Paltiing 19:10 - Ya Baru nga Tulag

¹⁰ Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.

Paltiing 19:10 Iomraidhean Croise

Matyu 4:10

Ket kinunen met ne̍ Je̍sus igina itun, “Agtalew ka idi nin, Satanas! Ta uwed met naisurat iya Bibliya nga kunen na, ‘Agdayaw ka ngarud iya Apu nga Diyus mu, ket ig-igina ngas ya pagsirbiyam,’” kunen na.

Markus 5:22

Ket uwed met inumbe̍t nga isa nga pangulu niya gigimungan diya Hudyu, nga agnagan ka Hayru. Ito nasingen na nge̍ Je̍sus, nawe̍ met nagdarongkeb iya sangu na,

Markus 7:25

Ket iya agten iyan, uwed met isa nga babey antuni nga uwed anac na nga babey nga naluganan ka sairu. Ket iyan nga babey, ito nadamag na ya maipanggep e̍ Je̍sus, sigida ngarud nga nawe̍ iya edyan ne̍ Je̍sus. Ket nagparintumeng to babey iya sangu na nga nagpacpakaasi igina.

Lukas 1:19

Ket kinunen nito anghe̍l, “Iyaken nge̍ Gabriye̍l nga agsirsirbi iya imatang ne̍ Apu Diyus. Naibon nac met tasun makitbar rac ikew, nga ibagac ikew yani nga damag nga makaparagsac.

Lukas 24:44

Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Juan 5:39

“Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken.

Aramid 10:43

E̍ Je̍sus met to nipakaemmu dito amin nga mammadtu nga Hudyu itun, ta nipakaemmu da nga gapu iya kinaturay na, mapakawan diya basbasul diya amin nga mamati igina,” kunen ne̍ Pe̍dru kade̍ Kurne̍lyu.

Aramid 13:27

Ngem dito Hudyu nga iHe̍rusale̍m se̍ dito pangpangulu da, madi da nalasin nga e̍ Je̍sus to nibon ne̍ Apu Diyus. Se̍ di da pe̍ naawatan ya banag dito nisurat dito mammadtu itun, orey itu ya maibasbasa iya kada Algew Ngilin kadiya gigimungan da. Ket igida met diya nangtungpal iya banag mettas dito nibasbasa da, ito inukum da met nge̍ Je̍sus nga nipapatey da.

2 Kurintu 8:7

Ket emmu mi met nga nakalaclaing kayu kadiya amin maipanggep iya pammati nu, agten iya panamati nu, se̍ iya panagisuru se̍ panagadal nu, se̍ iya kinapasnec nu, ket orey pe̍ iya panagayat nu dakami. Itu nga masapul nga nakalaclaing kayu pe̍ yin iya panagkaasi nu nga tumulung kadiya pada nu nga mamati nga makasapul.

E̍pe̍su 5:15

Itu nga pe̍yeng nu kuma ngarud nga panunuten nga nalaing no nagan ya kustu nga mawangel nu. Ta bekken kayu nga agten kadito toley nga di pekkem makaawat, no di lugud nasirib kayu kuma ngin.

E̍pe̍su 5:33

Ngem maipanggep pe̍ dakayu nga lalaki ya pakainaigan nidi. Ta ipateg nu kuma ngarud diya asawa nu, nga agten iya panangipateg nu mettas iya beggi nu. Ket no dakayu nga babey, masapul nga raemmen nu met diya asawa nu.

Pilipus 3:3

Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

1 Te̍salunika 5:15

Laglagipen nu nga madi kayu balsen ka dake̍c diya agariman ka dake̍c dakayu. Ngem ya wanglen nu kuma nga gennung, ikarigatan nu lugud nga pe̍yeng ya agariman ka nabaru iya tunggal isa dakayu, se̍ orey kadiya amin nga toley.

He̍briyu 1:14

Ngem no diya anghe̍le̍s, emmu tida nga igida nga amin diya madi masingen nga eb-ebbonen ngas ne̍ Apu Diyus. Ket ibon ne̍ Apu Diyus da nga tumulung kadiya amin nga maipaayan ka pannakaisalakan.

He̍briyu 12:25

Ket itu nga annadan nu ngarudin, nga madi kayu agmadi iya panangbagbaga niya mangbagbaga dakayu itan, nga itu nge̍ Apu Diyus. Ta madi kayu kuma tuladen dito toley itun, nga madi da nalisiyan ya dusa da itun, ito nagmadi da iya nibilin niya nangbagbaga igida ito uwed da pekkem idi nga lubung. Ket no madi nakalisi ditun ito dusa da, di ngarud nangnangruna tida ita nga madusa, no agmadi tida iya ibilin niya mangbagbaga dactida ita manipud ka langit?

1 Juan 5:10

Dikad pe̍ ya toley nga mamati iya Anac ne̍ Apu Diyus, uwed mettas iya lemlemmet na ya pammanecnec maipanggep kadidi nin. Ngem ya madi mamati iya nipanecnec ne̍ Apu Diyus, arig nga kunen na nga agbusid nge̍ Apu Diyus, ta madi na patiyen ya nipanecnec ne̍ Apu Diyus maipanggep iya Anac na.

1 Juan 5:21

Dakayu nga patpatgec nga an-anac, madi kayu kuma ngarud makibiyang kadiya didiyusen.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 12:17

Ket nakaunget ngarudin to dragun ito babey. Itu nga nawe̍ na ginubat diya duduma pekkem nga an-anac nito babey, nga igida diya agtungtungpal kadiya bilbilin ne̍ Apu Diyus se̍ mangipatpateg iya pudnu nga nipakaemmu ne̍ Je̍sus.

Paltiing 14:7

Ket kinunen nito anghe̍l ka nabileg, “Ipangag nu ngarud nge̍ Apu Diyusin, se̍ dayawen nu pe̍ yin! Ta nadatngan mettin ya timpu niya panangukum na. Itu nga agdayaw kayu ngarud e̍ Apu Diyusin, nga igina mettas ya namarsuwa iya abac lawa, ginet, baybay se̍ diya ubbug,” kunen na.

Paltiing 15:4

Awan madi mansing iya kinaturay mu, Apu. Awan madi mangipakaemmu iya kinadayaw mu. Ta ik-ikew was ya nalinteg nga tutu. Sumuku nad met ikew diya amin nga nasnasyun, nga umbe̍t nad agdayaw diya toltoley ikew, ta naemmuwan ngarudin diya nalinteg nga wangwangel mu,” kunen da.

Paltiing 19:9

Ket kinunen manin nito anghe̍l iyaken, “Isurat mu pe̍ yani: Nagasat ngarud diya maawis nga makipangan iya pakalun niya Urbun Karne̍ru,” kunen na. Se̍ kinunen manin nito anghe̍l iyaken, “Didi met diya napudnu nga kagi ne̍ Apu Diyus,” kunen na.

Paltiing 4:10

Ket tunggal agkanta da, aglakeb met dito duwa nga pulu ket eppat nga panglakayen iya sangu nito trunu, nga agdayaw da iya nakatugew iyan, nga igina ya agbibiyag ka agnanayun nga awan patingga na. Ket ipay da diya balangat da iya sangu nito trunu, nga panangipasingen da iya panagdayaw da iya nakatugew iyan. Ket kunen da,