Paltiing 2:18 - Ya Baru nga Tulag

¹⁸ “Ket idi ya isurat mu iya anghe̍l nga agay-aywan iya bungguy mamati ka Tiyatira: “Itu yan ya kunen niya Anac ne̍ Apu Diyus, nga igina ya arig nga apuy nga gumilgilab diya mata na, ket diya saka na, arig nga napasileng nga burinsi:

Paltiing 2:18 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Lukas 1:35

Ket kinunen nito anghe̍l igina, “Umbe̍t met ikew ya Ispiritu Santu, ket uwed nad met ikew ya pannakabalin niya Kangatuwan. Itu nga ya iyanac mu nad nga awan basul na, ket maawagan ka Anac ne̍ Apu Diyus.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 3:16

Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

Juan 3:18

Ngarud, madi maukum diya mamati iya Anac. Ngem diya madi mamati igina, naukum da mettin, gapu ta madi da ngarud mamati iya turay niya kackaisu nga Anac ne̍ Apu Diyus.

Juan 5:25

“Tutu met nga uwed nad timpu nga diya toley nga naibilang nga natey iya imatang ne̍ Apu Diyus, ket magicna da ya bilin niya Anac ne̍ Apu Diyus igida. Ket diya mangipangag iya Anac, mae̍cdan da ngarud ka agnanayun nga biyag. Ket kinapudnu na, nadatngan ngarudin yan nga timpu.

Aramid 16:14

Ket iTiyatira to isa kadito babey nga naggigicna dakami. Lidya ya nagan na, nga isa nga aglaclaku ka nangina nga luput nga nadgang. Ket e̍ Lidya, emmu na ya agdaydayaw e̍ Apu Diyus, orey no bekken nga Hudyu. Ket ne̍cde̍ niya Apu igina ya pannakaawat na kadito kinagi ne̍ Pablu, tasun ipangag na.

Aramid 8:36

Ket ito agluglugan da pekkem, uwed danum nga mataliban da. Ket kinunen nito upisyal, “Kad ya danum! Di ngarud nabaru no agpabautisar rac kun?” kunen na.

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.

Ruma 8:32

Ngarud, e̍ Apu Diyus, madi na nipaidam ya mismu nga Anac na nga Je̍sus, no di lugud nipalubus na nga napatey nga agpaay dactida nga amin. Ket gapu ta nipaay na ya Anac na dactida itun, di nactida ngarud kanunungen iya panange̍cde̍ na nga siaasi iya Anac na ka amin nga banbanag?

Paltiing 1:11

Ket kinunen na iyaken, “Isurat mu didi nga masingem, ket ipatulud mu ya nalukut nga nakaisuratan da kadiya pitu nga bungguy diya mamati kadiya ili nga E̍pe̍su, E̍smirna, Pe̍rgamu, Tiyatira, Sardis, Pilade̍lpiya se̍ ka Lawdisiya,” kunen na.

Paltiing 2:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka E̍pe̍su: “Itu yan ya damag nga gayat iya mangik-ikem kadiya pitu nga bituwen iya diwanan nga ima na, se̍ agpaspasyar iya edyan diya pitu nga dilag nga balituc:

Paltiing 2:24

“Ngem diya duduma dakayu nga iTiyatira, emmuc nga madi kayu sumursurut iyan nga ugali nga dake̍c, se̍ madi kayu pe̍ pinadas to nauneg kanu nga panursuru maipanggep e̍ Satanas. Kunec dakayu nga awan met masapul ku nga ibilin dakayu maipanggep kadiyanin.