Paltiing 13:4 - Ya Baru nga Tulag

⁴ Ket dinaydayaw diya amin nga toltoley to dragun, gapu ta igina ya nange̍cde̍ iya kinaturay na ito nakan-ansing nga animal. Se̍ dinaydayaw da pe̍ to nakan-ansing nga animal, nga kinunen da, “Awan kapada nidi nga animal! Awan makaabac igina!” kunen da.

Paltiing 13:4 Iomraidhean Croise

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

2 Te̍salunika 2:4

Ket iyan nga Managsucsukir, kuntraen na nad pekkem diya amin nga ibilang diya toley nga diyus da se̍ diya orey nagan na nga duduma nga daydayawen diya toltoley, tasun ig-igina kuma ngas ya madaydayaw. Ket ipatugew na nad ya beggi na mettas iya Te̍mplu nga pakadayawan ne̍ Apu Diyus, ta kunen na nad nga agbalin kanu nga Diyusin!

Paltiing 12:3

Ket itun, uwed sabali manin nga nakaskasdaaw nga pagilasinan nga nasingen iya abac lawa, ta uwed met dackel nga sinan-buwaya nga maawagan ka dragun. Nadgang ya kulur nito dragun. Pitu met ya ulu na, se̍ sangapulu ya sacgud na, ket uwed kuruna niya tunggal isa kadito pitu nga ulu na.

Paltiing 12:4

Ket to ipus na, inapras na met ya pagkatlu diya bitbituwen iya abac lawa, ket naidegsut da iya ginet tin. Ket to dragun, nagsisikadin ito sangu nito babey nga dandani aganac kin, ta gabay na nga kanen kuma ya ke̍bit nito babey, no maiyanac kin.

Paltiing 13:11

Ket itun, uwed manin nasingec nga sabali nga animal nga nakan-ansing, ket rinumwar met iya ginet tin. Duwa ya sacgud na nga arig ngas nga sacgud niya isa nga urbun karne̍ru. Ngem ya panagkagi na, arig met nga agkagkagi nga dragun.

Paltiing 13:15

Ket to maikadduwa nga animal, napalubusan met nga mangbiyag ito bultu nga kalanglanga nito nona nga animal, tasun makakagi to bultu win, se̍ mabalin na pe̍ ya mangpatey kadiya madi agdayaw igina.

Paltiing 13:2

Arig nga liyupardu met ya beggi nito animal nga nasingec. Ket diya sacsaka na, arig nga saka niya usu. Ket ya musung na, arig nga musung niya liyun. Ket to nakan-ansing nga animal, itu ya nangitalkan nito dragun iya pannakabalin na, se̍ ya kinaari na, se̍ ya dackel nga kinaturay na.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 18:18

Ket ito nasingen da ya asuc nito mapocpooran nga siyudad, nip-ipkaw da nga kinunen da, “Awan met kapada niya kinalatac niyan nga siyudad!” kunen da.

Paltiing 9:20

Ket diya duduma nga toley nga nakalasat kadidi nga panagrigat nga pakatayan, madi da met latta nagbabawi kadito dake̍c nga winangwangel da. Madi da nipac to panagtungpal da kadiya sacsairu se̍ kadito didiyusen da nga bultu, nga agten kadito naariman ka balituc, pirac, burinsi, batu winno kayu. Ket didi latta dito dinaydayaw da, orey madi makasingen se̍ makagicna winno makadalan didi.