Paltiing 13:10 - Ya Baru nga Tulag

¹⁰ Diya makadateng iya pannakaipanaw da gapu kadiya manggura igida, ket tutu met nga maipanaw da ngas met. Se̍ diya makadateng met iya pannakatey da gapu kadiya mangispada igida, ket tutu met nga matey da ngas ka ispada. Itu nga masapul nga bumileg diya toltoley ne̍ Apu Diyus iya panaganus se̍ panamati da.

Paltiing 13:10 Iomraidhean Croise

Matyu 26:52

Ket kinunen ngarud ne̍ Je̍sus iginan, “Bay-am mun! Ibainam mas ya ispada mun! Ta diya agusar ka ispada, ket ispada mettas pe̍ ya pakatayan da.

Matyu 7:2

Ta no kumaan niya inget niya panangusig nu, agten iyan nad met ya pannakausig nu. Se̍ no kumaan niya panangaasi nu, agten iyan nad met ya pannakakaasi nu.

Lukas 21:19

Ket gapu iya panangitured nu kadiyan nga rigrigat, maisalakan nu nad ya biyag nu.”

Kulusas 1:11

Ket ikarkararag mi pe̍ nga gapu iya nakaskasdaaw nga pannakabalin na, pabpabilgen kuma ne̍ Apu Diyus ya panamati nu igina, gapu iya amin nga bileg nga ipaay na dakayu. Agten iyan kuma tasun makaanus se̍ makaibtur kayu was iya orey nagan na nga mapasamac dakayu.

He̍briyu 6:12

Ta madi kayu kuma agsadsadut, no di lugud tuladen nu diya nagtawidin kadiya nikari ne̍ Apu Diyus. Nagtawid da ngarud gapu iya panamati se̍ panaganus da.

Paltiing 1:9

Iyaken nga Juan nga kabsat nu ka pammati, ket gapu iya pannakaitipun tida e̍ Je̍sus, kabulun dac met iya panagsagaba gapu igina, se̍ iya pannakairaman kadiya iturayan na, se̍ iya panaganus nga sinanama gapu igina. Ket gapu iya panangikasabac iya kagi ne̍ Apu Diyus, se̍ gapu iya panangipakaemmu ne̍ Je̍sus, uwed dac itun iya puru nga maawagan ka Patmus.

Paltiing 11:18

Nakaunget diya bekken nga mamati, ngem nipasingem lattan ya unget mu igida. Ta nadatnganin ya timpu niya pannakaukum diya natey yin, se̍ ya timpu niya pananggun-gunam kadito nangasaba nga nagsirsirbi ikew itun, se̍ kadiya amin nga toley mu, nga itu diya amin nga pasurut niya kinaturay mu, orey diya mabigbig man, winno nanumu. Ngarud, timpu mettin niya pannakapirdi dito nangpirdi kadiya uwed iya lubung,” kunen da.

Paltiing 14:12

Itu ya gapu na nga masapul nga aganus nga pe̍yeng diya toley ne̍ Apu Diyus, nga itu diya agtungtungpal kadiya bilbilin na se̍ ya pammati da e̍ Je̍sus.

Paltiing 16:6

Ta didi nga dusaem mun, igida met diya nangpatey kadito nangasaba maipanggep ikew, se̍ dito duduma nga toley mu. Ket ita, patey mettin ya ipaay mu igidan, ket rumbeng ngarud met yani nga pagbanagan dan!” kunen na.

Paltiing 17:11

Ket to animal nga kunec nga nagturturay itun ngem awanin ita, igina met ya maikawalu nga ari, nga kabulun dito pitu. Ket agbanag nad mettas ka pakapukawan na.

Paltiing 17:8

Ket to animal nga nasingem, itu to nagturturay itun, ngem awan mettin ita. Agparang nad mettas manin, ta rumwar nad met ito nakaun-uneg nga ebbut iya ginet. Ngem agbanag lugud das nad ka pakatayan na. Ket nad no aggundaway manin to animal iya lubung, masdaaw ngarud diya bekken nga naisurat ya nagan da iya libru nga nakaisuratan dito nagnagan diya mae̍cdan ka agnanayun nga biyag, manipud ito di pekkem nga naparsuwa ya lubung. Masdaaw da nad ngarud no masingen da to nadgang nga animal nga agparang manin, ta igina met to nagturturay itun, ngem napukaw met itan, ket agparang nad met manin.

Paltiing 2:19

Emmuc met diya wangwangel mu, agten iya panagayat mu, se̍ ya nabileg nga panamatim, se̍ ya panagtulung mu se̍ panaganus mu. Ket emmuc met nga ad-adu pekkem diya nabaru nga wangwanglem ita ngem ito damu.

Paltiing 2:2

Emmuc diya wangwangel mu, se̍ ya panagbannug se̍ panaganus mu. Emmuc pe̍ nga madi ka ipamoya diya toltoley nga dake̍c ya ugali da. Ket dito busid nga apustule̍s nga nagkunen nga apustule̍s da kanu, ket inemmum da, ket naemmuwam nga busid da met.

Paltiing 3:10

Ket no maipanggep ikew, gapu ta nipangag mu to nibagbagac ikew nga aganus ka kuma, ket isalakan naka nad met iya timpu niya panagrigrigat nga umbe̍t nad iya amin nga lubung tasun masigir diya toltoley iya lubung.

Paltiing 3:3

Itu nga laglagipem kuma ngarudin dito naad-adal mu, se̍ dito nagicgicnam. Tungpalem mun, ta agbabawi ka kuma ngarudin kadito basbasul mu. Ngem no madi ka agnakem, umbe̍t naka met dusaen nin, ket arig nga umbe̍t niya isa nga mannanakew ya umbe̍t ku ikew, ta madi ka maem-emmuwan no nungey.