Paltiing 14:4 - Ya Baru nga Tulag

⁴ Ket igida didi diya madi namansaan ka dake̍c maipanggep ka babey, ta pulus nga di da nakitipun ka babey. Igida diya sumursurut ito Urbun Karne̍ru iya orey awac nga pennan na. Se̍ igida met diya toley nga nasubbut, tasun igida ya arig nga mon-ona nga pagdayaw nga maisangu e̍ Apu Diyus se̍ iya Urbun Karne̍ru.

Paltiing 14:4 Iomraidhean Croise

Matyu 19:12

Nadumaduma diya gapu na nga madi mangasawa diya toley. Ta uwed diya madi makaasawa gapu ta naiyanac da nga uwed dipe̍re̍nsiya iya kinalalaki da. Ket uwed pe̍ diya madi makaasawa gapu iya pannakakapun da nga inariman toley igida. Ket uwed met pe̍ diya madi mangasawa gapu ta niparit da iya beggi da yan, tasun agpaay da kuma ngas kadiya banbanag maipanggep iya panangituray niya Nailangitan. “Ket ya makabael iya banag nidi nga sursuru, tungpalen na kuma ngarud,” kunen na.

Matyu 25:1

Nituluy ne̍ Je̍sus ya panagkagi na, nga kinunen na, “Ya panangituray niya Nailangitan kadiyan nad nga algew, maiyarig iya agten idi: Uwed sangapulu nga babbalasang nga nakipakalun. Ket nawe̍ da nga sumabet iya umbe̍t nga nubyu, nga nagkakalneb da ka nidal-ag nga dilag.

Matyu 8:19

Ket uwed met imadenni igina itun nga isa nga manursuru iya Linteg Hudyu, ket kinunen na e̍ Je̍sus, “Mistru, sumurut tac met ikew iya orey awac nga kapennam,” kunen na.

Juan 10:27

Ta diya karne̍ruc, ikasu da met ya timec ku. Emmuc da, ket suruten dac met.

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Juan 13:37

Ket kinunen manin ne̍ Pe̍dru igina, “Ape̍ ngarud, Apu, nga kunem nga madic mabalin ya mipuyut ikew ita? Ta sisasagana ngac met nga orey matey yac para ikew!” kunen na.

Juan 8:12

Ket itun, nagkagi manin nge̍ Je̍sus kadiya toltoley nga kinunen na, “Iyaken ya mangwada ka toley iya lubung ngi. Ya sumurut iyaken, madi manmanalan iya gicbet tin, no di lugud mawadaan ka wada nga mange̍cde̍ ka biyag,” kunen na.

Aramid 20:28

“Dikad pe̍ ita, dakayu nga panglakayen, agannad kayu nga tunggal isa, se̍ siputan nu pe̍ diya amin nga mamati nga nitalec niya Ispiritu Santu dakayu iya tunggal bungguy nu. Aywanan nu da nga nalaing, ta bukud ne̍ Apu Diyus da nga arig nga ngininaan na da iya daga niya Anac na.

1 Kurintu 16:15

Ket kakabsat, malagip nu ngarud de̍ E̍ste̍panas nga sangabaley. Igida dito nona nga namati e̍ Je̍su Kristu iyan nga prubinsiya nu nga Akaya itun. Ket emmu nu pe̍ nga isnup da ya agsirsirbi kadiya pada da nga mamati.

1 Kurintu 6:20

Ta napateg nga unay to nangsaka ne̍ Apu Diyus dakayu. Dikad pe̍ usaren nu kuma ngarudin ya beggi nu iya pakaidayawan ne̍ Apu Diyus.

1 Kurintu 7:28

Ngem orey no mangasawa kayu kuma, bekken met nga basul. Se̍ diya babbalasang pe̍, no makiasawa da, bekken met pe̍ nga basul yan. Ngem diya siaasawaan, adu met diya pakarigatan da idi nga lubung. Ket ya gabay ku, ket maliclikan nu kuma ngas diyan nga pakarigatan toley.

2 Kurintu 11:2

Ta arig nga iyimun nakayu, gapu iya napasnec nga panangasikasuc dakayu, nga agten mettas iya panangasikasu ne̍ Apu Diyus dakayu. Ta iyaken, maiyarig gac iya mangiyasawa dakayu e̍ Kristu. Ket dakayu ya maiyarig iya isa nga nadalus nga nubya nga naitulag e̍ Kristu nga nubyu na, nga ig-igina ngas ya pakiasawaan na.

E̍pe̍su 1:14

Ket ya Ispiritu Santu, igina ya mangpatalged iya tawiden tida e̍ Apu Diyus, nga patalgeddan na ngarud ya panangpawayawaya ne̍ Apu Diyus dactida nga toley na. Ket gapu iyan nga inariman ne̍ Apu Diyus, agpaay tidan iya pakaidayawan na maigapu iya kinadayag na.

E̍pe̍su 5:27

Agten iyan ya inariman ne̍ Kristu, tasun paisagana na ya bungguy mamati, tasun napaw-is iya imatang na nad no alac nan. Ta gabay na no awan kuma mansa winno dake̍c niya bungguy mamati, winno orey nagan na nga pagkurangan na, tasun yan nas nadalusan se̍ madi mapabasulin.

1 Timutyu 4:3

Ket diya agten iyan nga toley, iyagawa da ya panagasawa. Kanyawen da met pe̍ ya pannangan ka duduma nga makan. Ngem ya kinapudnu na, pinarsuwa met ne̍ Apu Diyus diyan nga makan, tasun dactida nga mamati se̍ makaemmu win iya pudnu, kanen tida kuma nga siiiyaman.

He̍briyu 12:23

Nadateng nu ngarudin ya bungguy diya naibilang nga kaonaan nga anac ne̍ Apu Diyus. Ket didi, nailista pe̍ yin diya nagnagan da enna langit. Nakadateng kayu ngarud mettin iya edyan mettas ne̍ Apu Diyus, nga igina met ya mangkeddeng kadiya amin-amin. Se̍ nadateng nu pe̍ yin dito nat-atey nga toley na nga naibilang nga awan pagkurangan dan iya imatang na.

Santiyagu 1:18

Ket gapu mettas iya rimidyu ne̍ Apu Diyus, pinagbalin nactida nga anac na gapu iya kagi na nga naipakaemmu dactida, nga itu ya kinapudnu. Agten iyan ngarud ya nirimidyu ne̍ Apu Diyus, ta gabay na no dactida nga mamati, ket maiyarig tida iya kangrunaan kadiya amin nga pinarsuwa na.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 21:22

Ket nadlaw ku nga awan met te̍mplu ito siyudad, ta e̍ Apu Diyus, nga Apu nga Mannakabalin ka amin, se̍ ya Urbun Karne̍ru, igida mettin ya pagdaydayawan antuni.

Paltiing 21:23

Se̍ madi met masapul ya sinag winno ya bulan nga mangwada ito siyudad, ta ya dayag mettas ne̍ Apu Diyus ya mangwadwada antuni nin. Ket ya Urbun Karne̍ru, igina met ya pagdilag niyan nga siyudad.

Paltiing 3:4

“Ngem uwed duduma dakayu enna Sardis, nga nadalus da pekkem, ta di da pinarugitan ya kawwes da. Ket igida diya makibulun nad iyaken nga sikakawwes da ka puraw, ta maikari da met nga makibulun iyaken.

Paltiing 5:9

Ket dito naglakeb, kinanta da ya isa nga kabarbaru nga kanta. Agten idi to nikanta da: “Ikew ya maikari nga mamet iya nalukut nga pagbasaan se̍ mangipac kadito naikapet. Ta ikew ya napatey itun, ket gapu iya pannakaidaga niya beggim mettas, uwed da toley nga sinubbut mu nga nipaay mu e̍ Apu Diyus, nga gayat iya tunggal kapututan, pagkakagi, pagiliyan se̍ nasyun.