Paltiing 2:9 - Ya Baru nga Tulag

⁹ Emmuc diya pakaparigatam se̍ ya kinapanglaw mu. Ngem ya kinapudnu na, ket nabacnang ka met! Ket emmuc pe̍ diya pakapadpadake̍kam kadito agkunkunen nga Hudyu da kanu, ngem ya kinapudnu na, bekken da nga pudnu nga Hudyu, no di lugud kamkameng da met iya bungguy ne̍ Satanas.

Paltiing 2:9 Iomraidhean Croise

Matyu 4:10

Ket kinunen met ne̍ Je̍sus igina itun, “Agtalew ka idi nin, Satanas! Ta uwed met naisurat iya Bibliya nga kunen na, ‘Agdayaw ka ngarud iya Apu nga Diyus mu, ket ig-igina ngas ya pagsirbiyam,’” kunen na.

Lukas 12:21

Ket kinunen manin ne̍ Je̍sus, “Agten ngarud iyan ya pagbanagan niya toley nga agpundu ngas ka kinabacnang na idi nga lubung, ngem awan maibilang nga kinabacnang na iya imatang ne̍ Apu Diyus,” kunen na.

Lukas 22:65

Ket adu pekkem diya kinagkagi da nga pananguy-uyaw da e̍ Je̍sus.

Lukas 4:18

“Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

Lukas 6:20

Ket itun, siningen ne̍ Je̍sus diya pasurut na, ket kinunen na igida, “Dakayu nga makasapul, nagasat kayu, ta uwed dakayu ya panangituray ne̍ Apu Diyus.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Aramid 14:22

tasun pabakedden da ya panamati diya pasurut niya Apu antuni. Binagbagaan da da nga ituluy da kuma ya isusurut da iya pammati iya Apu, nga kinunen da, “Dactida nga mamati iya Apu, masapul met nga maparparigat tida nga unay. Ket iya agten iyan, makipaglak-am tida nad iya panangituray ne̍ Apu Diyus dactida,” kunen da igida.

Aramid 26:11

Pe̍yeng ngac nga linumnec itun nga nawe̍ nangdusa igida kadiya amin nga paggigimungan mi nga Hudyu, tasun ipapilit ku igida nga agkagi da ka dake̍c maikuntra iya pammati da. Napalausan nga unay to kinauyung ku igida, ta nawe̍ yac met pe̍ kadiya il-ili diya bekken nga Hudyu, tasun mangirurumen nac kadiya Hudyu antuni nga pasurut ne̍ Je̍sus.

Ruma 12:12

Anggem kuma ngas ya uwed iya lemlemmet nu gapu iya namnama nu e̍ Apu Diyus. Anusan nu ngas diya rigrigat nu, ket pe̍yeng kayu nga agkarkararag.

Ruma 2:17

Ket ikew nga Hudyu nga mangipateg iya kinaHudyum, ya Linteg ne̍ Muyse̍s met ya namnamaem, se̍ ipasindayaw mu met pe̍ ya pannakaibilang mu nga toley ne̍ Apu Diyus.

Ruma 5:3

Ket bekken nas nga iyan, ta agragsac tida met pe̍ maipanggep kadiya rigrigat tida, ta emmu tida nga maadal tida ya panaganus gapu kadiya rigrigat tida.

Ruma 8:35

Awan ngarud met pe̍ makaisina dactidan iya panagayat ne̍ Kristu. Ngarud, orey no agrigrigat tida se̍ orey mariribukan ya panpanunut tida, winno mairurumen tida, se̍ orey agkurang tida ka kanen se̍ luput, winno napeggad ya panagbiyag tida, se̍ orey no mapatey tida pe̍, ket awan latta makaisina dactida iya ayat ne̍ Kristu.

Ruma 9:6

Ngem madic met kayat nga kagiyen nga nale̍panan ne̍ Apu Diyus to kagi na kadiya am-ama tida. Ta ya kinapudnu na, bekken nga amin diya kapututan nito ama tida nga Israe̍l ya ibilang ne̍ Apu Diyus nga tutu nga Israe̍lita nga toley na.

2 Kurintu 6:10

Ket ibilang dakami nga lumdaang, ngem naragsac kami met latta nga pe̍yeng. Ibilang dakami nga napanglaw, ngem gapu dakami, adu met diya nagbalin nga arig nga nabacnangin iya pammati da. Ket ibilang dakami nga awan bukud mi nga kukuwa idi nga lubung, ngem naipaay met dakami ya amin nga banbanag.

2 Kurintu 8:2

Ta orey nakaru ya rigat da nga pakasuutan niya panamati da itun, napalalu latta ya anggem da. Ket orey nakaru nga unay ya kinapanglaw da, sibubuslun latta ya panange̍cde̍ da ka ikaasi da kadiya kapada da.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

1 Te̍salunika 3:4

Ta ito uwed kami pekkem iya edyan nu, nipacpakona mi nga nipalawag dakayu nga maparigatan tida nad met. Ket emmu nu ngarud nga tutu mettin, ta nadatnganin dakayu to agten ito kunen mi itun.

1 Timutyu 1:13

Ito nona, nagkagkagi yac ka maikuntra igina. Ket igina met ya nakaipaayan nito panangirurumen se̍ pananguy-uyaw ku. No pe̍ agten iyan, kinaasiyan nac pekkem nge̍ Apu Diyus, ta madi yac naawatan dito winangwangel ku itun, gapu ta madi yac pekkem mamati itun.

1 Timutyu 6:18

Itu nga ibagam igida nga wanglen da kuma nga pe̍yeng ya nabaru para kadiya makasapul, nga ibilang da kuma nga kinabacnang dan ya panangtulung da ka toley. Ngarud, managkaasi da kuma nga bekken nga nakirmet.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 2:2

Emmuc diya wangwangel mu, se̍ ya panagbannug se̍ panaganus mu. Emmuc pe̍ nga madi ka ipamoya diya toltoley nga dake̍c ya ugali da. Ket dito busid nga apustule̍s nga nagkunen nga apustule̍s da kanu, ket inemmum da, ket naemmuwam nga busid da met.

Paltiing 2:24

“Ngem diya duduma dakayu nga iTiyatira, emmuc nga madi kayu sumursurut iyan nga ugali nga dake̍c, se̍ madi kayu pe̍ pinadas to nauneg kanu nga panursuru maipanggep e̍ Satanas. Kunec dakayu nga awan met masapul ku nga ibilin dakayu maipanggep kadiyanin.

Paltiing 3:9

“Denggem yani nga wanglec para ikew: No maipanggep kadito kamkameng niya bungguy ne̍ Satanas nga agbusid nga agkunen nga Hudyu da kanu orey no bekken, ket ipasanguc da ikew, se̍ pagdayawec da ikew, ket isuruc nad igidan ya panangipateg ku ikew.

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.