Paltiing 12:7 - Ya Baru nga Tulag

⁷ Ket itun, uwed gubat ka langitin, ta e̍ Anghe̍l Mige̍l se̍ diya kabulun na nga anghe̍le̍s, ginubat da to dragun se̍ dito anghe̍le̍s na. Ket nakigubat met to dragun se̍ dito anghe̍l na igida.

Paltiing 12:7 Iomraidhean Croise

Matyu 13:41

Ta ibon nad niya Anac nga Naipatoley diya anghe̍le̍s na, ket ipac da nad ngarud iya pagiturayan na diya amin nga pakabasulan toley se̍ amin diya managdacdake̍c,

Matyu 16:27

Agten iyan ngarud, ta agparang nad ya Anac nga Naipatoley nga maibulun pe̍ igina diya anghe̍le̍s na, ket madaydayaw nad mettas gapu iya panangipadayaw niya Ama na igina. Ket itu nad ya panangsupapac na kadiya toltoley yin maikanatad kadiya winangel niya tunggal isa.

Matyu 24:31

Ket uwed nad magicna nga nabileg nga uni tangguyub manipud kadito ulep, ket itu nad ya panangibon na kadiya anghe̍le̍s nan. Ket mawe̍ diya anghe̍le̍s kadiya eppat nga pagtaudan niya belluut, nga urnungen da nad diya pinili ne̍ Apu Diyus nga toley na. Ngarud, urnungen da nad da nga gayat kadiya amin nga parte̍ niya lubung.”

Matyu 25:41

“Ket kalpasan niyan, kunen nad niya Ari kadiya uwed iya makatigid na, ‘Dakayu, umadeyyu kayu iyaken nin, dakayu nga nailunud nga toley! Mawe̍ kayu was ito agnanayun nga pagapuyan nga naisagana itun para iya diyablu se̍ dito eb-ebbonen na.

Matyu 26:53

Nagan na lugudin? Di ngarud aya mabalin ku ya agadeng e̍ Amac ka tulung na, ket sigida nga mangibon ka orey nasuruc nga sangapulu ket duwa nga dackel nga bungguy diya anghe̍le̍s nga tumulung iyaken?

2 Kurintu 12:7

Ket gapu ta uwed adu nga nakaskasdaaw nga nipaspasingen ne̍ Apu Diyus iyaken, kaynun no tumangsit tac. Itu nga nipalubus ne̍ Apu Diyus nga e̍cdan nac nge̍ Satanas ka sakit ku, nga itu ya arig nga rasi nga uwed iya sebbit ku nga mamarigat iyaken, tasun di yac kuma gabay ya mangipasindayaw kadiyan nga napasamac iyaken.

E̍pe̍su 6:12

Ta bekken met nga toley ya kakuntra tida, no di lugud diya dake̍c nga di mas-asingen nga gayat iya ngudu. Itu diya uwed pannakabalin se̍ turay da, se̍ diya agituray kadiya dake̍c nga toltoley nga uwed idi nga lubung ita nga timpu, nga arig nga nagicbet.

2 Te̍salunika 1:7

Ngem dakayu nga maparparigat, pagnam-ayen nakayu nad met, agten pe̍ iya pamaay na dakami. Mapasamac nad didi no agparang nge̍ Apu Je̍sus nga gayat ka langit. Ibulun na nad diya anghe̍le̍s na nga mae̍cdan ka pannakabalin.

He̍briyu 2:10

Mayat met ya agten iyan, ta e̍ Apu Diyus, igina ngarud ya pagpaayan diya amin nga naparsuwa, se̍ igina pe̍ ya paggayatan diya amin. Itu nga tumutup met to inariman na iya makaigapu iya pannakaisalakan tida, nga itu nge̍ Je̍sus. Ta inanayan ne̍ Apu Diyus ya kasasaad ne̍ Je̍sus gapu ito panaglak-am na ito rigat na. Ket agten iyan met tasun adu diya maibilang nga an-anac ne̍ Apu Diyus, se̍ tasun iturung ne̍ Je̍sus da iya pakaidayawan da.

2 Pe̍dru 2:4

Siguradu nga agten iyan, ta orey diya anghe̍le̍s nga nagbasul itun, madi kinaasiyan ne̍ Apu Diyus da, no di lugud pinapen na da iya pakabaludan da nga nauneg nga lugar. Ket uwed da pekkem antuni nga sibabalud iya nagicbet nga unay nga lugar, agingga iya pannakadusa da nad mettas.

Hudas 1:9

Ngem bekken nga agten iyan to winangel nito Anghe̍l Mige̍l nga pangulu mettas diya anghe̍le̍s ne̍ Apu Diyus. Ta ito nagdinniskutir da nge̍ Satanas, no nagan igida ya mamet ito bangkay ne̍ Muyse̍s, madi met naitured nito Mige̍l nga pinabasul nge̍ Satanas maipanggep iya kinadake̍c na. Madi ngarud naitured nito Mige̍l ya agten iyan, orey igina mettas ya pangulu diya anghe̍le̍s ne̍ Apu Diyus. Ket agten idi ngas to kinunen na: “E̍ Apu Diyus kuma ngas ya makaemmu nga mangilbec ikew win!” kunen na.

Paltiing 12:8

Ket naabac met to dragun se̍ dito anghe̍le̍s na, itu nga madi da napalubusan nga agedyan ka langitin.

Paltiing 12:9

Ket to dackel nga dragun, naidegsut ngarud manipud ka langitin. Ngarud, igina yan to sinan-malaga itun pekkem, se̍ ya maawagan ka diyablu nga itu nge̍ Satanas. Igina met ya mangal-allilaw kadiya toltoley iya amin nga lubung. Naidegsut ngarud iya ginet tin, ket naidegsut pe̍ yin dito anghe̍le̍s na.

Paltiing 13:7

Ket napalubusan met pe̍ to animal nga manggubat se̍ mangabac kadiya toley ne̍ Apu Diyus. Se̍ nae̍cdan pe̍ ka kalinteggan nga mangituray kadiya amin nga kapututan, pagiliyan, pagkakagi se̍ nasyun.

Paltiing 20:2

Ket tiniliw mettin nito anghe̍l to dragun, nga itu to sinan-malaga nga uwed itun pekkem, nga itu mettas ya diyablu winno Satanas. Ket niraked met nito anghe̍l, tasun madi makatalew ka unus sangaribu nga dagun.