Paltiing 19:8 - Ya Baru nga Tulag

⁸ Ket nae̍cdan ka ikawwes na nga nadalus se̍ puraw nga luput nga line̍n,” kunen da. Ket ya luput nga line̍n, itu ya pakaiyarigan niya kinalinteg diya toley ne̍ Apu Diyus.

Paltiing 19:8 Iomraidhean Croise

Matyu 17:2

Ket antuni, nabaliwan met to langa ne̍ Je̍sus iya imatang da. Dimarang met ya rupa na nga arig nga sinag. Ket to luput na, nagbalin nga puraw nga unayin, nga arig nga darang niya sinag.

Matyu 22:12

Ket kinunen ngarud nito ari ito sangaili, ‘Gayyem, ape̍ inumbe̍t ka idi nga awan ikew to kustu nga kawwes nga para pakalun?’ kunen na. Ngem di neg-egkim to sangaili.

Markus 9:3

Ket nagbalin nga makapurarin to luput na, nga pudnu met to kinapuraw nan, nga awan met kabaellan niya toley idi nga lubung nga mangpapuraw ka agten itun.

Lukas 24:4

Ket nasikuran da ngarud no ape̍. Ket pagamwan da ngas nga uwed met duwa nga lalaki nga gasisikad iya abay dan, nga makapurar ya kawwes da.

Aramid 1:10

Ket ito lumalangad da pekkem nga sumipsiput ito pannakaipangudu ne̍ Je̍sus, pagamwan da ngas nga uwed met duwa nga lalaki nga agsisikad iya edyan da nga nakaluput ka puraw.

Ruma 13:14

Ngem ya wanglen nu kuma nga gennung, ipada nu ngas ya ugali nu iya ugali ne̍ Apu Je̍su Kristu. Ket madi kayu palubusanin ya panangtungpal nu kadiya dake̍c nga tarigagay niya kinatoley nu.

Ruma 3:22

Ket agten idi: Gapu iya panamati diya toltoley nga mamati e̍ Je̍su Kristu, ibilang ne̍ Apu Diyus da nga amin nga nalinteg iya imatang na. Agten iyan ngarud, ta iya imatang ne̍ Apu Diyus, awan pulus pagdudumaan diya toley.

Paltiing 15:4

Awan madi mansing iya kinaturay mu, Apu. Awan madi mangipakaemmu iya kinadayaw mu. Ta ik-ikew was ya nalinteg nga tutu. Sumuku nad met ikew diya amin nga nasnasyun, nga umbe̍t nad agdayaw diya toltoley ikew, ta naemmuwan ngarudin diya nalinteg nga wangwangel mu,” kunen da.

Paltiing 15:6

Ket rinumwar ito te̍mplu win dito pitu nga anghe̍le̍s nga uwed igida ya kabaellan nga mange̍cde̍ kadito pitu nga panagrigat. Nakakawwes da ka nadalus se̍ sumilsilap nga luput nga maawagan ka line̍n, ket uwed balituc nga banda nga naipute̍put iya barukung da.

Paltiing 19:14

Ket simurut igina diya buybuyut nga gayat ka langit, nga sikakawwes da ka nadalus nga luput nga puraw nga line̍n. Ket nakasakey da met pe̍ ka puraw nga kabayu.

Paltiing 3:18

Itu nga ipatigmaan ku ikew, nga iyaken kuma ya pagnginaam mun ka balituc nga nadalusan gapu iya pannakailasat na ka apuy, tasun bumacnang ka nga tutu. Se̍ ngumina ka kuma pe̍ iyaken ka puraw nga luput nga pagkawwes mu, tasun madi masingen ya nakal-alyew nga kinalamulamum. Ket ngumina ka kuma pe̍ iyaken ka agas mata nga iyagas mu iya matam, tasun makasingen ka.