Paltiing 21:7 - Ya Baru nga Tulag

⁷ Itu yan ya tawid nga maipaay kadiya mangabac. Ket iya agten iyan, iyaken nad ya Diyus da, ket igida diya anac ku.

Paltiing 21:7 Iomraidhean Croise

Matyu 19:29

Ket tutu met nga amin nga nangpanaw ka baley na, kakabsat na nga lalaki man winno babey, ama na winno ina na, winno diya anac na, winno diya laplapug na, tasun agsirbi iyaken, basta maisupapac igina ya orey no mame̍nsangagasut nga agten kadiyan. Ket se̍ matawid na met pe̍ ya biyag nga agnanayun.

Matyu 25:21

“Ket to amu na, kinunen na igina, ‘Mayat met! Nabaru se̍ mapagtalkan ka nga tagabu. Ket gapu ta napagtalkan ka kadiyan nga e̍teng nga banbanag, pagtalkan naka ka adu nga banbanagin. Makitipun ka iyaken nin nga amum, idi nga paganggemmac,’ kunen na.

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Markus 10:17

Ket ito agrubwat nge̍ Je̍sus nga pumanaw antuni nin, uwed met isa nga lalaki nga nanagtag nga imadenni igina. Ket nawe̍ ngarud nagparintumeng iya sangu ne̍ Je̍sus, nga kinunen na igina, “Nalinteg nga Mistru, ibagam kay iyaken ya masapul nga wanglec tasun magun-ud ku ya biyag nga agnanayun,” kunen na.

Ruma 8:14

Tutu met yan, ta diya amin nga maidalan iya Ispiritu ne̍ Apu Diyus, anac met ne̍ Apu Diyus da.

Ruma 8:19

Ta sisasagana ngin ya amin nga parsuwa ne̍ Apu Diyus, nga arig nga agpadpadaan da pe̍ iya panangiparangarang ne̍ Apu Diyus kadiya an-anac na.

2 Kurintu 6:16

Maiyarig pe̍ yani iya te̍mplu nga pagedyanan ne̍ Apu Diyus se̍ diya bulbultu. Ta diya bulbultu, bekken da met nga tumutup iya te̍mplu ne̍ Apu Diyus. Ket ya kinapudnu na, dactida met ya te̍mplu nga paged-edyanan niya sibibiyag nga Diyus! Itu met to nibaga ne̍ Apu Diyus itun nga kinunen na, “Igida nad ya pagedyanac, ket makibulubulun nac nad igidan. Ta iyaken nad ya daydayawen da nga Diyus da, ket igida ya ibilang ku nga toley ku,” kunen na.

2 Kurintu 6:18

Ket iyaken ya agbalin nga Ama nun, ket dakayu nga lalaki se̍ babey, dakayu diya an-anac kun, kunen niya Apu nga Mannakabalin ka amin.” kunen na.

He̍briyu 8:10

Ket kunen na manin, ‘Agten idi ya baru nga tulag nga bangunec kadiya kapututan nito Israe̍l no madatngan nad ya timpu na: Ipay ku nad diya bilbilin ku iya panpanunut diya toltoley, ket ya lemlemmet da, itu nad ya arig nga pagisuratac kadidi nin. Ket iyaken nad ya Diyus da, ket igida nad met pe̍ diya toley ku.

1 Pe̍dru 3:9

No dake̍c ya mawangel dakayu, madi kayu kuma bumalbales ka dake̍c. Se̍ orey no pagkagiyan dakayu ka dake̍c, madi kayu sungbatan ka dake̍c, no di lugud ikararagan nu da ngas kuma. Rebbeng nu ngarud ya agten iyan, ta maibagay met iya nakapiliyan nu tasun maipaayan kayu ka tulung ne̍ Apu Diyus.

Paltiing 2:11

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, madi da nad madusa ka maikadduwa nga ipapatey.’”

Paltiing 2:17

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka pagbiyag nga madi masingen, nga maawagan ka mana. Se̍ e̍cdac da nad pe̍ ka puraw nga batu nga nakaisuratan niya isa nga kabarbaru nga nagan, ket awan pulus nga makaemmu iyan nga naisurat nga nagan, no di yas ya umawat.’”

Paltiing 2:25

Yan nas ituluy nu nga sipapasnec dito nabaru nga wangwanglen nu, agingga nga umbe̍t tac iyan.

Paltiing 2:7

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka kalinteggan da nga mangan ka bisic niya kayu nga pagbiyagan nga uwed iya minuyungan ne̍ Apu Diyus.’”

Paltiing 21:3

Ket nagicnac itun ya isa nga nabileg nga timec nga gayat ito trunu ka langit, nga kinunen na, “Kad yan! Uwed kadiya toltoley yin ya pagedyanan ne̍ Apu Diyus, ket makipagedyan met nge̍ Apu Diyus igidan. Ket iya agten iyan, igida nad ngarud diya toley ne̍ Apu Diyus. Ket e̍ Apu Diyus, makibulun mettas igida, ket igina ya Diyus da.