Paltiing 12:8 - Ya Baru nga Tulag

⁸ Ket naabac met to dragun se̍ dito anghe̍le̍s na, itu nga madi da napalubusan nga agedyan ka langitin.

Paltiing 12:8 Iomraidhean Croise

Matyu 16:18

“Ket idi pe̍ ya ibagac ikew: Pe̍dru ya nagan mu, nga kayat na nga kagiyen, batu. Ket ya pinas nga idi, itu yan ya pangibangunac nad iya bungguy ku nga igle̍siyac. Ket awan nad met makaabac idi, orey ya pannakabalin niya patey.

Aramid 1:25

tasun uwed mangsukat ito Hudas iya akem na nga isa dakami nga apustule̍s. Ta pinanawan nito Hudas ya kinaapustul na nga nawe̍ yin iya lugar nga tumutup igina,” kunen da.

Hudas 1:6

Ket laglagipen nu kuma pe̍ dito anghe̍le̍s nga naglablabes ito turay nga naitalec igida, ta pimanaw da met ito naibilin nga pagedyanan da itun. Ket ya Apu, nibalud na da iya nauneg nga lugar nga nagicbet, ket nakawaran da met pe̍ ennan ka kawar nga agnanayun ya baked na, agingga nga madatngan nad ya pannakaukum iya nakaskasdaaw nga Timpu.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.

Paltiing 12:7

Ket itun, uwed gubat ka langitin, ta e̍ Anghe̍l Mige̍l se̍ diya kabulun na nga anghe̍le̍s, ginubat da to dragun se̍ dito anghe̍le̍s na. Ket nakigubat met to dragun se̍ dito anghe̍l na igida.

Paltiing 12:9

Ket to dackel nga dragun, naidegsut ngarud manipud ka langitin. Ngarud, igina yan to sinan-malaga itun pekkem, se̍ ya maawagan ka diyablu nga itu nge̍ Satanas. Igina met ya mangal-allilaw kadiya toltoley iya amin nga lubung. Naidegsut ngarud iya ginet tin, ket naidegsut pe̍ yin dito anghe̍le̍s na.

Paltiing 20:11

Ket itun, uwed met nasingec nga isa nga dackel nga trunu nga puraw, se̍ nasingec pe̍ ya agturay nga nakatugew iyan nga trunu. Ket ya abac lawa se̍ ya ginet, nagpukaw da mettin iya imatang na, ket pulus nga madi da masingen nin.