Paltiing 13:6 - Ya Baru nga Tulag

⁶ Rinugiyan na nga ininsultu nge̍ Apu Diyus, ta dake̍c to nikagkagi na maipanggep iya nagan se̍ pagedyanan ne̍ Apu Diyus, se̍ maipanggep kadiya amin nga makipagedyan igina ka langit.

Paltiing 13:6 Iomraidhean Croise

Matyu 12:34

Ape̍? Dakayu, ket arig kayu was nga putputut diya nagita nga malaga! Ta madi kayu met maikagi diya nabaru, gapu ta dake̍c ya uwed iya panpanunut nu! Ngarud, ya uwed iya lemlemmet niya isa nga toley, itu mettas ya maikagi niya musung na.

Matyu 15:19

Ta diya gayat iya tarigagay niya toley, itu diyan diya pagtaudan diya dake̍c nga panpanunut, se̍ ya pumatey, pannakitipun ka bekken na nga asawa, pannakikamalala, panagtakew, se̍ ya panangpabasul nga sibubusid, se̍ ya panamadpadake̍c.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Ruma 3:13

Diya musung da, arig met nga silulukat nga tamen. Agkakadake̍c met nga kinabusid ya binalbalikas da. Se̍ arig nga makapatey diya kagi da, nga maiyarig iya gita malaga ya ibalikas da.

Kulusas 1:19

Ta ginabay ne̍ Apu Diyus nga uwed pe̍ iya Anac ya amin nga kinaDiyus na.

Kulusas 2:9

Ngem ya kinapudnu na, ket ito panagbiyag ne̍ Kristu nga nagpaitoley, uwed mettas igina amin nga kinaDiyus ne̍ Apu Diyus.

He̍briyu 9:2

Ta uwed to pagdaydayawan nga naariman ka tulda. Ket to pagdaydayawan, uwed duwa nga parte̍ na. Ya makin-ruwar nga parte̍, ket naawagan ka Nasantuwan nga Edyan. Itu to edyan nito dilag, se̍ to lamisaan nga papayan da ito tinapay nga maidatun e̍ Apu Diyus.

He̍briyu 9:24

Diya namaymayat ngarud ya masapulin, ta e̍ Kristu, bekken nga ya nasantuwan nga pagdaydayawan nga inariman toley to imuneggan na. Ta to nona nga pagdaydayawan, ket ladawan ngas niya kustu nga pagdaydayawan nga uwed ka langit. Ngem e̍ Kristu, imuneg ngarud iya pagdaydayawan ka langit iya imatang mettas ne̍ Apu Diyus. Ket ita, uwed met antuni nin nga mangibegbeggi nga maipaay dactida.

Paltiing 11:12

Ket itun, nagicna dito duwa ya nabileg nga timec nga gayat ka langit, nga kinunen na igida, “Umbe̍t kayu idi ngudu!” kunen na. Ket naibulun met dito duwa ka ulep pin, ket naipangudu da ngarud nga nawe̍ ka langitin. Ket dito gumurgura igida, binuybuya da ngarudin.

Paltiing 12:12

Dikad pe̍ anggem kuma ngas ya uwed ka langitin, se̍ uwed kuma ngarud pe̍ yin pakaragsakan diya aged-edyan ka langit! Ngem no ya ginet se̍ baybay iya lubung, kackaasi da nga gennung, ta itu ya nagdessagan nito diyablu win. Ket napalaus ya unget nan, ta emmu na nga e̍teng ngin ya gundaway nan,” kunen met nito timec.

Paltiing 15:5

Kalpasan niyan, nasingec nga nalukatan mettin ya akin-uneg nga parte̍ niya te̍mplu ka langit, nga itu ya pagdaydayawan nga pakalaglagipan iya kauwed ne̍ Apu Diyus.

Paltiing 18:20

Aganggem kayu ngarudin, dakayu nga taga-langit! Ngarud, aganggem kayu pe̍ yin, dakayu nga toley ne̍ Apu Diyus, agraman dakayu nga apustule̍s se̍ mammadtu! Aganggem kayu ngarud gapu iya napasamac iyan nga siyudad. Ta ya panangukum ne̍ Apu Diyus ito siyudad, itu met ya panangibales nan ito panangparigat nito siyudad dakayu!

Paltiing 21:3

Ket nagicnac itun ya isa nga nabileg nga timec nga gayat ito trunu ka langit, nga kinunen na, “Kad yan! Uwed kadiya toltoley yin ya pagedyanan ne̍ Apu Diyus, ket makipagedyan met nge̍ Apu Diyus igidan. Ket iya agten iyan, igida nad ngarud diya toley ne̍ Apu Diyus. Ket e̍ Apu Diyus, makibulun mettas igida, ket igina ya Diyus da.

Paltiing 4:1

Kalpasan niyan, uwed manin sabali nga nasingec, ta uwed arig nga silulukat nga gagayangan ka langit. Ket nagicnac manin to timec nga nagicnac itun, nga arig nga uni tangguyub. Ket kinunen na, “Umbe̍t ka idi ngudu, ket ipasingec ikew ya masapul nga mapasamac iya maadpangan nga kalpasan didi,” kunen na.

Paltiing 4:4

Ket iya le̍cbut nito trunu manin, uwed pe̍ duwa nga pulu ket eppat nga sabali nga trunu. Ket uwed duwa nga pulu ket eppat nga panglakayen nga nakatugew kadito trunu. Nakakawwes da ka puraw, ket diya ulu da, nakabalangat ka balituc.

Paltiing 5:13

Ket itun, nagicnac diya kinagkagi diya amin nga naparsuwa nga uwed ka langit, se̍ diya uwed iya lubung, se̍ diya uwed iya uneg niya ginet, se̍ diya uwed ka baybay. Ngarud, nagicnac diya kinagkagi diya amin-amin nga naparsuwa, nga kinunen da, “Pagipaayan ngarud ya nakatugew iya trunu se̍ ya Urbun Karne̍ru ka amin nga pateg, dayaw, kinaari, se̍ pannakabalin ka agnanayun nga awan patingga na!” kunen da.

Paltiing 7:15

Ket iyan ya gapu na nga uwed da iya sangu niya trunu ne̍ Apu Diyus, ket algew-gabi, agsirsirbi da igina iya te̍mplu na. Ket ya agtugtugew iya trunu, salacniban na da gapu mettas iya kauwed na.

Paltiing 7:9

Ket kalpasan niyan, pinumsekkac manin, ket uwed nasingec nga nakad-adu nga toley nga naurnung. Ket gapu ta adu da nga unay, awan met toley nga makabael nga mangbilang igida. Naggayat dito toltoley kadiya amin nga nasyun, kapututan, pagiliyan se̍ pagkakagi. Ket agsisikad da iya sangu nito trunu se̍ to Urbun Karne̍ru. Nakakawwes da ka puraw nga sutana, se̍ agik-ikem da ka bain.