Paltiing 19:7 - Ya Baru nga Tulag

⁷ Aganggem se̍ agragsac tida kuma, nga dayawen tida kuma ya kinapateg na. Ta nadatngan mettin ya panagpakalun niya Urbun Karne̍ru! Ket ya nubya na, nisagana nan ya beggi na.

Paltiing 19:7 Iomraidhean Croise

Matyu 1:20

Ngem ito uwed iya lemlemmet na pekkem yan, uwed met isa nga anghe̍l niya Apu nga nagpasingen igina iya pasmeg na. Ket kinunen met nito anghe̍l, “Huse̍ nga kapututan ne̍ Ari Dabid, madi ka umikeb nga umawat e̍ Marya nga asawa mun, ta gapu mettas iya Ispiritu Santu ya bucsit na.

Matyu 22:2

“Ya panangituray niya Nailangitan, maiyarig manin iya agten idi: Uwed isa nga ari nga nangisagana ka isa nga dackel nga paragsac, ta pakalunen na ya anac na nga lalaki.

Lukas 12:36

Ta arig kayu kuma nga diya tagabu nga nibati niya amu da nga nawe̍ nakipakalun. Ket sinanama da nga padpadaanan ngarud ya amu da, tasun no sumpuc nga agtogtogin, sigida nga ilukat da ya ruwanganin.

Juan 3:29

“Kaspagarigan ya nubyu, ket igina met ya mangasawa iya nubya. Ket ya gayyem niya nubyu, igina met ya agsiput se̍ agdengdengngeg nga siraragsac iya maariman iya pakalun, ket agang-anggem nga unay no magicna na ya kagi niya nubyu. Ket iyaken, agten nac pe̍ iyan, ta agang-anggem mac nga unayin.

2 Kurintu 11:2

Ta arig nga iyimun nakayu, gapu iya napasnec nga panangasikasuc dakayu, nga agten mettas iya panangasikasu ne̍ Apu Diyus dakayu. Ta iyaken, maiyarig gac iya mangiyasawa dakayu e̍ Kristu. Ket dakayu ya maiyarig iya isa nga nadalus nga nubya nga naitulag e̍ Kristu nga nubyu na, nga ig-igina ngas ya pakiasawaan na.

E̍pe̍su 5:23

Ta ya babey, ket pannakaulu na met ya asawa na nga lalaki. Ket agten mettas e̍ Kristu, ta igina ya pannakaulu niya bungguy mamati, ket igina met ya Mangisalakan iya bungguy mamati nga maiyarig iya beggi na.

E̍pe̍su 5:32

Uwed met nauneg nga maadal tida idi. Ket ya pannakaawat ku idi nga banag, ket kaiyarigan na met nge̍ Kristu se̍ ya bungguy mamati nga naitipun igina.

Pilipus 3:3

Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

Paltiing 11:13

Ket iyan mettas nga kanitu, nangyegyeg met ka nabileg gin. Ket napirdi mettin ya apagkapullu nito siyudad, ket uwed met pitu nga ribu nga toley nga natey gapu ito yegyeg. Ket diya nakalasat, napalaus ngarud ya ansing dan, itu nga nagdaydayaw dan e̍ Apu Diyus nga uwed ka langit.

Paltiing 19:9

Ket kinunen manin nito anghe̍l iyaken, “Isurat mu pe̍ yani: Nagasat ngarud diya maawis nga makipangan iya pakalun niya Urbun Karne̍ru,” kunen na. Se̍ kinunen manin nito anghe̍l iyaken, “Didi met diya napudnu nga kagi ne̍ Apu Diyus,” kunen na.

Paltiing 21:2

Ket nasingec itun ya He̍rusale̍m nga siyudad nga ipatpateg ne̍ Apu Diyus, nga itu ya kabarbaru nga He̍rusale̍m. Ket agpaspasegged mettin yan nga siyudad manipud ka langit, nga gayat e̍ Apu Diyus. Ket naisagana nga napaw-isin to siyudad, nga arig met nga isa nga nubya nga nakakawwes ka napaw-is tasun maisabet iya nubyu na iya pakalun da.

Paltiing 21:9

Ket uwed met imadenni iyaken itun nga isa kadito pitu nga anghe̍le̍s nga uwed igida dito pitu nga malukung nga napnu kadito pitu nga modi nga panagrigat itun. Ket to anghe̍l, kinunen na met iyaken, “Umbe̍t ka, ta ipasingec ikew ya Nubya nga asawaen niya Urbun Karne̍ru,” kunen na.