Paltiing 2:10 - Ya Baru nga Tulag

¹⁰ Ket madi ka latta madanagan iya orey nagan na nga pakaparigatan nga dumateng ikew. Tutu met nga sigiren naka ya diyablu iya di mabayag, ta paibalud na diya duduma dakayu. Agpaut nad ka unus sangapulu nga algew ya pakaparigatam. Ngem puminget ka lugud iya panamatim, orey pe̍ no agingga ka patey, ket balangatan nakayu ka biyag nga agnanayun.

Paltiing 2:10 Iomraidhean Croise

Matyu 10:22

Ket no dakayu, kagura dakayu nad diya amin nga toltoley gapu mettas iya pannakitipun nu iyaken. Ngem maisalakan met diya mangitured kadiya agten kadiyan agingga nga di da pekkem malabes.

Matyu 10:28

Ket bekken kuma nga diya mabalin nga mangpatey ngas iya beggi ya kansing nu, ta madi da mabalin ya mangpukaw iya kararuwa. Ngem ya kansing nu kuma nga gennung, ket e̍ Apu Diyus. Ta igina, uwed lugud ya turay nga mangpatey iya beggi se̍ mangpukaw pe̍ iya kararuwa ka impiye̍rnu.

Matyu 24:13

Ngem maisalakan nad met ya makaitured kadiyan agingga iya panagpatingga da.

Markus 13:13

Ket dakayu, guraen dakayu nad pe̍ diya amin nga toltoley, gapu mettas iyaken. Ngem maisalakan nad met ya makaitured kadiyan agingga iya panagpatingga da.”

Markus 8:35

Ta ya toley nga mangipangpangruna kuma iya biyag na, mapukaw nad mettas igina ya kaipapennan niya biyag na. Ngem ya mangipalikud iya panangipateg na iya biyag na gapu iyaken se̍ gapu iya Makaparagsac nga Damag, maisalakan na nad ya kaipapennan niya biyag na.

Lukas 21:12

“Ngem sacbay nga mapasamac diyan, tacmen dakayu diya toltoley, ket irurumen dakayu nad pe̍. Ta iyawat dakayu nad kadiya pangpangulu diya gigimungan, se̍ paibalud dakayu nad pe̍. Ket gapu mettas iyaken, maisangu kayu nad kadiya ar-ari se̍ agtuturay.

Juan 12:25

Ket agten met pe̍ iyan ya toley yin, ta no ya biyag na idi nga lubung ya ipatpateg na, mapukaw nad mettas igina ya kaipapennan niya biyag na. Ngem no madi na ibilang nga napateg ya biyag na idi nga lubung, madi nga gennung nga mapukaw igina ya kaipapennan niya biyag na, ta agbiyag met ka agnanayun.

Juan 13:2

Ket itun, madama pekkem nge̍ Je̍sus se̍ dito adalan na nga mangmangan iya panggidam da. Ket to Hudas Iskariyute̍, nga Simon ya nagan niya ama na, nibaga mettin niya diyablu iya lemlemmet na nga iyawat na nge̍ Je̍sus.

Juan 13:27

Ket apaman nga naikam-ut ne̍ Hudas to tinapay, naglugan met igina nge̍ Satanas. Ket kinunen ne̍ Je̍sus e̍ Hudas, “Kan! Gawaam yan nga wangel mu!” kunen na.

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

Aramid 21:13

Ngem kinunen ne̍ Pablu, “Ape̍ nga berberritan dac? Pasakitan nu was ya nakem ku iya agten iyan. Nakasagana ngac kun nga agrigat iya pannakapunguc, se̍ orey no patayen dac ka He̍rusale̍m gapu iya panamatic iya kinaturay ne̍ Apu Je̍sus,” kunen na.

1 Kurintu 9:25

Ket no diya makikonte̍s, timbengngen ngarud nga nalaing niya tunggal isa igida ya beggi na, tasun magun-ud da kuma ya balangat nga maigun-guna. Ket ya agten iyan nga gun-guna da, madi met agpaut ka mabayag, no di ngas mapukaw. Ngem ya magun-ud tida nga gennung, itu ya gun-guna nga madi mapukaw.

E̍pe̍su 2:2

Agten kayu ngarud iyan itun nga timpu, ta diya dake̍c nga gangey diya toley nga madi mamati e̍ Apu Diyus idi nga lubung, ket itu met diya winangwangel nu itun. Ta nagtungtungpal kayu itun iya agturay nga uwed pannakabalin na iya abac lawa. Itu met ya pannakabalin nga mangiturturay ita kadiya agsucsukir e̍ Apu Diyus.

E̍pe̍su 6:12

Ta bekken met nga toley ya kakuntra tida, no di lugud diya dake̍c nga di mas-asingen nga gayat iya ngudu. Itu diya uwed pannakabalin se̍ turay da, se̍ diya agituray kadiya dake̍c nga toltoley nga uwed idi nga lubung ita nga timpu, nga arig nga nagicbet.

Santiyagu 1:12

Uwed pakaragsakan niya toley nga aganus iya pakaparparigatan na. Ta kalpasan niya panaganus na, agballaigi, ket mae̍cdan iya biyag nga agnanayun, nga arig nga maibalangat igina. Itu ya biyag nga nikari ne̍ Apu Diyus kadiya agayat igina.

1 Pe̍dru 5:4

Ket nad no agparangin ya Kangatuwan nga Agay-aywan, mae̍cdan kayu ka pangpadayaw dakayu nga arig nga balangat nga madi agkupas.

1 Pe̍dru 5:8

Agtanang kayu se̍ agsalsalukag kayu kuma pe̍. Ta ya kakuntra nu nga diyablu, arig nga di makatalna nga liyun nga ngumerngernger nga agsapsapul ka kanen na.

Paltiing 13:14

Ket to maikadduwa nga animal, napalubusan nga agipasingen ka nakaskasdaaw iya imatang nito nona nga animal. Ket gapu kadidi nga nawangel nito maikadduwa nga animal, naallilaw na diya toltoley nga naged-edyan iya lubung. Ta binilin na da nga mangariman da ka bultu nga kalanglanga nito nona nga nakan-ansing nga animal, nga itu to natalingu ka ispada itun, ngem nabiyag latta.

Paltiing 13:2

Arig nga liyupardu met ya beggi nito animal nga nasingec. Ket diya sacsaka na, arig nga saka niya usu. Ket ya musung na, arig nga musung niya liyun. Ket to nakan-ansing nga animal, itu ya nangitalkan nito dragun iya pannakabalin na, se̍ ya kinaari na, se̍ ya dackel nga kinaturay na.

Paltiing 13:7

Ket napalubusan met pe̍ to animal nga manggubat se̍ mangabac kadiya toley ne̍ Apu Diyus. Se̍ nae̍cdan pe̍ ka kalinteggan nga mangituray kadiya amin nga kapututan, pagiliyan, pagkakagi se̍ nasyun.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 2:9

Emmuc diya pakaparigatam se̍ ya kinapanglaw mu. Ngem ya kinapudnu na, ket nabacnang ka met! Ket emmuc pe̍ diya pakapadpadake̍kam kadito agkunkunen nga Hudyu da kanu, ngem ya kinapudnu na, bekken da nga pudnu nga Hudyu, no di lugud kamkameng da met iya bungguy ne̍ Satanas.