Paltiing 17:3 - Ya Baru nga Tulag

³ Ket pinaipen nac ngarudin to anghe̍l iya away gapu iya pannakabalin niya Ispiritu ne̍ Apu Diyus. Ket nasingec met antuni ya isa nga babey nga nakasakey ka isa nga animal nga nadgang. Ket ya beggi nito nadgang nga animal, nasanap ka naisurat nga agkakadake̍c nga nagnagan nga makainsultu e̍ Apu Diyus. Uwed met pitu nga ulu nito animal, se̍ uwed pe̍ sangapulu nga sacgud na.

Paltiing 17:3 Iomraidhean Croise

Matyu 27:28

Inubaan da met, ket siuuyaw da nga nangke̍bal iginan ka nadgang nga luput.

Aramid 8:39

Ket ito gimacdang dan, kellat met nga nipanaw niya Ispiritu niya Apu nge̍ Pe̍lipe̍ yin, ket madi nasingen nito upisyalin. Ket to upisyal, nituluy na to panagawir na nga siraragsac kin.

2 Te̍salunika 2:4

Ket iyan nga Managsucsukir, kuntraen na nad pekkem diya amin nga ibilang diya toley nga diyus da se̍ diya orey nagan na nga duduma nga daydayawen diya toltoley, tasun ig-igina kuma ngas ya madaydayaw. Ket ipatugew na nad ya beggi na mettas iya Te̍mplu nga pakadayawan ne̍ Apu Diyus, ta kunen na nad nga agbalin kanu nga Diyusin!

Paltiing 1:10

Ket itun, algew niya Apu win, ket naiturayan nac gapu iya pannakabalin niya Ispiritu ne̍ Apu Diyus. Ket uwed nagicnac itun iya likud ku nga isa nga timec nga nabileg, nga arig met nga uni tangguyub.

Paltiing 12:14

Ngem to babey, nae̍cdan met ka duwa nga payac nga agten iya payac niya isa nga dackel nga bugkew, tasun makakayab nga mawe̍ enna away. Itu ya pakaistimaran na ka unus tellu ket kagudduwa nga dagun. Ket iya agten iyan, naliclikan na ngarud ya unget nito dragun, nga itu to naawagan pe̍ ka malaga.

Paltiing 12:3

Ket itun, uwed sabali manin nga nakaskasdaaw nga pagilasinan nga nasingen iya abac lawa, ta uwed met dackel nga sinan-buwaya nga maawagan ka dragun. Nadgang ya kulur nito dragun. Pitu met ya ulu na, se̍ sangapulu ya sacgud na, ket uwed kuruna niya tunggal isa kadito pitu nga ulu na.

Paltiing 12:6

Ket to babey, nagtalew met pe̍ yin nga nawe̍ iya isa nga edyan iya away, nga itu ya nisagana ne̍ Apu Diyus nga pakaistimaran na ka unus isa nga ribu ket duwa nga gasut ket ennem nga pulu nga algew.

Paltiing 17:18

Ket to nasingem nga babey, itu to agdindinamag nga siyudad nga mangituray kadiya ar-ari iya lubung,” kunen nito anghe̍l.

Paltiing 17:4

Ket to babey, nakakawwes ka kulur biyule̍ta se̍ nadgang, ket adu met diya kawwes na nga alahas nga balituc, se̍ agkakangina nga batu se̍ pe̍rlas. Nakaikem met ka tasa nga balituc nga napnu ka agkakaalas se̍ agkakarugit nga banbanag, nga itu ya pagbanagan niya kinamannakikamalala na.

Paltiing 18:12

Awan ngarud ngumina ngin kadiya balituc, kuwarta, agkakangina nga batu, se̍ pe̍rlas da, se̍ kadiya agkakangina nga luput, nga agten iya luput nga line̍n, winno ya nakulur ka biyule̍ta, se̍ agten iya luput nga sida, winno iya nakulur ka nadgang. Awan ngarud ngumina ngin kadiya nadumaduma nga agkakabangug nga kayu, se̍ amin nga kita alikamen nga naariman ka essong e̍le̍pante̍, se̍ diya naariman ka agkakangina nga kayu, burinsi, landuc se̍ napaw-is nga batu nga maawagan ka marmul.

Paltiing 18:16

nga kunen da, “Ay-aay! Kackaasi ngas mettin to agdindinamag nga siyudad! Ta itun, arig nga nakakawwes ka agkakangina nga luput, nga agten kadiya line̍n, diya biyule̍ta, se̍ diya nadgang. Se̍ arig pe̍ itun nga nakaalahas ka balituc, agkakangina nga batu se̍ pe̍rlas!

Paltiing 21:10

Ket gapu iya pannakabalin niya Ispiritu ne̍ Apu Diyus, nipen nac ngarud to anghe̍l iya isa nga dackel se̍ nangudu nga tageytey. Ket nipasingen na iyaken ya He̍rusale̍m, nga itu ya siyudad nga ipatpateg ne̍ Apu Diyus. Ket agpaspasegged met to siyudadin manipud ka langit, nga gayat e̍ Apu Diyus.

Paltiing 4:2

Ket sigida nga naidalan nac gapu iya Ispiritu ne̍ Apu Diyus. Ket ya nasingec, ket isa nga trunu nga naisaad ka langit, ket uwed nakatugew iyanin.