali nga trunu. Ket uwed duwa nga pulu ket eppat nga panglakayen nga nakatugew kadito trunu. Nakakawwes da ka puraw, ket diya ulu da, nakabalangat ka balituc.

Paltiing 6:11

Ket itun, ya tumunggal isa igida, nae̍cdan da ka puraw nga sutana. Ket naibaga igida nga agton da kanu pekkem mas ka e̍teng, nga sitatalna da kuma, agingga ka madatngan to naikeddeng nga bilang diya pada da nga agsirsirbi nga kakabsat nga mapatey nga agten mettas ito pannakapatey da itun.

Paltiing 7:9

Ket kalpasan niyan, pinumsekkac manin, ket uwed nasingec nga nakad-adu nga toley nga naurnung. Ket gapu ta adu da nga unay, awan met toley nga makabael nga mangbilang igida. Naggayat dito toltoley kadiya amin nga nasyun, kapututan, pagiliyan se̍ pagkakagi. Ket agsisikad da iya sangu nito trunu se̍ to Urbun Karne̍ru. Nakakawwes da ka puraw nga sutana, se̍ agik-ikem da ka bain.