Biblia Todo Logo
Bìoball air-loidhne

- Sanasan -




Paltiing 17:1 - Ya Baru nga Tulag

1 Ket itun, imadenni iyaken nin ya isa kadito pitu nga anghe̍le̍s nga uwed igida itun dito pitu nga malukung. Ket kinunen na iyaken, “Umbe̍t ka, ta ipasingec ikew ya mapasamac nad iya pannakaukum nito agdindinamag nga sinan-huste̍s, nga igina ya agtugtugew nga situturay kadiya adu nga wangwangag.

Faic an caibideil Dèan lethbhreac




Paltiing 17:1
20 Iomraidhean Croise  

Ket kinunen ngarud dito duwa iya panagtebbar da, “Itu mettas gayam nga naganas nga unay to panaggigicna ta iya kagi na ito uwed tida pekkem iya dalan, ito nipalawag na dacta ya banbanag dito naisurat iya Bibliya!” kunen da.


Pagamwan nas nga uwed pe̍ duwa nga lalaki nga makitkitbar e̍ Je̍susin, nga itu met to Muyse̍s se̍ to E̍lyas.


Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.


Ket itun, uwed nasingec nga sabali manin nga pagilasinan ka langit, nga dackel se̍ nakaskasdaaw. Ta uwed met pitu nga anghe̍le̍s, ket uwed igida ya kabaellan nga mange̍cde̍ ka pitu nga panagrigat. Ket itu didi diya modi nga panagrigat nga pangdusa ne̍ Apu Diyus, ta didi ya panggibusan niya panggep ne̍ Apu Diyus maipanggep iya unget na.


Ket napakatlu mettin to siyudad nga agdindinamag, se̍ napirdi met pe̍ yin diya siyudad kadiya duduma nga pagpagiliyan. Ngarud, dito toltoley enna agdindinamag nga siyudad nga Babilunya, madi da met nakalisi iya pannusa ne̍ Apu Diyus, ta pinilit na da nga makipaglak-am iya unget na.


Kalpasan niyan, uwed manin nasingec nga sabali nga anghe̍l nga nagpaspasegged nga gayat ka langit. Naturay met nga unay, ket dinarangan met niya dayag na ya lubung.


Ta nalinteg se̍ rumbeng diya panangeddeng na, ket inukum nan to agdindinamag nga huste̍s nga nangpadake̍c kadiya toltoley iya lubung gapu iya kinamannakikamalala na. Nibales ngarud ne̍ Apu Diyusin to panangpatey nito huste̍s kadiya agsirsirbi iya Apu,” kunen da.


Ket kinunen manin nito anghe̍l iyaken, “Isurat mu pe̍ yani: Nagasat ngarud diya maawis nga makipangan iya pakalun niya Urbun Karne̍ru,” kunen na. Se̍ kinunen manin nito anghe̍l iyaken, “Didi met diya napudnu nga kagi ne̍ Apu Diyus,” kunen na.


Ket to anghe̍l nga nakitkitbar iyaken, uwed rurukud na nga balituc, nga itu ya pagrukud na ito siyudad, se̍ kadito ruwangan na se̍ ito bakud na.


Ket uwed met imadenni iyaken itun nga isa kadito pitu nga anghe̍le̍s nga uwed igida dito pitu nga malukung nga napnu kadito pitu nga modi nga panagrigat itun. Ket to anghe̍l, kinunen na met iyaken, “Umbe̍t ka, ta ipasingec ikew ya Nubya nga asawaen niya Urbun Karne̍ru,” kunen na.


Kalpasan niyan, uwed manin sabali nga nasingec, ta uwed arig nga silulukat nga gagayangan ka langit. Ket nagicnac manin to timec nga nagicnac itun, nga arig nga uni tangguyub. Ket kinunen na, “Umbe̍t ka idi ngudu, ket ipasingec ikew ya masapul nga mapasamac iya maadpangan nga kalpasan didi,” kunen na.


Lean sinn:

Sanasan


Sanasan