Paltiing 3:3 - Ya Baru nga Tulag

³ Itu nga laglagipem kuma ngarudin dito naad-adal mu, se̍ dito nagicgicnam. Tungpalem mun, ta agbabawi ka kuma ngarudin kadito basbasul mu. Ngem no madi ka agnakem, umbe̍t naka met dusaen nin, ket arig nga umbe̍t niya isa nga mannanakew ya umbe̍t ku ikew, ta madi ka maem-emmuwan no nungey.

Paltiing 3:3 Iomraidhean Croise

Matyu 25:13

“Itu nga kunec dakayu ita,” kunen ne̍ Je̍sus, “nga sisasagana kayu kuma ngarud nga pe̍yeng. Ta madi kayu emmu ya algew winno ya uras niya umbe̍t na.”

Markus 13:33

Agannad kayu ngarud, ket sisasagana kayu kuma nga pe̍yeng, ta di kayu emmu no nungey nga agparang yan nga timpu.

Markus 13:36

Ta kaynun no kellat nga sumpuc kin, ket madateng nakayu nga agtudtudug.

1 Te̍salunika 5:2

Ta emmu nu met nga nalaingin nga no dumateng nad ya Timpu niya Apu, ket agten met iya umbe̍t niya isa nga mannanakew iya gabi.

1 Timutyu 6:20

Timutyu, madi ka ngarud liwayan to naitalec ikew. Liclikam ya panagkagkagi nga awan mamaay na, ta bekken nga pangdayaw e̍ Apu Diyus. Ket se̍ liclikam kuma pe̍ diya awan mamaay da nga panagdidinniskutir, ta itu ya ugali ngas diya uwed kanu sirib na, ngem pilusupu was met.

2 Timutyu 1:13

Patgem kuma ngarud to kustu nga sursuru nga nipakaemmuc ikew itun, ta itu kuma ya isurum. Ket no isursurum, ituluy mu ya panamati se̍ panagayat mu nga tumaud iya pannakaitipun mu e̍ Kristu Je̍sus.

He̍briyu 2:1

Ket gapu kadiyan nga banbanag, masapul ngarud nga lumallalu kuma ya panangipateg tida kadiya panursuru nga naadal tida, tasun bekken tida nga maiyaw-awan ka sabali.

2 Pe̍dru 1:13

Ta ya kunec, mayat no palpalagipan nakayu kadiyan, bayat niya uwed pekkem anges nidi nga beggic.

2 Pe̍dru 3:1

Idi nga surat, itu ya maikadduwa nga surat nga nisurat ku dakayu nga patpatgec. Ket agpada met ya panggep nidi nga surat ku se̍ ito nona. Ta padasec manin ya mangalayu dakayu iya napudnu nga nakem, gapu iya panangipalagip ku dakayu.

2 Pe̍dru 3:10

Ngem no madatnganin ya Timpu niya Apu, kellat met ya panagparang na, nga agten mettas iya umbe̍t niya isa nga mannanakew. Ket mapukaw nad mettin ya abac lawa, nga uwed nad magicna nga nabileg nga ungug, ket diya masingen nga naisaad iya abac lawa, macset da mettin nga mapukawin. Ket agten nad met pe̍ iyan ya lubung, se̍ amin nga uwed iya sap-ew niya ginet, ta macset da nad mettin.

Paltiing 16:15

Ket laglagipen tida kuma ya kunen niya Apu: “Umbe̍t tac nad ngarud nga arig nga umbe̍t niya isa nga mannanakew! Nagasat nad met diya sisasagana, nga arig nga toley nga sipupuyat, se̍ naisagana pe̍ ya lupluput na, tasun madi nad aguuba. Ta no aguuba, malyew nad ngarud iya imatang diya toltoley,” kunen na.

Paltiing 2:25

Yan nas ituluy nu nga sipapasnec dito nabaru nga wangwanglen nu, agingga nga umbe̍t tac iyan.

Paltiing 2:5

Dikad pe̍ bilinen naka ngarud nga laglagipem to kasasaad mu ito sacbay nidi nga pannakairradum. Agbabawi ka ngarudin. Ket dito nabaru nga winangwangel mu ito damu, itu manin ya wanglem kuma itan. Ta no madi ka agbabawi se̍ madi ka pasoliyen ditun nga nabaru, umbe̍t ku was nad ipac ya dilag mu iya nakaipayan na.

Paltiing 22:7

“Dumngeg kayu!” kinunen ne̍ Apu Je̍sus. “Dagus sac ngarud nga umbe̍t iya di mabayagin! Itu nga pakaragsakan ngarud diya agtungpal kadiya paltiing nga nisurat mu iyan nga libru!” kunen na.

Paltiing 3:11

Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.

Paltiing 3:19

Ket maemmuwam kuma nga balakadac se̍ palinteggec met diya ay-ayatec. Dikad pe̍ agpasnec ka kuma ngarud, ket ibabawi mun diya basbasul mu.

Paltiing 3:2

Itu nga masapul lugud nga agnakem kan, ket pabilgem ya e̍teng pekkem nga nabaru nga uwed ikew, ta kaynun no mapukaw gapu iya kinakapsut na. Ta emmuc nga bekken nga kustu iya imatang niya Diyus ku diya wangwanglem.