Paltiing 21:4 - Ya Baru nga Tulag

⁴ Ket liwliwaen na da nad nga punasen na diya amin nga luwa da. Awan nad matey yin, winno agladingitin. Awan nad pe̍ agberritin winno agrigatin, gapu ta nakabas mettin dito daan nga banbanag,” kunen na.

Paltiing 21:4 Iomraidhean Croise

Matyu 24:35

No ya abac lawa se̍ ya lubung ngi, uwed nad met panagpatingga da. Ngem diya kagic nga gennung, pulus met nga awan panagpatingga da.”

1 Kurintu 15:26

Ket ya kaodiyan nga abaken na, ket itu ya pannakabalin niya patey.

1 Kurintu 7:31

Ket orey idi nga lubung ya pagbibiyagan nu, bekken kuma nga diya tumaud idi diya ipangpangruna nun, ta malabes ngas met diya uwed idi nga lubung.

2 Kurintu 5:17

Ket agten iyan met pe̍ ya panangibilang niya orey nagan na nga toley nga maitipun e̍ Kristu. Ta ya toley nga maitipun e̍ Kristu, maiyarig nga kabarbaru nga parsuwa ngin. Ket nabaliwanin dito daan nga panpanunut na ka kabarbaru nga panpanunutin.

2 Kurintu 6:17

Ket kunen pe̍ niya Apu, “Itu nga sumina kayu ngarud kadiya toley nga ibilang ku nga dake̍c, tasun maiduma kayu igida. Ket madi kayu makitipun kadiya agten iyanin. Ket iya agten iyan, annamungan nakayu nad met.

He̍briyu 12:27

Ket iyan nga kunen na nga pe̍dwaen na kanu pekkem, ipakaemmu na ngarud dactida nga mayegyeg nad nga mapukaw diya naparsuwa nga banbanag, tasun diya nabaked nga madi mayegyeg winno mapukaw, didi ngas nad met diya mabati.

2 Pe̍dru 3:10

Ngem no madatnganin ya Timpu niya Apu, kellat met ya panagparang na, nga agten mettas iya umbe̍t niya isa nga mannanakew. Ket mapukaw nad mettin ya abac lawa, nga uwed nad magicna nga nabileg nga ungug, ket diya masingen nga naisaad iya abac lawa, macset da mettin nga mapukawin. Ket agten nad met pe̍ iyan ya lubung, se̍ amin nga uwed iya sap-ew niya ginet, ta macset da nad mettin.

1 Juan 2:17

Ket diya agten kadiyan nga ugali nga makaawis dakayu, agpatingga da ngas met, ta mapucpukaw mettin ya amin nga uwed iya lubung ngi. Ngem ya toley nga agtungpal iya tarigagay ne̍ Apu Diyus nga gennung, ket agnanayun met.

Paltiing 20:13

Ngarud, naikeddeng ya pagbanagan niya tunggal isa maikanatad kadiya winangel da, ta napagungar met dito natey ka baybay, agten pe̍ kadito naitamen iya ginet, se̍ dito naibalud ito pagtuukan nga edyan diya natey enna Hade̍s. Ta naurnung da nga amin tasun maikeddeng ya pagbanagan dan.

Paltiing 20:14

Ket itun, ya patey se̍ to Hade̍s nga pagtuukan nga edyan diya natey, arig met nga naidegsut dan ito dackel nga pagapuyan. Ket idi nga pannakaipisuc da iya dackel nga pagapuyan, itu yan ya maawagan ka maikadduwa nga pannakatey.

Paltiing 21:1

Ket itun, uwed nasingec nga kabarbaru nga lubung, agraman ya abac lawa se̍ ginet, ata nalabes sin to nona nga abac lawa, se̍ to nona nga ginet pe̍ yin. Ket awan met baybayin.

Paltiing 22:3

Ket awan nad pulus mailunud iya imatang ne̍ Apu Diyus antuni nin. Ket to trunu nga pagtugawan ne̍ Apu Diyus se̍ ya Urbun Karne̍ru, itu nga gennung ya uwed nad iyan nga siyudad. Ket diya agsirsirbi e̍ Apu Diyus, agdaydayaw da nad igina antuni.

Paltiing 7:17

Ta ya Urbun Karne̍ru nga uwed iya sangu niya trunu, igina met ya agay-aywan igidan, ket iturung na da ka arig nga ubbug nga mange̍cde̍ ka biyag. Ket liwliwaen ne̍ Apu Diyus da, tasun awan pulus agberberrit igidan,” kunen na.