Paltiing 21:10 - Ya Baru nga Tulag

¹⁰ Ket gapu iya pannakabalin niya Ispiritu ne̍ Apu Diyus, nipen nac ngarud to anghe̍l iya isa nga dackel se̍ nangudu nga tageytey. Ket nipasingen na iyaken ya He̍rusale̍m, nga itu ya siyudad nga ipatpateg ne̍ Apu Diyus. Ket agpaspasegged met to siyudadin manipud ka langit, nga gayat e̍ Apu Diyus.

Paltiing 21:10 Iomraidhean Croise

Aramid 8:39

Ket ito gimacdang dan, kellat met nga nipanaw niya Ispiritu niya Apu nge̍ Pe̍lipe̍ yin, ket madi nasingen nito upisyalin. Ket to upisyal, nituluy na to panagawir na nga siraragsac kin.

Galasiya 4:26

Ngem dactida, bekken tida nga agten kadiyan nga patagabu. Ta ya maiyarig nga ina tida, bekken nga ya ili nga He̍rusale̍m idi nga lubung, no di lugud ya ili nga He̍rusale̍m ka ngudu nga makasakup kadiya an-anac na nga nawayawayaan.

Paltiing 1:10

Ket itun, algew niya Apu win, ket naiturayan nac gapu iya pannakabalin niya Ispiritu ne̍ Apu Diyus. Ket uwed nagicnac itun iya likud ku nga isa nga timec nga nabileg, nga arig met nga uni tangguyub.

Paltiing 11:2

Ngem ya emwag niya te̍mplu, madi ka rukuden. Bay-am ngarud ya emwag na a, ta naipaay kadiya bekken nga Hudyu. Ket daldalapusen nad met diya bekken nga Hudyu ya He̍rusale̍m ka unus eppat nga pulu ket duwa nga bulan, nga itu mettas ya siyudad nga ipatpateg ne̍ Apu Diyus.

Paltiing 17:3

Ket pinaipen nac ngarudin to anghe̍l iya away gapu iya pannakabalin niya Ispiritu ne̍ Apu Diyus. Ket nasingec met antuni ya isa nga babey nga nakasakey ka isa nga animal nga nadgang. Ket ya beggi nito nadgang nga animal, nasanap ka naisurat nga agkakadake̍c nga nagnagan nga makainsultu e̍ Apu Diyus. Uwed met pitu nga ulu nito animal, se̍ uwed pe̍ sangapulu nga sacgud na.

Paltiing 21:2

Ket nasingec itun ya He̍rusale̍m nga siyudad nga ipatpateg ne̍ Apu Diyus, nga itu ya kabarbaru nga He̍rusale̍m. Ket agpaspasegged mettin yan nga siyudad manipud ka langit, nga gayat e̍ Apu Diyus. Ket naisagana nga napaw-isin to siyudad, nga arig met nga isa nga nubya nga nakakawwes ka napaw-is tasun maisabet iya nubyu na iya pakalun da.

Paltiing 3:12

“Ket diya maibilang nga mangabac, isaad ku nad nga maiyarig iya isa kadiya adigi niya te̍mplu niya Diyus ku. Ket diya agten iyan, madi da nad rumwarin, ket isurat ku nad igida ya nagan niya Diyus ku, se̍ ya nagan niya siyudad niya Diyus ku, nga itu ya kabarbaru nga He̍rusale̍m nga dumsag nad nga gayat ka langit, ta aggayat iya Diyus ku. Ket isurat ku nad pe̍ igida ya kabarbaru nga nagan ku.

Paltiing 4:2

Ket sigida nga naidalan nac gapu iya Ispiritu ne̍ Apu Diyus. Ket ya nasingec, ket isa nga trunu nga naisaad ka langit, ket uwed nakatugew iyanin.