Paltiing 19:16 - Ya Baru nga Tulag

¹⁶ Ket ito ke̍bal na se̍ iya ugpu na, uwed naisurat nga nagan nga agten idi: “Ari diya amin nga ar-ari se̍ Apu diya amin nga ap-apu.”

Paltiing 19:16 Iomraidhean Croise

Matyu 25:40

“Ket kunen nad niya Ari igida, ‘Kinapudnu na, ito tinulungan nu ya orey isa kadiya agten kadiyan nga kanumuwan nga kakabsat ku, ket naibilang nga iyaken mettas ya tinulungan nu,’ kunen nad niya Ari.

1 Timutyu 6:15

Ket iparang ne̍ Apu Diyus nad no madatngan ya kustu nga timpu nan. Ket e̍ Apu Diyus, igina met ya madaydayaw nga kangatuwan nga agturay. Igina ya Ari diya amin nga ar-ari, se̍ ya Apu diya amin nga ap-apu.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 2:17

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka pagbiyag nga madi masingen, nga maawagan ka mana. Se̍ e̍cdac da nad pe̍ ka puraw nga batu nga nakaisuratan niya isa nga kabarbaru nga nagan, ket awan pulus nga makaemmu iyan nga naisurat nga nagan, no di yas ya umawat.’”