Paltiing 15:1 - Ya Baru nga Tulag

¹ Ket itun, uwed nasingec nga sabali manin nga pagilasinan ka langit, nga dackel se̍ nakaskasdaaw. Ta uwed met pitu nga anghe̍le̍s, ket uwed igida ya kabaellan nga mange̍cde̍ ka pitu nga panagrigat. Ket itu didi diya modi nga panagrigat nga pangdusa ne̍ Apu Diyus, ta didi ya panggibusan niya panggep ne̍ Apu Diyus maipanggep iya unget na.

Paltiing 15:1 Iomraidhean Croise

Paltiing 10:3

Ket nagpekkaw ka nabileg to anghe̍l, nga arig nga panaguni niya liyun. Ket ito pinumkawin, nageddug met nga arig nga nagsusublat diya pitu nga sel-it.

Paltiing 11:14

Ket itu yan to maikadduwa nga panagrigat diya toltoley. Ket dagus met nga sumarunu win ya maikatlu nga panagrigat da iya di mabayag.

Paltiing 14:10

ket itu met ya aglak-am iya panangukum ne̍ Apu Diyus igina, no ipaay nad ne̍ Apu Diyus ya unget na kadiya toltoley. Ket arig nga inumen da nad ya arig nga naingel nga unget ne̍ Apu Diyus, nga awan met lauc na nga pangpalasew. Ket ya agten iyan nga toley, matuctuuc nad met ka apuy se̍ burbura nga asupre̍, ket mapasamac nad met yan iya imatang diya anghe̍le̍s ne̍ Apu Diyus se̍ iya imatang niya Urbun Karne̍ru.

Paltiing 14:19

Ket iya agten iyan, nawe̍ ngarud nagkumpay to anghe̍l iya lubung. Binuras na met diya maiyarig ka bisic ubas niya lubungin, se̍ na da nipalladaw iya isa nga dackel nga pagpespessan, nga itu ya kaiyarigan niya napalaus nga unget ne̍ Apu Diyus nga pangdusa na.

Paltiing 16:1

Ket itun, uwed nagicnac nga nabileg nga timec nga gayat ito te̍mplu. Ket kinunen na kadito pitu nga anghe̍le̍s, “Mawe̍ kayu ibuyat iya lubung ya unget ne̍ Apu Diyus nga uwed kadito pitu nga malukung,” kunen na.

Paltiing 17:1

Ket itun, imadenni iyaken nin ya isa kadito pitu nga anghe̍le̍s nga uwed igida itun dito pitu nga malukung. Ket kinunen na iyaken, “Umbe̍t ka, ta ipasingec ikew ya mapasamac nad iya pannakaukum nito agdindinamag nga sinan-huste̍s, nga igina ya agtugtugew nga situturay kadiya adu nga wangwangag.

Paltiing 19:15

Ket to maawagan ka Kagi ne̍ Apu Diyus, uwed met natadem nga ispada nga rumwar iya musung na, nga itu met ya pangabac na kadiya nasnasyun. Ket iturayan na da nad ngarud ka nabaked nga turay nga agten iya kinabaked niya sacgukud nga landuc. Ta ipasingen na igida ya bileg niya unget ne̍ Apu Diyus nga Mannakabalin ka amin, nga arig nga pe̍se̍ten na da nad ka dackel nga pagpespessan.

Paltiing 21:9

Ket uwed met imadenni iyaken itun nga isa kadito pitu nga anghe̍le̍s nga uwed igida dito pitu nga malukung nga napnu kadito pitu nga modi nga panagrigat itun. Ket to anghe̍l, kinunen na met iyaken, “Umbe̍t ka, ta ipasingec ikew ya Nubya nga asawaen niya Urbun Karne̍ru,” kunen na.

Paltiing 8:13

Ket itun, pinumsekkac manin, ket nasingec ya isa nga bugkew nga agkaykayab iya abac lawa, ket nagicnac met to kinagi na ka nabileg, nga kinunen na, “Ay-aay! Kackaasi kayu nga unayin, dakayu nga uwed pekkem iya lubung bayat niya panagpauni diya tellu pekkem nga anghe̍le̍s kadiya tangguyub da, ta itu nad diya tellu pekkem nga panagrigat nu. Ket sisasagana da met nga mangpauni yin!” kunen na.

Paltiing 8:2

Ket itun, uwed nasingec nga pitu nga anghe̍le̍s, nga igida diya anghe̍le̍s nga nakasisikad iya sangu ne̍ Apu Diyus. Ket nae̍cdan da ka sagge̍sa da nga tangguyub.

Paltiing 8:6

Ket itun, nagsagana dito pitu nga anghe̍le̍s nga mangpauni kadito tangguyub dan.

Paltiing 9:20

Ket diya duduma nga toley nga nakalasat kadidi nga panagrigat nga pakatayan, madi da met latta nagbabawi kadito dake̍c nga winangwangel da. Madi da nipac to panagtungpal da kadiya sacsairu se̍ kadito didiyusen da nga bultu, nga agten kadito naariman ka balituc, pirac, burinsi, batu winno kayu. Ket didi latta dito dinaydayaw da, orey madi makasingen se̍ makagicna winno makadalan didi.