Paltiing 2:3 - Ya Baru nga Tulag

³ Ket emmuc met pe̍ nga naanus ka, ta itured mu ya agrigat gapu iya panagsirsirbim iyaken, ket di ka pe̍ nakumsa.

Paltiing 2:3 Iomraidhean Croise

Markus 15:21

Ket uwed met nasabet da iya dalan, nga isa nga iSire̍ne̍ nga agnagan ka Simon, nga igina ya ama de̍ Ale̍handru nge̍ Rupu. Sumungsungad yani nga toley iya siyudadin, nga naggayat iya away. Ket nipaagtu ngarud dito suldadu nga nipapilit ito Simon to krus ne̍ Je̍sus.

Lukas 14:27

Se̍ madi pe̍ makapagbalin nga pasurut ku ya orey nagan na nga madi mangitured iya arig nga panangagtu na iya krus na nga pakailansaan na mettas, tasun sumurut iyaken.

Lukas 18:1

Ket nagpangngarig manin nge̍ Je̍sus kadito adalan na, ta suruwan na da nga agkararag da kuma nga pe̍yeng, nga madi da kuma nga makumsa.

Lukas 21:19

Ket gapu iya panangitured nu kadiyan nga rigrigat, maisalakan nu nad ya biyag nu.”

Lukas 5:5

Ket kinunen ne̍ Simon, “Mistru, nagwacwakas kami met nga nagkalap, ngem awan pulus naalac mi. Ngem orey agten iyan, no iwayat mi nga kunem, tungpalec ngarud ya kagim,” kunen na.

Lukas 8:15

Ket dito bukel nga nagdessag iya napaw-is nga ginet, itu diya maiyarig kadiya toley nga makagicna pe̍ iya kagi ne̍ Apu Diyus, ket napudnu se̍ nadalus met ya nakem da no magicna da, ket agtalec da ngarud. Naanus da, ket agbanag ka nabaru ya panamati da,” kunen na.

Juan 15:21

Ngarud, gapu ta toley nakayu, arimanen da nad ngarud diyan nga pakarigatan nu, ta madi da met em-emmu ya nangibon iyaken.

Ruma 12:12

Anggem kuma ngas ya uwed iya lemlemmet nu gapu iya namnama nu e̍ Apu Diyus. Anusan nu ngas diya rigrigat nu, ket pe̍yeng kayu nga agkarkararag.

Ruma 16:12

Ket de̍ Tripe̍na nge̍ Tripusa, nga agpaay ya wangel da iya Apu, pakumustaac da pe̍, agten met ya patgec nga Pe̍rsida nga adu pe̍ ya nawangel na nga maipaay iya Apu.

Ruma 2:7

Agten idi ya pananggun-guna na kadiya toley: Uwed da toley nga siaanus nga agwangwangel ka nabaru, gapu ta ipateg da ya panangpadayaw se̍ panangparaem ne̍ Apu Diyus igida, se̍ ya awan patingga na nga biyag nga ipaay na. Ket didi nga toley met diya pangipaayan nad ne̍ Apu Diyus iya biyag nga agnanayun.

Ruma 8:25

Ngem no madi pekkem madatngan ya namnamaen tida, padaanan tida nga siaanus.

1 Kurintu 13:7

Nalaka nga mangpasinsiya pe̍ ya toley nga uwed igina ya napudnu nga panagayat. Sitatalec nga pe̍yeng kadiya pada na nga toley, ket sinanama nga pe̍yeng, se̍ narigat pe̍ nga makumsa iya orey nagan na.

1 Kurintu 16:16

Ket ibagac nga sipapasnec dakayu nga paiturayan kayu kuma igida. Ket bekken nas nga igida, no di pe̍ paiturayan kayu kuma pe̍ kadiya duduma nga pada da nga tumulung se̍ makipagbannug igida nga agpaay iya Apu.

2 Kurintu 10:15

Madi kami gabay nga ibilang nga dayaw mi ya pagbanagan niya panagsirbi diya duduma nga toley, no uwed nabaru nga pagbanagan niya panagsirbi da. Ngem ya gabay mi nga gennung, itu ya bumilbileg kuma pekkem ya panamati nu, tasun umad-adu kuma pekkem ya pagbalinan niya bannug mi dakayu.

2 Kurintu 11:23

Emmuc nga arig nga kagi niya isa nga agam-amangew yani nga kagkagiyec, ngem itultuluy ku lattan: No kunen diyan nga toley nga agsirsirbi da kanu e̍ Kristu, ket napatpateg pekkem ya panagsirsirbic. Ta ad-adu nga unay ya nawangel ku maipanggep e̍ Kristu ngem igida, se̍ name̍n-adu wac nga unay nga naibalbalud ngem igida gapu iya pammatic. Ket nabacbaut tac ka name̍n-adu nga unay, se̍ name̍n-adu pe̍ nga pinagarup ku nga matey yac kun.

2 Kurintu 4:1

Ket gapu iya panangaasi ne̍ Apu Diyus dakami, nitalec na dakami yani nga panagsirbi mi nga mangipakaemmu maipanggep e̍ Kristu. Itu nga madi kami makumsa iya panagsirbi mi,

2 Kurintu 4:16

Itu yan ya gapu na nga madi kami makumsa iya panagsirbi mi. Ket ya kinapudnu na, orey no kumapkapsut diya beggi mi, inalgew met nga mapabileg diya panpanunut mi.

2 Kurintu 5:9

Ngem orey no uwed kami pekkem idi nga beggi, winno uwed kami iya edyan niya Apu win, ket panggep mi met latta ya mangay-ayu igina.

2 Kurintu 6:5

Ket masingen pe̍ nga pudnu kami nga agsirsirbi e̍ Apu Diyus gapu iya panangitured mi ka bacbaut, pannakaibalbalud, se̍ pannakaor-orot mi. Itured mi pe̍ ya agbannug, se̍ ya agsulap se̍ agbisin, gapu iya panagsirsirbi mi e̍ Apu Diyus.

Galasiya 6:2

Ngarud, agsisinnakit kayu kuma iya kasasaad diya kapada nu, ta iya agten iyan, matungpal nu ya paglinteggan ne̍ Kristu.

Galasiya 6:9

Itu nga madi tida kuma nga makumsa iya panagwangel ka nabaru. Ta no madi tida kumapuy kadidi, uwed ngarud arig nga maapit tida nga nabaru, no madatngan nad ya kustu nga timpu na.

Pilipus 2:16

Ta dakayu met diya mangipateg iya panursuru nga pakabiyagan toley. Ket no tutu nga agten iyan ya wangwanglen nu, uwed ngarud pakaragsakac nad iya Timpu ne̍ Kristu, gapu ta bekken nga masayang nad diya panagitured ku se̍ diya banbannug ku gapu dakayu ita.

Pilipus 4:3

Ket ikew nga pudnu nga kawanglac iyan, gabay ku ngarud no ikew kuma ya mangsingen kadiyan nga duwa nga babey, ta kabulun ku da itun iya panangipacpakaemmuc iya Makaparagsac nga Damag. Ngarud, kabulun ku da, agraman e̍ Kle̍me̍nte̍ se̍ dito duduma nga kinawanglac iya panagsirsirbic. Ket naisurat ngarud diya nagan diyanin iya libru nga pakaisuratan diya nagnagan diya mae̍cdan ka biyag nga agnanayun.

Kulusas 1:11

Ket ikarkararag mi pe̍ nga gapu iya nakaskasdaaw nga pannakabalin na, pabpabilgen kuma ne̍ Apu Diyus ya panamati nu igina, gapu iya amin nga bileg nga ipaay na dakayu. Agten iyan kuma tasun makaanus se̍ makaibtur kayu was iya orey nagan na nga mapasamac dakayu.

1 Te̍salunika 1:3

Ta iya imatang ne̍ Apu Diyus nga Diyus se̍ Ama tida, pe̍yeng nga laglagipen mi diya nabaru nga wangwanglen nu gapu iya panamati nu, se̍ ya kinagaget nu gapu iya panagayat nu se̍ ya kinabaked niya namnama nu iya Apu tida nga Je̍su Kristu.

1 Te̍salunika 2:9

Tutu met kakabsat, ta malagip nu ngarud to panagwangel se̍ panagrigat mi itun. Ta algew-gabi nga nagwangel kami itun, tasun awan kuma pakarigatan nu gapu ka kasapulan mi ito uwed kami iyan nga mangikaskasaba dakayu iya Makaparagsac nga Damag nga gayat e̍ Apu Diyus.

1 Te̍salunika 5:12

Uwed pekkem ibaga mi kuma dakayu, kakabsat. Raemmen nu kuma diya agbannug para dakayu, nga igida met diya pinili niya Apu nga mangipangulu dakayu se̍ diya mangibagbaga dakayu maipanggep iya panamati tida.

2 Te̍salunika 3:13

Ngem dakayu nga bekken nga agten iyan, kakabsat, madi kayu kuma ngarud nga mauma nga agwangel ka nabaru.

2 Te̍salunika 3:5

Sapay kuma ta ya Apu, itarus na diya nakem nu iya panagayat ne̍ Apu Diyus se̍ iya panaganus nga ipaay mettas ne̍ Kristu dakayu.

2 Te̍salunika 3:8

Se̍ awan met inawat mi nga kasapulan mi nga di kami binayadan itun, no di lugud pe̍yeng kami nga nagwangel se̍ nagbannug orey algew se̍ gabi, tasun madi kami agbalin nga pakarigatan niya orey isa dakayu.

1 Timutyu 4:10

Ta e̍ Apu Diyus nga sibibiyag, igina ngarud ya pagnamnamaan tida, ket itu nga ikarigatan tida kuma ya agpasnec gapu igina. Ket igina met ya mangisalakan ka amin nga toley, nangnangruna dactida nga mamati.

1 Timutyu 5:17

Ket maipanggep kadiya panglakayen manin, tumutup no madubli kuma ya liwliwa da no nalaing ya panangipangulu da, nangruna diya napasnec nga mangasaba se̍ mangisursuru dakayu.

He̍briyu 10:36

Masapul nu ngarud ya agten iyan nga panaganus, tasun nad no naariman nun ya tartarigagayan ne̍ Apu Diyus, ket maalac nu ngarudin to nikari na.

He̍briyu 12:1

Ket no dactida ita, arig nga nale̍cbut tidan kadito adu nga toley, ta uwed pekkem dactida ita diya pammanecnec da maipanggep ito panamati da. Itu nga ipac tida kuma ngarudin diya amin nga manggapus dactida iya panamati tida, se̍ ya pakabasulan tida nga mangsipar iya panamati tida. Ket se̍ an-anusan tida ngarud nga itultuluy ya panagtungpal tida iya rebbeng niya panamati tida, nga maiyarig iya panagtarus niya isa nga makilumba nga sisingen nan ya pagpatinggaan niya pannakilumba na.

He̍briyu 13:13

Dikad pe̍ dactida, panawan tida kuma ngarud pe̍ yin diya kaaduwan, ta umadenni tida ngarud e̍ Je̍susin. Arig kuma ngarud nga makibulun tida igina iya nagsagabaan na nga laskig niya kampu, ta anusan tida kuma pe̍ yin ya mauy-uyaw gapu igina.

He̍briyu 6:10

Ta emmu tida nga gapu ta kustu ya pananglinteg ne̍ Apu Diyus, silalagip ngarud kadiya nabaru nga winangel nu. Ket se̍ silalagip pe̍ iya panagayat nu igina, nga ipasingen nu gapu iya panangtulung nu kadiya pada tida nga mamati, nga itu ya winangwangel nu itun, se̍ orey ita pe̍.

He̍briyu 6:12

Ta madi kayu kuma agsadsadut, no di lugud tuladen nu diya nagtawidin kadiya nikari ne̍ Apu Diyus. Nagtawid da ngarud gapu iya panamati se̍ panaganus da.

He̍briyu 6:15

Ket iya agten iyan, nagun-ud ngarud nito Abraham itun to nikari ne̍ Apu Diyus igina, gapu ta sinanama nga nagan-anus.

2 Pe̍dru 1:6

Ket iya pannakaemmu nu, iraman nu kuma pe̍ ya panagtimbeng iya beggi nu. Ket iya panagtimbeng nu, iraman nu kuma ya panaganus. Se̍ iya panaganus nu, iraman nu kuma ya panagtungpal kadiya makaay-ayu e̍ Apu Diyus.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 3:10

Ket no maipanggep ikew, gapu ta nipangag mu to nibagbagac ikew nga aganus ka kuma, ket isalakan naka nad met iya timpu niya panagrigrigat nga umbe̍t nad iya amin nga lubung tasun masigir diya toltoley iya lubung.