Paltiing 2:13 - Ya Baru nga Tulag

¹³ Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 2:13 Iomraidhean Croise

Matyu 10:23

Ket no irurumen dakayu diya toltoley niya isa nga ili, agtalew kayu was iyan, nga mawe̍ kayu iya sabali. Ta ya kinapudnu na, sacbay nga matungpal nu nad ya pakaibonan nu kadiya amin nga il-ili niya Israe̍l, ket agparang met ya Anac nga Naipatoley yin.

Matyu 24:9

“Ket iyan nad nga timpu, iyawat dakayu kadiya mangirurumen dakayu. Ket uwed nad pe̍ dakayu diya mapatpatey. Ket guraen dakayu ngarud nad diya toltoley kadiya amin nga pagiliyan, gapu mettas iyaken.

Matyu 4:10

Ket kinunen met ne̍ Je̍sus igina itun, “Agtalew ka idi nin, Satanas! Ta uwed met naisurat iya Bibliya nga kunen na, ‘Agdayaw ka ngarud iya Apu nga Diyus mu, ket ig-igina ngas ya pagsirbiyam,’” kunen na.

Lukas 21:17

Ngarud, gapu mettas iyaken, guraen dakayu nad diya amin nga toltoley.

Aramid 22:20

Se̍ orey ito panamatey da ito E̍ste̍ban nga isa nga nangipacpakaemmu iya pudnu maipanggep ikew itun, uwed dac pe̍ nga imannamung ito pannakatey na. Ta iyaken to nagsisikad antuni nga nangaywan kadito ke̍bal dito namatey igina,’ kunec iya Apu.

Aramid 9:14

Ket ita kanun, dakami idi nin nga umapu ikew, tiliwen nakami kanu pe̍, ta uwed kanu igina ya pammalubus dito pangpangulu diya agsirsirbi iya Te̍mplu,” kunen na.

1 Te̍salunika 5:21

Ngem awan pe̍ lugud panursuru toley nga di nu nga paliiwen nga nalaing. Ket diya kustu nga banbanag, ipateg nu.

1 Timutyu 5:8

Ket no uwed madi makibiyang iya kasapulan diya kabagiyan na, nangruna diya kakobung na, naglikudan nan ya ugali niya pammati tida. Ket dacdake̍c met yan nga ugali nan ngem iya ugali diya di pekkem mamati.

2 Timutyu 1:13

Patgem kuma ngarud to kustu nga sursuru nga nipakaemmuc ikew itun, ta itu kuma ya isurum. Ket no isursurum, ituluy mu ya panamati se̍ panagayat mu nga tumaud iya pannakaitipun mu e̍ Kristu Je̍sus.

2 Timutyu 2:12

Ket no anusan tida ya panagrigat tida para igina, makipagturay tida nad met igina. Ket no kunen tida nga madi tida em-emmu, kunen na nad met pe̍ nga di nactida em-emmu.

He̍briyu 10:23

Ipateg tida kuma ngarud pe̍ nga sipapasnec ya pammati tida maipanggep iya pagnamnamaan tidan. Ta emmu tida nga e̍ Apu Diyus, tungpalen na ngarud diya kari na.

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

Santiyagu 2:7

Diya babacnang met pe̍ diya agkagkagi ka dake̍c maipanggep iya nadayaw nga turay niya Apu tida, nga igina mettas ya nangitalkan nu.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 11:3

Ket ibon ku nad diya duwa nga mangipakaemmu iya pudnu. Nakakawwes nad didi nga eb-ebbonec ka nakersang nga luput. Ket tulungac da tasun makaipadamag da iya kagi ne̍ Apu Diyus ka unus isa nga ribu ket duwa nga gasut ket ennem nga pulu nga algew,” kunen nan.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 13:2

Arig nga liyupardu met ya beggi nito animal nga nasingec. Ket diya sacsaka na, arig nga saka niya usu. Ket ya musung na, arig nga musung niya liyun. Ket to nakan-ansing nga animal, itu ya nangitalkan nito dragun iya pannakabalin na, se̍ ya kinaari na, se̍ ya dackel nga kinaturay na.

Paltiing 14:12

Itu ya gapu na nga masapul nga aganus nga pe̍yeng diya toley ne̍ Apu Diyus, nga itu diya agtungtungpal kadiya bilbilin na se̍ ya pammati da e̍ Je̍sus.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 17:6

Ket nasingec nga ne̍nglew met to babey, ta ine̍nglew na ya beggi na ito daga dito napatey nga toltoley ne̍ Apu Diyus, nga itu dito napatey gapu iya panangipakaemmu da iya pudnu maipanggep e̍ Je̍sus. Ket napalaus ngarud ya seddaaw ku ito nasingec to babey.

Paltiing 2:2

Emmuc diya wangwangel mu, se̍ ya panagbannug se̍ panaganus mu. Emmuc pe̍ nga madi ka ipamoya diya toltoley nga dake̍c ya ugali da. Ket dito busid nga apustule̍s nga nagkunen nga apustule̍s da kanu, ket inemmum da, ket naemmuwam nga busid da met.

Paltiing 3:11

Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.

Paltiing 3:3

Itu nga laglagipem kuma ngarudin dito naad-adal mu, se̍ dito nagicgicnam. Tungpalem mun, ta agbabawi ka kuma ngarudin kadito basbasul mu. Ngem no madi ka agnakem, umbe̍t naka met dusaen nin, ket arig nga umbe̍t niya isa nga mannanakew ya umbe̍t ku ikew, ta madi ka maem-emmuwan no nungey.