Paltiing 3:11 - Ya Baru nga Tulag

¹¹ Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.

Paltiing 3:11 Iomraidhean Croise

1 Kurintu 9:25

Ket no diya makikonte̍s, timbengngen ngarud nga nalaing niya tunggal isa igida ya beggi na, tasun magun-ud da kuma ya balangat nga maigun-guna. Ket ya agten iyan nga gun-guna da, madi met agpaut ka mabayag, no di ngas mapukaw. Ngem ya magun-ud tida nga gennung, itu ya gun-guna nga madi mapukaw.

Pilipus 4:5

Maipasingen kuma ngarud kadiya toltoley ya kinanacman nu, nga laglagipen nu nga dandani yin ya umbe̍t manin niya Apu.

2 Timutyu 2:5

Ket maiyarig tida pe̍ iya isa nga makisalisal ka lumba. Ket emmu tida nga ya isa nga makisalisal, awan magun-guna na no di na nga tungpalen ya paglinteggan niyan nga pagsasalisalan da.

2 Timutyu 4:8

Ket itan, uwed naisagana para iyaken nga arig nga gun-gunac. Itu ya kinalinteg niya Apu nga ikutac nad mettas, nga arig nga isa nga kuruna nga igun-guna niya Apu iyaken nad no Timpu na nga manglinteg kadiya toltoley. Ket bekken nas nga iiyaken ya magun-gunaan nad ka agten iyan, no di pe̍ diya amin nga siaayat nga mangpadpadaan iya umbe̍t na manin.

Santiyagu 1:12

Uwed pakaragsakan niya toley nga aganus iya pakaparparigatan na. Ta kalpasan niya panaganus na, agballaigi, ket mae̍cdan iya biyag nga agnanayun, nga arig nga maibalangat igina. Itu ya biyag nga nikari ne̍ Apu Diyus kadiya agayat igina.

Santiyagu 5:9

Madi kayu agpipinnabasul nga sitatagobotob, kakabsat, tasun awan ipabasul ne̍ Apu Diyus dakayu. Ngarud, nganngani mettin ya umbe̍t niya Mangeddeng dakayu, nga arig nga nganngani sumpuc iya gagayangan niya baley nu ya mangpabasul dakayun.

Paltiing 1:3

Ket nagasat ngarud ya mangibasa idi nga naisurat nga paltiing. Nagasat ngarud met diya dumngeg se̍ mangipangag kadiya naisurat idi nga surat, ata dandani yin ya timpu nga pannakatungpal didi.

Paltiing 16:15

Ket laglagipen tida kuma ya kunen niya Apu: “Umbe̍t tac nad ngarud nga arig nga umbe̍t niya isa nga mannanakew! Nagasat nad met diya sisasagana, nga arig nga toley nga sipupuyat, se̍ naisagana pe̍ ya lupluput na, tasun madi nad aguuba. Ta no aguuba, malyew nad ngarud iya imatang diya toltoley,” kunen na.

Paltiing 2:10

Ket madi ka latta madanagan iya orey nagan na nga pakaparigatan nga dumateng ikew. Tutu met nga sigiren naka ya diyablu iya di mabayag, ta paibalud na diya duduma dakayu. Agpaut nad ka unus sangapulu nga algew ya pakaparigatam. Ngem puminget ka lugud iya panamatim, orey pe̍ no agingga ka patey, ket balangatan nakayu ka biyag nga agnanayun.

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 2:25

Yan nas ituluy nu nga sipapasnec dito nabaru nga wangwanglen nu, agingga nga umbe̍t tac iyan.

Paltiing 22:12

Agten idi ya kunen ne̍ Apu Je̍sus: “Ngarud, dagus sac met nga umbe̍t iya di mabayagin. Ket e̍lbe̍t ku nad ya supapac nga ipaay kun iya tunggal isa, maikanatad kadiya winangel da.

Paltiing 22:20

Ket ya nangipakaemmu iya kinapudnu maipanggep kadidi nga banbanag, kunen na, “Tutu met nga dagus sac nga umbe̍t iya di mabayagin!” kunen na met. Ket idi ya kunec: Agten iyan kuma ngarudin, ta umbe̍t ka kuma ngin, Apu Je̍sus!

Paltiing 22:7

“Dumngeg kayu!” kinunen ne̍ Apu Je̍sus. “Dagus sac ngarud nga umbe̍t iya di mabayagin! Itu nga pakaragsakan ngarud diya agtungpal kadiya paltiing nga nisurat mu iyan nga libru!” kunen na.

Paltiing 3:3

Itu nga laglagipem kuma ngarudin dito naad-adal mu, se̍ dito nagicgicnam. Tungpalem mun, ta agbabawi ka kuma ngarudin kadito basbasul mu. Ngem no madi ka agnakem, umbe̍t naka met dusaen nin, ket arig nga umbe̍t niya isa nga mannanakew ya umbe̍t ku ikew, ta madi ka maem-emmuwan no nungey.

Paltiing 4:10

Ket tunggal agkanta da, aglakeb met dito duwa nga pulu ket eppat nga panglakayen iya sangu nito trunu, nga agdayaw da iya nakatugew iyan, nga igina ya agbibiyag ka agnanayun nga awan patingga na. Ket ipay da diya balangat da iya sangu nito trunu, nga panangipasingen da iya panagdayaw da iya nakatugew iyan. Ket kunen da,

Paltiing 4:4

Ket iya le̍cbut nito trunu manin, uwed pe̍ duwa nga pulu ket eppat nga sabali nga trunu. Ket uwed duwa nga pulu ket eppat nga panglakayen nga nakatugew kadito trunu. Nakakawwes da ka puraw, ket diya ulu da, nakabalangat ka balituc.