Paltiing 20:4 - Ya Baru nga Tulag

⁴ Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.

Paltiing 20:4 Iomraidhean Croise

Matyu 19:28

Ket kinunen ne̍ Je̍sus igida, “Pudnu met yani nga ibagac dakayu: Dakayu nga sumurut iyaken ita, ket maipatugew kayu nad met nga situturay ka sangapulu ket duwa nga trunu. Agten iyan nad ngarud iya kabarbaru nga timpu, no agtugew win nga situturay ya Anac nga Naipatoley iya trunu na nga pakaidayawan na. Ket dakayu nad ya mangdisidir maipanggep kadiya kapututan dito sangapulu ket duwa nga anac nito Israe̍l.

Matyu 24:10

Ket iyan nga timpu, adu nad diya mangipalikud iya panamati da, ket aglilinniput se̍ aggiginnura da nad pe̍.

Markus 6:16

Ngem ito nagicna ne̍ Ari He̍rude̍s diyan, ket kinunen na, “Igina met to Juan nga Mammautisar, nga pinaputulac itun ya ulu na, ket nagungar mettin!” kunen na.

Markus 6:27

Itu nga sigida nga nangibon to ari ka isa nga suldadu nga para patey, nga nibilin ngarud nito ari igina nga mawe̍ na alac to ulu ne̍ Juan. Ket nawe̍ ngarud to suldadu nga nangputul iya ulu nito Juan ito nakaibaludan na.

Markus 9:11

Ket se̍ da ngarud nagsaludsud igina nga kinunen da, “Ape̍ nga kunen diya manursuru iya Linteg nga to E̍lyas, masapul kanu nga umbe̍t nga mon-ona ngem iya Kristu?” kunen da.

Lukas 1:17

“Ket mon-ona nad nga maibon ya anac nu ngem iya Apu, ket maidalan nad iya pannakabalin niya Ispiritu ne̍ Apu Diyus, nga agten ito pannakabalin nga uwed ito mammadtu nga E̍lyas itun. Pagtutunusen nad niya anac nu diya am-ama se̍ diya an-anac. Palinteggen na nad diya nasukir ya panpanunut da, ka panunut nga nalinteg. Ket iya agten iyan, paisagana nad niya anac nu diya toltoley, tasun uwed da nga nakasagana iya umbe̍tan niya Apu,” kunen nito anghe̍l.

Lukas 14:14

Ket no agten iyan, nagasat ka ngarud, ta diya agten kadiyan nga toley, madi daka masupapakan. Masupapakan ka met nad no panagungar diya napalinteg nga toley,” kunen na.

Lukas 22:30

Itu nga mabalin nu ya makisangu nad iyaken nga mangan iya pagturayac. Ket pagtugawen nakayu nad pe̍ nga mangipangulu kadiya kapututan dito sangapulu ket duwa nga anac nito Israe̍l.”

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Ruma 11:15

Ta emmu tida nga gapu ta binaybay-an ne̍ Apu Diyus diya Hudyu win, uwed gundaway diya duduma nga toltoley iya lubung nga maitunus e̍ Apu Diyusin. Dikad pe̍ no mamati kuma diya Hudyu ita, nabarbaru ngarud pekkem ya pagbanagan niya pannakaannamung da ita, gapu ta itu met ya gundaway da nga agbiyag manin orey natey dan.

Ruma 8:17

Ket gapu ta anac nactidan, agtawid tida nad met pe̍ yin. Ngarud, agtawid tida nad e̍ Apu Diyus, nga makipagtawid tida e̍ Kristu. Ket agten iyan ngarud, ta no tutu nga makipagrigat tida e̍ Kristu, mairaman tida nad met pe̍ iya pannakapadayaw na.

2 Timutyu 2:12

Ket no anusan tida ya panagrigat tida para igina, makipagturay tida nad met igina. Ket no kunen tida nga madi tida em-emmu, kunen na nad met pe̍ nga di nactida em-emmu.

Paltiing 1:2

Ket ipakaemmuc met idi nga surat ya kinapudnu maipanggep kadito amin nga naipasingen iyaken, ta isurat ku idi nin to damag nga gayat e̍ Apu Diyus, nga itu pe̍ ya nipakaemmu ne̍ Je̍su Kristu.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 11:11

Ngem nasingec kun nga kalpasan niya tellu ket kagudduwa nga algew, nae̍cdan dito duwa ka anges nga gayat e̍ Apu Diyus. Nabiyag da manin, ket bimangun da mettin nga nagsikad. Napalaus ngarud ya ansing dito nakasingen igida.

Paltiing 11:15

Ket itun, pinauni nito maikapitu nga anghe̍l to tangguyub nan. Ket enna langit, uwed met nagicna ngin nga nabileg nga timtimec, nga kinunen da, “Ya lubung nga isa nga pagturayan, ket naitipun mettin iya pagturayan niya Apu tida, nga itu pe̍ ya pagturayan niya Kristu nga nibon na. Ket iya agten iyan, ya Apu tida met ya agturayin ka agnanayun nga awan patingga na!” kunen da.

Paltiing 11:3

Ket ibon ku nad diya duwa nga mangipakaemmu iya pudnu. Nakakawwes nad didi nga eb-ebbonec ka nakersang nga luput. Ket tulungac da tasun makaipadamag da iya kagi ne̍ Apu Diyus ka unus isa nga ribu ket duwa nga gasut ket ennem nga pulu nga algew,” kunen nan.

Paltiing 11:7

Ket kalpasan nad niya panangipadamag dito duwa nga mangipakaemmu iya pudnu, uwed met nakan-ansing nga sinan-animal nga rumwarin ito nakaun-uneg nga ebbut iya ginet, tasun mawe̍ makidangadang igida. Ket abaken na da nad met nga patayen.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 14:11

Ket iya agten iyan, matuctuuc ka agnanayun diya agdaydayaw ito nakan-ansing nga animal se̍ ito bultu na, se̍ diya orey nagan na nga mamarkaan pe̍ ka nagan na. Ket agpangudu ka agnanayun nga awan patingga na ya asuc niya apuy nga mangtuuc igida, ket awan pagkarinawaan da iya orey algew winno gabi,” kunen na.

Paltiing 15:2

Ket uwed nasingec nga arig nga baybay nga sarming ya sap-ew na, ket uwed pe̍ apuy na. Ket nasingec pe̍ dito nagballaigi nga nangabac ito nakan-ansing nga animal se̍ ito bultu na, se̍ ito nume̍ru nga kaibatugan niya nagan na. Ket dito nagballaigi, agsisikad dan iya pingit nito baybay nga sarming, ket nakaikem da met ka pagtukar nga arpa, nga ne̍cde̍ ne̍ Apu Diyus igida.

Paltiing 17:8

Ket to animal nga nasingem, itu to nagturturay itun, ngem awan mettin ita. Agparang nad mettas manin, ta rumwar nad met ito nakaun-uneg nga ebbut iya ginet. Ngem agbanag lugud das nad ka pakatayan na. Ket nad no aggundaway manin to animal iya lubung, masdaaw ngarud diya bekken nga naisurat ya nagan da iya libru nga nakaisuratan dito nagnagan diya mae̍cdan ka agnanayun nga biyag, manipud ito di pekkem nga naparsuwa ya lubung. Masdaaw da nad ngarud no masingen da to nadgang nga animal nga agparang manin, ta igina met to nagturturay itun, ngem napukaw met itan, ket agparang nad met manin.

Paltiing 2:26

“Ket diya amin nga maibilang nga mangabac, nga mangituluy iya panangtungpal da iya tarigagay ku agingga iya panagpatingga niya biyag da, igida nad diya pange̍cde̍yac ka turay tasun iturayan da diya pagpagiliyan.

Paltiing 20:6

Nagasat se̍ nadayaw ngarud iya imatang ne̍ Apu Diyus diya mairaman idi nga mona nga panagungar. Ta awan pannakabalin niya maikadduwa nga pannakatey igida, no di lugud agbalin da met nga agsirsirbi e̍ Apu Diyus se̍ e̍ Kristu, ket makipagturay da igina ka sangaribu nga dagun.

Paltiing 22:5

Awan ngarud gabi antuni nin, itu nga madi da nad masapul ya darang niya dilag winno ya sinagin. Ta e̍ Apu Diyus mettas ya mangwada nad igidan. Ket agbiyag da nad nga arig nga ari yin nga agturay ka agnanayun nga awan patingga na.

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.

Paltiing 4:4

Ket iya le̍cbut nito trunu manin, uwed pe̍ duwa nga pulu ket eppat nga sabali nga trunu. Ket uwed duwa nga pulu ket eppat nga panglakayen nga nakatugew kadito trunu. Nakakawwes da ka puraw, ket diya ulu da, nakabalangat ka balituc.

Paltiing 6:9

Ket itun, nipac nito Urbun Karne̍ru to maikalima nga naikapet ito nalukut nga pagbasaan, ket uwed met nasingec iya sidung niya pagdatunan antuni, nga itu diya kararuwa diya napatey gapu iya panangipateg da iya kagi ne̍ Apu Diyus, se̍ gapu iya panangipakaemmu da iya pudnu nga patpatiyen da.

Paltiing 7:3

Ket kinunen na ngarud kadito eppat nga anghe̍le̍s, “Madi kayu pekkem pirdiyen ya ginet, winno ya baybay, winno diya kaykayu, agingga ka di kami mamarkaan diya muging diya agsirsirbi iya Diyus tida,” kunen na.