Paltiing 2:21 - Ya Baru nga Tulag

²¹ Ket ne̍cdac met ka gundaway na nga agbabawi, ngem madi na met gabay nga babawiyen ya pannakikamkamalala na.

Paltiing 2:21 Iomraidhean Croise

Ruma 9:22

Ket agten met iyan ya panangariman ne̍ Apu Diyus dactida nga toley, ket mayat met yani nga pamaay na. Ta orey gabay na nga ipasingen kuma ya unget na itun, se̍ gabay na nga ipakaemmu kuma pe̍ ya pannakabalin na, ket siaanus met latta kadito toley nga kaunget na, nga itu dito toley nga naikari ngas iya panangukum na.

1 Pe̍dru 3:20

Itu dito kararuwa dito toley nga madi nagtungpal e̍ Apu Diyus ito timpu nito Nue̍. Nit-iton ne̍ Apu Diyus nga siaanus ya panagbabawi da itun, ito ar-arimanen pekkem nito Nue̍ to daung. Ket walwalu ngas met dito toley nga naglugan ito daung, nga itu to nakaisalakanan da gapu ito danum.

2 Pe̍dru 3:15

Ket ya panangipamoya niya Apu tida ita nga timpu, ibilang nu kuma nga gundaway diya toley nga maisalakan. Ket e̍ Pablu met pe̍ nga patpatgen tida nga kabsat, nisurat na pe̍ yan dakayu sigun iya pannakaawat nga ne̍cde̍ ne̍ Apu Diyus igina.

2 Pe̍dru 3:9

Itu ya madi maawatan diya duduma, ta uwed da mangipagarup nga naladaw ya Apu iya panangtungpal na ito nikari na. Ngem bekken met nga agten iyan, ta ya kinapudnu na, ipampamoya nakayu ngas nge̍ Apu Diyus. Ta di na gabay nga uwed mapukaw, no di lugud gabay na no agbabawi kuma diya amin nga toley.

Paltiing 16:11

se̍ nagkagkagiyan da met ka dake̍c nge̍ Apu Diyus nga uwed ka langit, gapu kadito naut-ut nga talingu da. Ngem madi da latta nagbabawi kadito dake̍c nga wangwangel da.

Paltiing 16:9

Nacset ngarud diya toltoley yin ka nakaru nga pudut. Ngem nagkagkagiyan latta diya toltoley nge̍ Apu Diyus ka dake̍c, orey igina met ya akin-turay kadiyan nga panagrigat da. Agten iyan ngarud, se̍ madi da latta binabawi to kinadake̍c da. Ket iya agten iyan, madi da nagdayaw e̍ Apu Diyus.