Paltiing 17:9 - Ya Baru nga Tulag

⁹ “Ya mayat nga makaawat maipanggep idi nga banag, masapul nga agpanunut nga nalaing. Ket agten idi ya kaipapennan na: Dito pitu nga ulu nito nadgang nga animal, maiyarig da met ka pitu nga tageytey, nga itu diya pagtugtugawan nito babey.

Paltiing 17:9 Iomraidhean Croise

Matyu 13:11

Ket kinunen na igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray niya Nailangitan. Ngem no igida, bekken nga maipalubus nga maipakaawat didi igida.

Matyu 24:15

“Itu nga masingen nu nad nga nakasikad iya nasantuwan nga edyanin to ‘Nakar-aryec nga Mangpirdi’, nga nipadtu nito mammadtu nga Danye̍l itun. (Ikew nga agbasbasa idi nga naisurat, masapul nga maawatam ya kaipapennan nidi.)

Paltiing 13:1

Ket itun, uwed nasingec nga isa nga nakan-ansing nga animal nga lumlumpuwas iya baybay. Pitu met diya ulu na, ket uwed sangapulu nga sacgud na, nga nakurunaan ya tunggal sacgud. Ket iya tunggal ulu na, uwed naisurat nga nagan nga makainsultu e̍ Apu Diyus.

Paltiing 13:18

Ya mayat nga makaawat kuma iya banag nidi nga ibagac, ket masapul nga panunuten na nga nalaing. Ngarud, diya amin nga uwed pannakaawat na, pattapattaen da kuma ya kaipapennan nito nume̍ru nito animal, ta kaibatugan met niya isa nga toley. Ket idi ya nume̍ru na: ennem nga gasut ket ennem nga pulu ket ennem.

Paltiing 17:18

Ket to nasingem nga babey, itu to agdindinamag nga siyudad nga mangituray kadiya ar-ari iya lubung,” kunen nito anghe̍l.

Paltiing 17:3

Ket pinaipen nac ngarudin to anghe̍l iya away gapu iya pannakabalin niya Ispiritu ne̍ Apu Diyus. Ket nasingec met antuni ya isa nga babey nga nakasakey ka isa nga animal nga nadgang. Ket ya beggi nito nadgang nga animal, nasanap ka naisurat nga agkakadake̍c nga nagnagan nga makainsultu e̍ Apu Diyus. Uwed met pitu nga ulu nito animal, se̍ uwed pe̍ sangapulu nga sacgud na.

Paltiing 17:7

Ket kinunen nito anghe̍l iyaken, “Ape̍ nga nasdaaw ka iya nasingem? Ibagac ngarud ikew ya kaipapennan nito babey se̍ to nagsakayan na nga animal nga uwed pitu nga ulu na se̍ sangapulu nga sacgud na.