Paltiing 22:2 - Ya Baru nga Tulag

² Ket agayus met iya tengnga nito kalsada ito siyudad. Ket iya agsidulmang nito wangag, uwed kayu nga pagbiyagan. Uwed met panamisic niyan nga kayu nga mame̍nsangapulu ket duwa iya unus isa nga dagun, ta binulan met nga mamisic. Ket diya eddon na, agsirbi ka pangpakaradkad kadiya toltoley diya nasnasyun.

Paltiing 22:2 Iomraidhean Croise

Lukas 4:18

“Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

1 Pe̍dru 2:24

E̍ Kristu mettas to nagagtu kadiya basbasul tida nga naibulun iya beggi na ito pannakailansa na ito krus. Agten iyan ngarud ya winangel na, tasun agbalin tida nga arig nga natey yin nga madi agbasbasulin, se̍ tasun agbiyag tida nga agpaay iya kinalinteg gin. Ket gapu ngarud ito pannakatalingu ne̍ Kristu, naagasan kayun.

Paltiing 2:7

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka kalinteggan da nga mangan ka bisic niya kayu nga pagbiyagan nga uwed iya minuyungan ne̍ Apu Diyus.’”

Paltiing 21:21

Ket pe̍rlas met dito sangapulu ket duwa nga ruwangan nito siyudad, nga naariman ya tunggal ruwangan ka is-isa nga pe̍rlas. Ket ya kalsada nito siyudad, naariman met ka balituc nga awan pulus lauc na, ket masarang met nga agten iya sarming.

Paltiing 21:24

Ket diya toltoley kadiya nasnasyun iya lubung, mawadaan da nad iya wada niyan nga siyudad. Ket diya ar-ari iya lubung, mawe̍ da nad ipaay ya kinaturay da ito siyudad.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.

Paltiing 22:14

Nagasat ngarud diya mangpadalus iya sutana da, tasun mae̍cdan da ka kalinteggan nga mangan iya bisic nito kayu nga pagbiyagan enna siyudad, se̍ tasun mapalubusan da nga lumnec kadito ruwangan nito bakud nga umuneg ito siyudad.

Paltiing 22:19

Ket no uwed mangkessay ka orey nagan na nga naisurat idi nga libru maipanggep kadiya paltiing na, ket ipac nad ne̍ Apu Diyus ya kalinteggan na nga mangan iya bisic niya kayu nga pagbiyagan, se̍ ya kalinteggan na nga mairaman ka He̍rusale̍m nga siyudad nga ipatpateg ne̍ Apu Diyus, nga itu diyan to kayu se̍ siyudad nga naisalaysay idi nga libru.